|
مناوشتي مع خطيبي هل انا غلطانه ام هو انا ب أمس الحاجه ل ارائكم
السلام عليكم ورحمة الله وبركإته ..
لن أطيل عليكم .. لكن محتاجه مشورتكم جدا جدا .. في حديث بيني وبين خطيبي على الهاتف سألني سؤال حساس جدا وهو ايش الافضل عندك ان اتزوج وحده ثانيه ام اموت طبعا جابها في اسلوب مزح لكن قأل جاوبي انا مارديت سكتت قام يضحك وقال عرفت الاجابه وكمل الموضوع بانه قرا ايميل وصله من احد المنتديات مع ردود العضوات وانها ضحك من ردودهم وعلق باسلوب المزح بأن ذولا جنس غير ناعم ذولا سفاحات ..* في سيأق الحديث وايضا في أسلوب المزح قالي انا راح اتزوج الثانيه والثالثه* انا سكتت وهو يعرفني لمن اعصب قام يستفزني اكثر بالحكي ما ادري اذا قصده يبغاني اغير انا ماقدرت اسيطر على نفسي وبنفس الوقت انربط لساني ماقدرت احكي ولا شي* يناديني ماني قادره اتكلم في النهايه قالي انو مزح وما ابدلك وكيف اصلا فكرتي اني من جد بسويها انتي عارفه اني امزح انهيت المكالمه هو رفض يقفل لكن طلبته اني اقفل 5 دقايق بس لاني موب قادره اتكلم قفلنا فعلاا لكن بعد كيذا قفلت جوالي لاني اذا اتضايقت اقفل جوالي* ممكن تقولون الموضوع مزحه ومو مستاهل لكن اول مره يتربط لساني ب الشكل هذا انا ماخذه فكره ان الرجل لو جاب سيره الزواج الثاني لو بالمزح تبين انها قويه وان الموضوع غير هامهاا حتى يقول الانسانه ذي ماتفرق معهاا لكن انا كانت رده فعلي عكس كاني ضعيفه او شيئ من هالقبيل* احترت والله جداا .. صديقتي قالت انتي غلطانه لانك قلتي له 5 دقايق وتحاكينه وماحاكيتيه* لكن بنفس الوقت كنت غير قادره ابدا اني احكي .. الان هل موقفي صحيح ام غلطت في رده فعلي وكان لازم امسك اعصابي ؟ هل غلطت باني قفلت الجوال* ولو غلطت ايش المفروض اسوي هل ارد على اتصالاته ورسايله بشكل طبيعي ام ماذا انا فعلا حائره احس الشي الي حصل بياخذ زوجي منه موقف سلبي تجاهيي ما ادري هذا الموقف مين الغلطان وايش الوسيله المناسبه لمعالجة الموقف * |
ردة فعلك طبيعيه كلنا لو يقولون لنا أتزوج ثانيه ننهبل والرجال عارفين هذا الشي
وواضح أنه يبي يحس بغيرتك ويتلذذ بهالشي وطبع فيك لو عصبتي ماتقدرين تتكلمين يعني كل شي عادي وطبيعي أشوفه أما خمس دقايق وتكلمين لو ترسلين رساله تعتذرين له عن عدم المكالمه أفضل من باب الإحترام له اقتباس:
واصلا ردة فعلك مو غريبه أو شي عجيب عشان يااخذ منها موقف عادي حبيبتي لاتكبرين الامور والحياه راح تكون فيها مواقف كثيره وأكبر من كذا بكثير أستمتعي باللحظه ولاتفكرين في كل كلمه تقولينها لزوجك بتتعبين الله يوفقكم ويتمم لكم علي خير |
السلام عليكم ورحمة الله
بصراحه موقف حلوووووو جدا زوجك من الناس اللي يحب تبين غيرتك عليه فأحس انه يحاول كل فتره والاخرى يستفزك بامور مثل هذي ردة فعلك لابد تكون قوية لانه هو يبي كذا يبي يحس انك تحبينه وتغارين عليه ,, طبعا هو مايقصد ابدا انو يتزوج لا ,, انت الان المطلوب منك انك تتغلين عليه كم يوم وتتدلعين هعععععع ممكن بعد كم اتصال منه انت ماتردين عليها ترسلين له رساله تبنين فيها انك انصدمت معقوله حبيبي يفكر بغيري او ردي عليه واقعدي شاهقي وهاتك صياح والله ان ينجن فيك الى حده طبعا انت تعرفين طبيعة خطيبك ممكن يكون الاسلوب هذا ماينفع معاه ماادري عنه .. لكن اقول بالعكس انظري الى الجانب المشرق من الموقف من اكثر مشاكل البنات انهم ياخذون مواقف كثيره من الرجل بجديه وهي تعرف انه بس يبي يستفزها او يبيها تغار عليه وممكن اذا هذا مره يضايقك تكونين جاده معاه وتقولين ترى هذي اهانه لي وتتفقين انه مايعيدها ... احيانا الرجل يفتعل المشاكل البسيطه لكي ينعش الاجواء بين مع الزوجه فمثلا يخطي خطا بسيط تزعل زوجته مايعتذر ويكبر الموضوع ليش ؟؟؟ حتى اليوم الثاني يعزمها بمطعم واللا يجيب لها هديه وبكذا يكون طعم ثاني للهديه ,,, |
ملامح
اشكرك عزيزتي طمنتيني جدا طيب الان كيف اتصرف معه ايش التصرف الامثل ؟ وبالنسبه اني اعتذر ما احس الي سويته قلة احترام عشان اعتذر المفروض يقدر الحاله الي كنت فيهاا لدرجه قمت ابكي بالصمت حتى مايشوفني ضعيفه ليش كيذا اشكرك على رفع المعنويات ممكن زوجي يحبني ابين غيرتي عليه صح لكن ماتوصل انه يضايقني في الحكي لاني فعلا اتضايقت اخوي هل لازم تكون رده فعلي قويه ؟ يعني هل هو يحب تكون ردة فعلي قويه ولا اتصرف بعفويه بطبيعتي اني اغار والشي هدا يضايقني ؟ ياليت تجاوب انا ماراح ارد عليه لكن حابه بعد اتصالاته ارسله رساله عتب وزي مايقولو العتب صابون القلوب ما اعرف ابكي وانا اكلمه يمكن لاني ما احب ابين له ضعفي اكثر من مكالمه اكون فعلا بائسه وابكي لكن بالصمت اشكرك اخوي جزاك الله خير |
عادي تكون ردة فعلك قويه لكن لاتكبرين الموضوع مره
لانه هو لما قال الكلام مايتوقع ردة الفعل هذي مثلا اذا كان يكلمك باليوم مرتين مره العصر ومره بالليل يكفي انك ماتردين على اتصال العصر هو بيقعد يترجى الى الليل بالليل ارسلي له عتاب وبيني انك زعلانه وقولي تخيل لو قلت لك انا مااحب ولا ابغاك ولو اني تزوجت واحد غيرك احسن لي ترى شعورك وقتها هو شعوري الان ,,, |
عادي حبيبتي لا تعتذري وإذا قال ليه مقفلة الجوال ، قولي كنت معصبة وخفت أغلط عليك ونكبر الموضوع وإذا حبيتي مافي بأس من إنك تنزلين لك دمعتين وتقولين أجل في الملكة وتهددني بالزواج ؟ إذا مر على زواجنا خمس سنين وش بتسوي فيني ؟؟ :22: موفقه حبيبتي |
ليش كيذا
يعطيك العافيه صحيح قبل كان يمزح بس ع الخفيف جداا واتصالاتنا قليله جدا يعني ممكن يوم يكلمني ويومين لا واوقاات كل يوم لكن يعطيك العافيه راح اعتب بالي ذكرته انت اشكرك ام عمر امي الغاليه جدا تهمني ردودك احسك صاحبه عقل وحكمه جزاك الله خير صعب اني ابين بكاي قدامه لان وقت ما اصيح من جد ما احب ابين له اشكرك يا غاليتي |
انا مع الاخ ليش كذا
لاني مجربة نفس اللي قاله مرة فتح الموضوع وبنفس طريقة زوجك قلت له اذبحك واذبحها واروح اعدام عادي اهم شئ ماتكون لغيري ولاحد يلمسك غيري انجن زوجي عليا وبعدها ماعاد الموضوع ابدا لانه هو يبغى يحس بغيرتك عليه ويبغى يشعر بحبك لكن بصراحة وماتزعلي مني انتي قافلتها بوجهه من جميع الجهات وهذا اللي اكتشفته من مواضيعك الرجل يحب يسمع الكلام المعسول يحب اللي يهتم فيه ويتصل عليه من وقت للثاني اساليه اتغديت .. اتعشيت .. انا ماقدرت اكل لمن اطمن عليك انت اكلت ولا لا يااختي حني عليه شوية تقبلي مروري |
فديتك تصرفك عادي جدا
انا كنت كذا ولازلت من حقي اغار واعصب واسكر وما اكلمه واذا اتصل تغلي عليه واذا رجع يتصل كذا مرة وسالك ايش صاير بينيله غيرتك لانه هدفه من هالكلام انو يشوفك غيرانة مو يقول الغيرة ملح الحب |
قد قالي خطيبي بعد عشرين سنه بتزوج وحده ثانيه يخطط هو ووجهه قلتله "الله يبشرك بالخير" فطس من الضحك مشيها ياختي وتمشي
|
| الساعة الآن 09:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©