مخزون المبيض
 

السلام عليكم انا متزوجة من 8 سنين ولم يحدث حملودورتى غير منتظمة كان عندى كيس على المبيض وعملته بالمنظار ولكن الدورة لم تنتظم عملت حقن مجهرى وحملت بس كان ضعيف ونزل على طول
كررت المحاولة مرة تانيه بعدها بسنتين تقريبا واخدت التنشيط وكان حجم البويضات كويسه ولكن يوم السحب حصلت المفاجأة طلعت الجريبات فارغة وطبعا العملية اتلغت وانا الان بكررها تانى بس خايفة يتكرر نفس الموضوع والدكتور طلب منى تحليل مخزون المبيض هل اللى حصل ده مؤشر ان المخزون خلص ولا ايه وكانت تحاليلى وقت العمليه السابقةfsh -4.1 lh 6.7 prol -29 tsh-3.20 e2 -53
علما بان عندى الان 34 ووزنى 64 اسافة للاطالة بس اكيد حضرتك حاسس بقلقى

تحاليل الهرمونات مش مظبوطة والمفروض تتظبط قبل التنشيط والحقن المجهري

خلينا نشوف التحليل المطلوب نتيجته هاتطلع ايه وبعدين نتكلم علشان نتكلم على نور

ربنا يستر انا خايفة يكون المخزون خلص

انا اشتركت فى المنتدى ده مخصوص لما شوفت حضرتك بتهتم بالحالات وتتابعهم كمان
ومش بتبخل بالرد مهما كانت الاسئلة
بجد مجهود رائع ربنا يجازيك خير احنا محتاجين ناس زى حضرتك تطمنا
شكرا على مجهودك ووقتك

العفو تحت امرك وانا متابع

التحليل طلع 0.86
والطبيعى من 0.7الى0.9 اما الاعلى من 1 طبعا بيكون المخزون اعلى
ممكن مع النسبة دى والتنشيط اللازم ممكن اعمل حقن مجهرى ولخبطة الهرمونات دى علاجها ايه
وجزاك الله عنا خيرا

التحليل كويس الحمدلله

هرموناتك كلها بتتظبط بادوية فترة 3 شهور قبل التنشيط -الدكتور هايوصفلك اللازم-

وممكن تجربي التنشيط او اي وسيلة مساعدة انجاب

انا فعلا بدأت فى حبوب السيكلوبروجينوفا لمدة شهرين وان شاء الله هعمل حقن مجهرى
والله المستعان

بالتوفيق اجمل امنياتي

شكرا لاهتمامك واكثر الله من امثالك
لا تنسانى من صالح دعائك