|
القلق سمم حياتي
أنا أدرس في الجامعه حالتي الأسريه مستقره الحمدالله
لكي إنسانه قلقه جدا وكثيرة التفكير والهواجيس أمر في هالفتره بمشكله كبيره في موضوع زواجي ومالها حل وبسبب هالمشكله صارت حالتي النفسيه جدا سيئه أبكي وجهي عليه أثار التعب والإرهاق والتفكير حتي لو ضحكت في قلبي غصه لدرجه أني قبل يومين كنت أفكر وحزينه جدا وربي أغمي علي وفقدت الوعي فتره بعدين جلست أبكي وقلبها كذالك كنت أريد من أهلي نسافر عشان أنسى الهم إلي في قلبي وروفضو نفس الحاله أغمي علي وبكاء وحاله نفسيه سيئه وحالتي دايم أبكي وعصبيه وسريعه الإنفعال من أقل كلمه أعصب وأنفعل ونفعالاتي قويه جدا وتصل لمرحله من الجنون وفقد العقل المشكله صح كبيره والحمدالله علي كل حال لكن ماتوصل تأثر لهدرجه أبدا وأصلا يمكن إلي صار خيره لي وطبعا هالحاله تجي معي عند أي مشكله تواجهني في حياتي وأحس أني بموت وأنا في أول شبابي ولاشفت شي من الحياه وهاذي حالتي كيف لين كبرت وأنا حساسه جدا وأتأثر من أقل شي يعني لو قصه أقراها تأثر فيني موقف يأثر فيني وأفكر وهواجيس وطبعا إنسانه قلقه جدا مثلا المفروض هالفتره أفكر في زواجي وبدايته لكن أنا ماافكر في كذا أفكر لين تطلقت وش بسوي لو زوجي تزوج علي ثانيه ومدري إيش يعني أفكاري جدا سوداء ونظرتي للحياه تشائميه وبعد فكرت لو يموت زوجي وعشت حالة كأبه من هالفكره جدا عنيفه وكذالك حياتي كا بنت أحس حياتي سوداء ومالها طعم وحياة البنات كلهم كذا ومافيه سعاده للحرمه إلا فتره وتروح والسعاده للرجال مو لنا بالمختصر حياتي كلها قلق في قلق وتفكير وهواجيس وحزن ومدري وش أسوي في عقلي السقيم ودي أتغير بس وشلون والأفكار ذبحتني مااقدر أوقف تفكير وشلون افرغ أفكاري والمسلسلات والمأساويه إلي عقلي أعتذر عن إطالتي وفضفتي لكم |
غاليتي خلي املك في ربك كبير ..
ثقي بأن الله سوف يبدل حالك الان , الى افضل وأحسن الحالات ان شاءلله .. حـاولي تشوفي الحاجات الحلووة يللي في حياتك .. انظري الى جميع النعم اللتي حولك ولآ تكدري خاطرك بأي شيئ .. وفي طريقه جــداً راائعه انا اعملها يومياً .. احضري دفتر .. كل يوم قبل الخلوود الى النوم امسكي الدفتر وآآتي بقلم وارسمي قلب كبـــير باللون الآحمر .. ثم فكري في جميع الاخطاء اللتي فعلتيها اليوم .. مثلاً ..( أنا اليوم صرخت على ماما , ضعي نقطه سوداء داخل القلب الاحمر الكبير . أنا اليوم ضربت أخي الصغير , ضعي نقطة أخرى , أنا اليووم ظلمت انسانه , ضعي نقطه , أنا اليوم تحدثت على فلآنه في ظاهر غيبها بكلآم لآ يرضيها , ضعي نقطه ووووهكذا .. ) ولكن في كل يووم ترسمي قلب وتكرري الطريقه .. وفي خـلآل اسبووع انظري الي القلووب والنقط السوداء الموجوده وراح تلآحظي عيووبك .. وباذن الله النقاط السوودا رااح تخف .. ودمتي بــأمان =) |
اعتقد ان هذا المنتدى يؤثر عليك سلباً
فكثيراً ما ارى في ردودك انفعالاً. عموماً .. ان كان يؤثر بالسلب عليكِ ، فقللي من دخولك عليه و قرائتك للمشاكل. وتعرفي على ذاتك اكثر ، واضبطيها ، فكل شخصية يمكن ضبطها ، إن فهمها الشخص جيداً وفقك الله ويسر لكِ |
اقتباس:
الله يجزاك خير |
اقتباس:
أما الردود ممكن مع اني مااكون منفعله ,’ لكن أنا أقصد بنفعالاتي في حياتي عموما يعني أنا مثلا إنسانه مااحب أطلب من أحد أي شي وأتجنب أطلب و ممكن أضحي بشي عشان مااطلب لكن لو طلبت هنا لازم ينفذون طلبي بسرعه وإلا أبكي وأتضايق جدا و أقلب الدنيا إضافه لكذا دموعي علي جرف علي أقل شي أبكي مثلا لو جالسين وسوالف وجيت أتكلم عن شي يضايقني إحتمال أبكي وأجلس أجاهد دموعي وحتي لو ماتكلمت لو يقولون ليه أنتي نفسيتك هاليومين زفت مااأقدر أطالب بشي من حقوقي بسبب دموعي لو أقول عطوني أو أنظلمت راح أبكي علي طول أبي أكون قويه مو أي شي يأثر فيني لهالدرجه وهالبكاء العنيف حاولت أقراء كتب لتطوير الذات وأحاول بس ما شفت شي مؤثر وفي الغالب أول صفحتين بعدين يجيني الملل يعني مو مشوقه الله يجزاك خير |
فديت قلبك يا قمر حتى انااقول لما اكبر واصير عجوز وش يصير فيا هههههههه حياتي بقولك شئ حاولي تتجنبي القصص الي تجيب حزن وضيق ودايم اسمعي محاضرات لشيوخ انا احب محاضرات عايض القرني والعريفي تحسي كلامهم في راحه لرفع المعنويه الي جانب حاولي تدعي الله دايم اخر الليل يكبر حظك حاولي ترسمي حياه حلوه لزواجك بعيده عن المشاكل
لا تجلسي لو حدك كثير والتفكير اكثر شئ يجي وقت النوم لا تجي الفراش الا و انتي خلاص المخده تقول وينك حاولي تشغلي نفسك بهوايه مثلي انا احاول اجيد الانجليزي بعد حاولي تمسكي اعصابك كيف لو صار معاكي عيال وربي يبغالهم صبر حاولي تتعوذي من الشيطان وقت ما تحسي انك بتعصبي والله يفرج عليك يارب وتصيري بارده مثل الثلج |
اقتباس:
الله يحيك يااختي أنا مقتنعه أن الإنسان يصنع تعاسته مثل حالتي منكده نفسي علي شي مو في يدي ولا أعرف الخير فيه بس وش تقولين بأنفسنا وعقولنا السقيم إيه حتي ماقصرت أفكر لين صرت عجوز وعيالي ومدري إيش يااختي لو تجلسين معي بقصر عمرك أجيب الهم ههههههههه فيه ناس يجيبون السعاده أنا أجيب الهم الحمدالله والشكر وعلي العيال خواتي يقولون عيالك بيطلعون أنواع العقد النفسيه :25: أنا عندي عزيمه لازم أتغير وإن شاءالله وعملت بنصيحتك وسمعت لعائض القرني من جد يجيب التفائل الله يجزاك بالخير أمين إن شاءالله أكون بارده ياازين البرود نعمه والله ماتعجزين وتعيشين حياتك طول وعرض الله يجزاك خير ويرزقنا وياك سعاده الدارين مشكوره |
| الساعة الآن 07:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©