|
عيوب زوجي ، هل أستطيع حلها ؟
السلام عليكم ورحمة الله وبركاته
أتمنى أن الجميع بخير أخواتي وأخواني الأعزاء .. أنا ملكت قبل ثلاث أسابيع الحمدلله وزواجي بعد أسبوع واحد زوجي ماشاء الله إنسان طيب وحبوب بس فيه عدة عيوب والصراحه تنرفزني وبما اني داخله على عش الزوجيه بعد أسبوع أتمنى انكم تساعدوني عشان أقدر أحلها من ضمن العيوب ... زوجي بكاش كبير .. معليش على التعبير بس هو من النوع اللي يهرج كثير بأشياء مو صدق يعني مثلاً يقول فلان قالي كذا وكذا واكتشف إن ماقاله بس انا ماشيه معاه على الخط ولا أحب اعلق ، أيضاً هو مدخن ... ومره جلس يسولف عن أضرار التدخين وانه ينتقد هذا الشيء وانه بطل من التدخين ،،، بس في الحقيقه هو مازال مدخن وبكثره وانا مشيتها له وسويت نفسي ما ادري قلت يمكن استغل هذا الشيء في صالحي وأقلها يحترمني ومايدخن قدامي بس برضه ما اضمنه ------- الشيء الثاني.. اذا جاء يسولف عند أهله وخوالي علما ان خواله خوالي يعني هو ولد خالتي وقريب حيل مننا يحاول إنه ينتقص من جمالي ومن هذا الكلام بينما قدامي كل أنواع المدح والغزل وإني أجمل من الحور العين أبي أفهم نفسيته ؟ وايش يحس فيه ؟ ---------- أيضاً يقولي مسويلك مفاجاءت وهدايا ومن هذا الكلام لنفترض رحت البيت ولقيت كل كلامه خرطي كيف اتصرف ؟ لاني حاسته يهرج بس بدون فعل ------- وبرضه يطالبني بأشياء تخدش حيائي ، انا ما الومه لعدة اسباب .. لانه صغير في السن عمره 24 سنه واحسه مندفع بقوه، وانا استحي المشكله اني لما ما اتجاوب معاه يقولي انا حلالك ومن ذا الكلام ... واخذ عني فكره اني جافه عاطفيه !! يمكن تقولون اشياء سخيفه اللي أقولها ، بس أنا انسانه تعبانه في بيت أهلي بسبب امي وابوي وأبي أعيش .. صدق ابي حياة سعيده غير عن اللي عشتها حتى الاشياء البسيطه اللي الواحد يستهون فيها ، صرت افكر فيها وابي لها حل بالذات انه هو انسان معروف بطييبته وكرمه وعمره صغير ممكن أقدر أعدل الاشياء اللي موب حلوه فيه أو بمعن أصح أتغاضى عنها لان مافي انسان كامل |
هلا فيك اختي
الله يوفقك ،، بصراحه انتي اخطيتي وخليتيه يتمادى ,, لأن تسكتي وتمشي الأمور ... خطأ لازم توقفيه عند حده .. لأنه مع مرور الزمن يصير يتهاون بأكبر الأمور ,, اجلسي معاه وقولي له انت ليش تكذب كثير وليش ... الخ . لأن بالخير انتي اللي راح تتظرري الله يبعد عنك كل مكروه اخوك - طلال |
الله يهديه، ويسخره لك، أحياناً في شخصيات تحب ترسم لنفسها مثاليات ولا يرضي غرورها إلا لما يقتنص أدوار وهمية، هذه الشخصية إما أنها لاتزال تحتفظ في مرحلة المراهقة وقد تتغير مع المستقبل أو أنه طبع لازم، أنتي أدعي الله، وحاولي تكوني شخصية تشد وترخي الحبل، حاولي أنتي بنفسك تديرنه، الله يهديه شكله مندفع مرة، بس متفائل أنا أن الزمن والوقت بيصلحه، واضح أنك عاقلة ولا تتصادمين معه وحاولي أنك تغيرينه بأسلوب غير مباشر، فانتبهي من الحوار العديم أو رفع الصوت والمشاكل، بعقليتك إن شاء الله تستطيعين تغيرينه وتديرين حياتكم إلى مايسعدكم، لا أملك إلا الدعاء له ولك ولحياة سعيدة تجمعكم إن شاء الله
|
اقتباس:
أسأل الله لك حياة زوجيه سعيده , مليئه بطاعة الرحمن , وأن يرزقك الذرية الصالحه . |
| الساعة الآن 08:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©