كيف اتخلص من شعوري!!
 

السلام عليكم ورحمة الله

حقيقه انا متضايقه ومو قادر اركز بحاول اختصر الكلام والمشكله
مشكلتي انه من بعد ماملكت وتركت هالانسان من قبل سنوات ومن بعدها وانا مااتوفق بأي موضوع
دايم مخطوبه ودايم مااتوفق وقبل فتره استشرتكم في موضوع خطبتي اللي تم الين الشوفه وتيسرت الامور لدرجة حجزي لكل ترتيبات الشبكه لكن قبل الشبكه بعشره ايام تقريبا جات ام خطيبي تحدد موعد ولما راحت حلمت بقطه سوداء بغرفتي وبعدها لاسباب تافه جداً اتفركش الموضوع تعبت جداً وتعبت نفسيتي والحمدلله على كل حال
صديقتي بتساعدني اخرج من حالتي فتوسطت لي عند وحده تعرفها علشان اشتغل واضيع وقتي فرحبت هالانسانه واكدت عليها اني اجي لما جيت تخربطت السالفه ومدري كيف مرا تقول اوك وظفناك ومرا تقول لا اكتفينا روحي ونتصل عليك ورجعت البيت وحلمت بجني يخوفني بغرفتي وكنت ابكي بالحلم بكآء هستيري واقول لامي ساعديني
الموهم امس رسلت لمفسر حلمي فرد علي انه هذا شيطان عاشق اتاك عن طريق سحر او عين ويمنع عنك تيسير امرك ويأتيك بصور مختلفه..
انا زمان قبل سنتين رحت لشيخ يرقيني قرأ علي وقال مافيك شي بس اقرأي سورة يوسف كل يوم..واستمريت فترة وتركتها
علماً بأني كثييير اقرأ سورة البقره واوقات اقرأها بركعه واحده
بس انا الان كارهه كل شي مافي ولا شي يتم على خير مع العلم اني اخاف الله وجميله واخلاقي عاليه بشهادة الكل..
بس ايش وضعي..
وهل هالتفسير بمكانه ولا لا..
صرت بس ابكي وحتى مالي خلق اخرج او اقابل ناس واهلي اجاملهم مجامله واوقات اعصب ومااقدر امسك نفسي وبالفتره الاخيره يجيني خفقان بقلبي مو طبيعي ودايم اقول لنفسي ياخسارة علمك وثقافتك ووو نهايتك وحده مجنونه لاني من جد اوقات احس اني بتجنن , كل الناس حولي تتحرك ومبسوطه وعايشه حياتها وانا حتى الاحلام كرهتها وصارت نظرتي سوداويه للحياة وانا اللي كنت خفيفة دم ومتفائله واساعد الناس.
اللي يدخل هنا وماعنده رد يكفيني منه دعوه بظهر الغيب..

ختي الغاليه روح

والله ان قلبي تقطع عليك وع حالتك وتذكرت صديقه لي ..حلمت بنفس اللي حلمتي به وهي القطط..
وبعد فتره انسحرت اختها .. بس الحمدالله شفيت من السحر

القطط والله اعلم هي سحر او عين كما قال لك المفسر وانصحك بان تذهبي لشيخ او ترقي نفسك بنفسك بقراة سورة البقره يوميا من بعد الفجر الى ساعات الصباح الاولى لممدة 7 ايام

واغتسلي بالسدر وضعي المسك على كل جسمك لان الشياطين تكره راحة المسك

الله يسعدك ويشفيك ويبعد عنك كل شر ..

تقبلي ردي برحابة صدر .

اختك غراااام

هلا فيك غرام زوجي
عندي المسك الجامد ينفع استخدمه؟
الين اروح اجيب المسك الاسود اللي هو الدهن؟
وراح ابدأ باءذن الله من الصباح بقرآءة سورة البقره

المسك مدري عن الجامد

بس عادي مسك الطهاره الابيض استخدميه

لان الاسود كما سمعت انه صناعي والله اعلم

والله يسعدك ويحقق لك كل امالك .

آالله اعلم
فيك عين او ح سد..,,
آنا مثلك آحلم بقطه سوده تعظني
ويجيني صدآآع بقوهــ لدرجه اكره نفسي..!!
المهم قآآلي شيخ آنتي محسودهـ على نعمه آعطآآك آآيآآه ربي
احرصي على الآذكآآر
والحمدلله احط الرقيه في آذآآني وتروش بموويه مقريه وسدر..وآقرآ الرقيه
سوي مثلي وآدعي ربك
والحمدلله تحسنت :)بس حاافظي على اسرارك لاتقولينهاا لاحد مثلا بكره بتسوين شي لاتقولين لصديقاتك او لاحد خليه بينك وبين نفسك
حتى لو جااك زوج لاتقولين لاحد ملكي عليه وبعدين نشروا الخبر
كذآآ تحمين نفسك من العين والحسد
العين والحسد منتشرين هاالايااااااام
والعيااذه بالله
خليك حريصه كل شي سويه بلكتماان
وكذا بتنجحين في حيااتك
:)

آدعي لي ربي يصرف عني خطيبي الشرير..

حاولي تبتعدي عن كل شي حرام
واتقربي لربك اكثر