|
اشتكي من سوء معاملة زوجي
السلام عليكم ورحمة الله وبركاته
اشتركت فهالمنتدى الرائع من فترة ليست بعيدة لعل وعسى القى حل لمشكلتي من مشاكل وحلول الاخرين لان معظم المشاكل تقريبن نفس الشي الي يعاني من زوجته والي تعاني زوجها عسى الله يسهل أمورنا ويصلحها امين بشرح لكم مشكلتي انا متزوجة تقريبن من 4 سنوات ولله الحمد لدي ولد سنتين وبنوته قمر ماشاء الله 5 شهور عمري 26 وزوجي يكبرني ب 4 سنين زواجنا كان زواج تقليدي يعني امه اهي الي اختارتني لولدها وهو من الاهل صارت بين مشاكل في فترة الملجة وقررت اني الانفصال بس امي وامه رفضو الفكرة هذي لانه من الاهل والناس شو بيقولوا وفي نفس الفترة اختي اتطلقت. في فترة الملجة كان وايد يتجاهلني وابد ما بدا لي اي اهتمام كنت اترجاه عشان ايي عندي البيت واشوفه بس دوم كان يرفض حتى يوم كان ايي البيت عندنا كان يقولي لاتين عندي الميلس اذا يتي بطلع وما كنت اروح له طولت فترة الملجة سنتين وماشفته غير مرتين وبس وكان يتصل لي فالاسبوع مرة او مرتين ويكلمني دقيقتين و3 ويسكر ويوم انا اتصله مايرد مع اني والله حبيته بعد الملجه وكنت ابدي له اهتمامي وحبي له وارسل له مسجات واكتب رسايل وارسله مع اهله يوم يجون بيتنا بس مالقيت شي من صوبه مع اني الحمدلله استخرت 7 مرات قبل الملجة والحمدلله ارتحت والناس وايد كانو يمدحونه الين اليوم والله الكل يمدحه اهلي اهله. بعد الزواج كان اسلوبه معي جدا عادي ومعامله سطحيه ولا كانا معرسين يداد كنت اهتم فيه والبس واكشخ له واشتري له هدايا كان يقولي ليش تخسري فلوسك علي كنت اقوله لاني احبك ومايغلا عليك شي وفلوسي فدا راسك بس للاسف ماتغير حتى شهر العسل مارحته بس طلعني يوم وتمينا نتمشى بالسيارة حتى مانزلنا مكان وبعده ما وداني ولا مكان بس لبيت اهلي اسبوعيا ويوم اقوله ابغي اطلع معاك يقولي مب متفيج والله حتى اغراضي كنت اقول حق امي تشتريهم وتيبهم لي من الجمعيه وبعد سنتين حملت وفي فترة الحمل تغير كثير وكان يهتم فيني وايد والحمدلله شكرت ربي ولكن بعد الولادث رجع نفس قبل لا اهتمام ولا حب ولاشي وانا ذبحت عمري عشانه لكن دون فايدة وانا الحمدلله كنت اقول اصبر عسي الله يفرجها علي وما كلمت احد وماخبرت احد لاني وايد احبه ومابغي اخرب سمعته يدام احد بس كل يوم يتغير علي اكثر ومعاملته معي جدا سيئة لا يحترمني ولايقدرني والله مب مقصرة معاه فشي وهو فكل شي مقصر معاي من تزوجت الين اليوم ماقالي احبك ولا اهتم فيني الا لما كنت حامل بس من ناحيه المادة مب مقصر يعطيني فلوس لكن مايوديني مايطلعني السوق عشان اشتري اغراض لي ولعيالي كل ما قلت له قالي تعبان ولا مب متفيج وكله يتحرطم علي اني مسرفه ومب مهتمة بالعيال ولا بالبيت مع ان بيتي والله نظيف وعيالي مهتمه فيهم اكلهم اشربهم اغسلهم والحمدلله علا طول نظاف واذل ولدي طاح بالغلط وصار له شي حتى لو بسيط والله يسوي لي سالفه ويعصب علي ويدعي علي وانا ساكته ما اقول شي لاني مرة بس رديت عليه مد ايده علي عشان ما اقول شي يطلع مع اصحابه ويخليني فالبيت مع العيال بروحي ومايرجع الا الساعه 2 باليل والله حتي يسال عني ولا عن عياله واذا اتصلت له مايرد واذا رد يقولي ليش متصله شو تبين ويسكر الخط حاولت معه كذا مرة وصارحته بس كل مرة يحط الغلط علي وينتقدني فكل شي انا ما اقول انا حلوة ةجميله بس الحمدلله شكلي زين مب خسفه وعيالي ماشاء الله عليهم قمر ساعات اقول يمكن لاني مب حلوة عشان جي ريلي يعاملني كذا بس انا صابرة عليه وما اشتكي عليه وادعي ربي ان يهديه حتى العلاقة الزوجيه مايقيمها في الشهر مرة احيانا ابد يمر شهر كامل ماييني وانا احبه واشتاق له واتوله عليه وايد اتمنى تساعدوني فحل مشكلتي وانا ادري انكم مابتقصرون معاي والحمدلله ارتحت اول مرة اكتب عن مشكلتي واطلع الي فخاطري عندكم وان شاء الله مايخيب ظني والسموحة طولت عليكم ام محمد * |
اقتباس:
|
واضح زوجك مو مقتنع في زواجكم أو فيه شي في نفسه
حبيبتي الحل إلي أقدر أقوله لك عيشي لنفسك ولأطفالك وحبي نفسك وصدقيني بعض الرجال مايحب إلي تركض وراه يعني عزي نفسك وخلك بعيده عنه وأهتمي بنفسك وأطفالك ودلعي نفسك قدر ماتقدرين والحمدالله أهم شي الفلوس مايقصر وعندك عيالك ولين شافك مطنشه صدقيني بيتغير الله يسخره لكم ويصلح مابينكم |
مثل ما قالت ملامح قمر عيشي لنفسج وخليه هو اخر اهتماماتج
ما اقول لا تسوين واجباتج بالعكس سويها وانتي مستانسة لانج انتي صاحبة واجب مو عشانه هو واطلعي مع عيالج ونسيهم وتونسي معاهم مع الايام راح يلاحظ التغير ان سألج شفيج متغيرة قوليله انا مو متغيرة هذا انا من خذيتني وان ما سال فحطي همج بعيالج ونفسج دلعي نفسج وروحي السبا وروحي نوادي ترى الرياضة تفعل العجب امشي عالبحر وقولي كلمات تعزز من قيمة نفسج عندج صدقيني النظرة اللي تنظرينها لنفسج هي نفسها اللي كل الناس تشوفج فيها الله ييسر امرج ويحنن زوجج عليج |
- حاولت اختي ان احل مشكلتك لكن اللغه غير مفهومه
- من تعليقات الاعضاء وقرأه موضوعك ظهر لي ان مشكلتك ان زوجك لايريديك وانت لاتريدينه قبل الزوج ومن فحوي كلامك انك بعد الزوج تريدينه ع العموم اسأل الله لك ان يفرج همك ولا استطيع ان اساهم في حل مشكلتك بدون توضيح كامل وفقك ربي لكل خير |
اقتباس:
اختي انصحك.. لاتجعليها مشكلة حياتك فتزيد وتتعقدي اكثر.. فالجمال ليس بمقياس للاهتمام والحب.. كوني واثقة بنفسك فالثقة بحد ذاتها كافية للتغلب على المشكلة.. بخصوص زوجك.. هل انت متاكدة انه لايوجد امراة اخرى بحياته؟ |
اقتباس:
- انتي ماتسمعي كلامي اتسوي اي شي براسك مع ان اسوي كل الي هو يبي مني من ناحيتي مب مقصرة معاه البي كل طلباته انظف البيت واطبخ له وما اطلع من البيت الا بعد ما استأذن منه - ماتهتمي بالعيال. عيالي لاصقين فيني لصق من كثر ماانا مهتمه فيهم وعلا طول معاي اغسلهم العبهم اكلهم ودايمن انومهم قبل لا يرجع زوجي من الدوام مايلعوزونه. - ودوم يتهمني ان كل همي الفلوس والسوق وانا ما اطلب منه غير مصروفي والله ما اعرف شو اسوي انا مب مقصرة فشي بس هو على كل شي بسيط يطلع عيوبي ويعصب علي ويزعل يزاك الله خير |
هل من حلول ونصايح اخرى
وشكرا لكل من رد على موضوعي وجزاكم الله الف خير وجعلها من ميزان حسناتكم مشكورين ماقصرتوا |
[align=center]الدعاء يصنع المعجزات
نعم ادعي الله يحببه فيك وفقك الله[/align] |
انآ من رأيي . ان 70 بالميه من حالات شكاوى الزوجه من سوء معاملة زوجهـأ ان الزوجــه كانت في بداية حياتها او بداية الزوآآآج مهملـه اقصد مهمـله في حقهـا يعني / تضغط على نفسهـا وتجي على نفسهـا كثير عشان ترضي زوجهـا اليييييييييين ما عودت زوجهـا على ان رضاهـا من عدمـــــــــــــه شيء مو مهم أو ان في مشكلــه في خآطر زوجكـ .. انتي عليك تفهميهـآآآآآآ هذي تعتبر ( خفآيآ زوجيــــــــــــــــــه) الرجل تمشي حياتـه على حسب ماتعود في بداية زوآآجـــــــــــه عسـى الله يهدي بالك ويهدي زوجك ويصلحـه لأمر دينه ودنيآهـ ولا تشيلي هم ادعي وكوني واثقه بالله .. |
| الساعة الآن 05:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©