|
لي الاسف هذا يومنا الوطني
السلام عليكم..
اسعد الله ايامكم ,, ويحفظ بلاد الحرمين وكل سنة وبلادنا بالف خير وصحة وعافية بس لفت نظري اشياء باليوم الوطني وحبيت افضفض ... لي الاسف بهذا اليوم تنجلي كل معاني الحياء من الجنسين باسم الفرحة باليوم الوطني ومواقف بصراحة تخجل من منظرها اولها التجول بالشوارع بالسيارات ورفع الاعلام ومايتخللها من رقص الشباب ورفع صوت الاغاني امام الكل وبصراحة اكثر والله اخجل اخذ اهلي امشيهم بسبب هالمناظر والي يزيد الطين بلة لما يكون السواق بوسط الزحمة وبداخلها حريم يتمشون ومتغطين واطفالهم طالعين من القزاز رافعين العلم فرحة باليوم الوطني.. ولي الاسف شبابنا ياخذوهم بمسمى الطعم ويتجمعو الشباب بسياراتهم حولهم وكل مين يتلفظ عليهم بكلمة وبهمز ولمز ومنظر وربي يقشعر البدن قدام عيني ...؟ وانا راكب مع الشباب نتمشى كل مين يتقنص سيارة فيها سواق وفيها عوائل لاجل يستعرضو امامهم ويلفتو نظرهم ...؟ وهذا غير الجنس الاخر يوم يتبرجو ورقص بداخل السيارة مع السواق ومناظر ياكثرها وربي بس مابطول عليكم بمواقف مثل كذا امام عيني تحصل ..؟ بس اكثر شي يفرحني لما اشوف منظر عوائل مع ازواجهم والاطفال رافعين الاعلام ومستانسين ..اما غير كذا كله مناظر ماتسر والله السؤال هنا : اليوم الوطني كذا نعيش فرحته..؟ اليوم الوطني نترك الدين واخلاقنا ورائنا باسم الاحتفال ورفع صوت الاغاني وربط علم لااله الا الله عالخصر والرقص به..؟ والله اتكلم وتخنقني العبرة على بنات جنسي من تجرء شبابنا وبعد من تبرج الاخوات اظن البعض شاف هالمواقف الي ذكرتها وليدلو كل مين بدلوه..طبعا ماذكرت لحلول لنعالج هالاحتفال وكذا لان الحلول لو نذكرها لبكرة ماهي بيدنا بس حبيت اعرف في شخص يكره هالاحتفالات وحاسس بالي احس فيه :29: مجرد مواقف كرهتني باليوم الوطني وحبيت اسردها لكم تحياتي لكم :28: |
اقتباس:
لابد أن ينتبه المحتفلون باليوم الوطني لهذا الأمر جيداً جزاك الله خير..,,, |
غفر الله لنا ما ابتدعنا من امور ليس لها اساس وحفظ المسلمين من كل شر
|
يارايت راحت وجاات على الاعلام والاغانى كل دا ممكن اما البنات يرقصوا بشعورهم على السيارات مع الشباب والا راكبين على الدبابات في جدة والريااض من جد وضع مخزي جداااا حسبي الله فيهم الحمدلله الذي عافنا مما ابتلاهم
|
مع الاسف هذا اليوم تخرج فيه الحشرات الزاحفة والطائرة من جحورها لتؤذي الناس وتفسد في الارض
وهذه هي نتيجة البدع |
وصلني برودكاست بهذا الخصوص
ماصدقت معقوله يسوون جذي بلا حيا ولا مستحى!! الشباب مانشره عليهم فاصلين بس البنااات وين اهاليهم!! سمردحه بالشواارع!!! المهم الله يهدي الجميع بس صج ماينعطون وجه!! لا ساقوا اشلوووون!!! هاذي الاشيا تصير بكل مكان لكن استغربت انها بالسعوديه!! |
الله المستعان
في هذا الزمن تحول بعض الأباء والإخوان الى خرفان مايدري وش اللي قاعد يصير والبنات الله يصلحهم انفلتوا آآآآآآآخر زمن مناظر تجيب الهم أحيانا أقول كيف بنربي عيالنا اللهم عافنا مما ابتليهم استغفر الله العظيم |
شاكر لكم جميعا عالمرور والتعليقات
والله بذاك اليوم استغفر الله منتظر اللحظة الي ربي يخسف بجدة طبعا انا بجدة كنت عالكورنيش وربي مناظر تقشعر البدن بالذات من البنات من رقص وغيره مابي اتطرق لذكره والله يستر علينا ويهدينا يارب الله لايعيده من يوم وطني ..قال ايه قال اليوم الوطني قال اخت ناني هذا برودكاست وصلك وماصدقتي اجل شلون لاشفتي هالمنظر بالضبط الي انتشر بالبرودكاست عالواقع ...؟ |
| الساعة الآن 04:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©