|
ايش ردة فعل بنت خالتي ؟
هاي اعضائنا الحلوين ..
ابشركم ان شا الله قريب بخطب واخلص موضوعي هو :. قبل يومين كنت عند خالتي بالبيت وقالت خلينا نجيب بنتي من عند اختها ( بنتها اللي بخطبها ) المهم رحنا ركبت ويانا بنتها ،، البنت دايم اذا تركب مع امها معاي وتستحي .. قلت لا زم البنت تتكلم .. قاعد اسولف وقلت لخالتي بنتها تسمع ان الرجال واذ تزوج لازم يتنازل عن اشياء وكذالك زوجته لأن كل واحد منهم كان عايش بأطباع تختلف ,, يتنازلو عشان يتفقوا .. المهم خالتي اعطتني 500 ريال قال وقف اصرف الفلوس للبنت عشان تأخذ تنورتها , قلت لها كم المبلغ قالت 100 ريال قلت هذي 100 ريال لأن الحين زحمه سيارات المهم البنت قالت لا والله ما ابي قلت قلت كلنا واحد .. البنت قالت ان شاء الله بكره بأخذ 1000 ريال بدل 100 ريال بضحكه .. وحنا راجعين قلت لخالتي ان الزوج لا زم يحترم زوجته بكل ادب ويصير طيب وياها والبنت تسمع .. وحنا راجعين خالتي قالت البنت تبي اكسسوارات قالت ابشر .. المهم البنت استحت وقالت لا يمه ما ابي ، المهم خالتي بمزح قالت ما عليك طلال السواق حقي وانا على طول قلت انا موسواق عندك يا خاله انا سواق عند بنتك بضحكه .. المهم قلت ان الرجال وقت الملكه يجلس مع خطيبته ويتفاهم وبعده سكت وقلت خليها بعد ين اكمل اذا خطبت واسمع البنت تضحك .. المهم قبل ما ينزل قلت خاله انا ماراح انام غير بكره لأني اليوم مبسوط ومرتاح نفسيا واسمع الى ضحكات البنت بهدوء ،،ورجعت ورحت اشتريت عشا لي انا وخالتي وعشا للبنت وجلست ويا خالتي وتعشينا ، وبعده اليوم اتصلت وقالت ان بنتها تبي قاموس كتاب للجامعه قلت ابشري ، المهم رديت اتصلت على خالتي وقلت لها انا بجيب للبنت قاموس اكتروني افضل وخالتي قالت غالي قلت ما عليك الغالي يرخص . وسلامتكم ... بس حبيت تناقشوني ايش صار بالبنت وردة فعلها . واسف على الأطاله .. اخوكم --- طلال |
يا ليل المسلسلات التركية :) متى تبشرنا بزواجك يا طلال :) البنت مبسوطة وطاير عقلها فيك بس انت تلحلح شوي واخطب وتزوج وخلاص ترى طول فترة الرومانسيات بين الخطيبين حتى علماء النفس لا يؤيدونه لأنه ببساطة يرى الكمال في محبوبه طول الفترة وان طالت لأنه لا يحتك احتكاك مباشر به وانما فترات متباعده يملؤها الحب والعشق والهيام فحينما يأتي الزواج يفاجئ الطرفان بعيوب وأخطاء في الشريك لأنه وببساطة لا يوجد انسان كامل فلا يتقبلها ويرى انها من الموبقات وان حب الآخر له قل لأنه كان يعيش الدلال فقط وفي الحياة الحقيقة يعيش جميع التقلبات الدلال ، الغضب ، الحب ، الانفعال ... وغيره الله يوفقك انت وبنت خالتك :) |
اقتباس:
حلوه مسلسل تركي ،، عن جد الله يوسع صدرك ضحكتيني،، كلامك رائع وعين الصواب ،، ان شاء الله قريب بتزوج ، تحياتي لك ولمرورك الرائع اخوك - طلال |
إن شاء الله قريب
نسيت أقولك إن القاموس الالكتروني لا يغني عن القاموس العادي إذا تقدر تاخذ الاثنين افضل :) |
|
والله ودي اقولك تراك غثيتنا ببنت خالتك
بس ادري انك مبسوط من هالسوالف ولا ودي اخرب عليك ,,, |
من خلال قراءتي لأغلب مواضيعك التي أشبه ما تكون بالروايات الشكسبيرية ( الطبعة النسائية ) أقدم لك ثلاث نصائح 1- إخشوشن 2- لا تكثر من سوالف النسوان 3- كن رجل ثقَّفَ صدقني قدمت لك النصائح لتكون رجل أفضل |
اسمعني اخوي اهم شيء كلامك اللي انت قاعد تقوله موب تميلح حلو لو تكون صادق
والمهم انت وهي وش تحسون اذا انت سعيد وهي قابله فيك وراضيه اكيد هي سعيده |
الله يشفيك يالغالي بس ....
|
الله يهنيكم
بس البنت حسيتها مررا خفيفه حتى لو كنت ولد خالتها تثقل شوي |
| الساعة الآن 11:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©