أريد حلول وطرق للتقريب بين زوجي وولد أخوه
 

السلام عليكم

مشكلتي هي في زوجي وتعامله الغير منطقي مع ولد اخوه

راح اعطيكم قبل المشكله نبذه عن ولد اخوه ونبذه عن زوجي

ولد اخوه عمره 19 سنه اول سنه بالجامعه وسيم يحب يهتم باناقته
طيب قلبه ابيض تحبه اول ماتشوفه محترم اخلاق
خدوم يهتم في الصلاه الحمد لله بس احيانا تفوته بعض الصلوات في المسجد ويصليها في البيت
مثل كل شاب مراهق له اخطاء وطيش

يعني مره لما كان عمره 14 سنه اخذ مفاتيح السواق وخذ له لفتين في الشارع

وابوه جلده ذاك اليوم رغم انو الموضوع مايستاهل

مره مسكوه الهيئه كان في الشارع مع صديقه ومعهم جوالاتهم لما شافوهم الهيئه نزلو واخذو الجوالات

وكان في جوالاتهم صوره حريم ورجال وبوس مو اكثر

المهم اخذوهم الهيئه للمركز وايظا السبب ماله داعي انو ياخذونهم عشان صور في جولاتهم

واتصلو على ابوه طبعا الاب علم زوجي الي هو عم الولد وقام يسب في ولده وقال ماعلي منه ولاني جاي اطلعه خلوه عندكم طبعا كان تصرف سيء من الاب حاصه انو مافي سبب مقنع عشان ياخذون الولد

وطبعا هذا الكلام لما كان عمر الولد 15 سنه

ولما كان عمره 16 سنه كان احيانا يسوق سياره ابوه وطلبت انه امه يجيب لها اغراض من البقاله

طلع وكان معه ولد خالته وشكلهم اسرعو وفحطو وشافتهم دوريه ولحقتهم لين بيتهم ودخل الولد خايف وهارب من الشرطه

وجا ابوه وعمانه والمرور مع الاب والعمان في الشارع والا ياخذون الولد وبعد محاولات من عمه الكبير راحو المرور وسامحو الولد

طبعا الولد مراهق وشيء طبيعي تطلع منه الحركات هذي

بس والله من عقبها ماصار اي موقف منه ابدا توظف في مطعم ماك وكان كل وقته من الشغل للبيت ومن البيت للشغل وطبعا الصباح في المدريه كان في اولى ثانوي واستمر في الوظيفه سنه وهو ماشي سيده ماعنده اي مشاكل
ثاني ثانوي كان يبي مدرسه اهليه وابوه رفض

وكان الولد يبي نسبه زينه عشان يدخل طب رفض ابوه قال اجل بترك الدراسه السنه وبدرس السنه الجايه

طبعا ابوه مايتفاهم وعنده اخوانه يشيشونه على ولده وخاصه زوجي خلاص صار ماخذ عنه فكره سيئه من تصرفاته الي صارت له حتى ذيك الايام كان زوجي يهزئه رح ناد ابوك يا حمار ويفشله اذا جى يسلم عليه
وكان الولد يقولي قولي لعمي لاعاد يقولي ياحمار

وكنت اكلم زوجي يقول يستاهل
المهم انو الولد لما فكر يترك الدراسه سنه قالي زوجي اصلا الولد هذا مايستحي مايفكر في دراسته قلت ليه مايفكر بالعكس الولد يبي طب ويبي مدرسه اهليه عشان كذا فكر مايدرس السنه هذي لانه مهتم في مستقبله بس زوجي ما اقتنع حاط في باله انه لعاب ومستهتر
طبعا الولد كمل دراسته وشد حيله وفي ثالث ثانوي جاب نسبه 92
وانا كنت طايره من الفرح عشان زوجي يشوف انو ولد اخوه مجتهد وزوجي كان ظالمه

ولما قلت له قال والله الدراسه له مو لي

زوجي مدري ليه حاقد واحس انه مايطيق ولد اخوه التصرفات الي صارت كانت طيش واي مراهق لازم يمر فيها

والحمد الله هو احسن من غيره اصلا ماسوى شي

ومره زوجي اخذ اللاب توب حق ولد اخوه ولقى مقاطع جنسيه واستحقره طيب هو مراهق ومو صدمه انه يشوف مقاطع جنسيه الا من رحم ربي هذا مايخليه ياخذ عنه فكره سيئه للدرجه هذي

الان الولد كل ماسلم على عمه عمه يسلم ببرود وبدون نفس انقهر منه احس الولد يتضايق ويقولي ليه عمي يعاملني كذا وش سويت له قلت انه يقول انك احيانا ماتسلم عليه يقول اصلا هو من عقب ماجت المرور ذيك الايام وهو يهزئني واذا جيت اسلم عليه يقول ياحمار احس ماوده يسلم علي عشان كذا خذت موقف صرت اخاف اسلم عليه بس لازم اسلم اهو يممن يبيه يحب راسه وكل ماشافه لو بعيد يجي يسلم بس ما الوم الولد

زوجي خلا الولد ياخذ منه موقف صار عنده رده فعل طبيعيه من تصرفات زوجي عشان كذا يمكن صار يتردد يسلم عليه صح الحين كبر
بس زوجي ماتغيرت نظرته عن الولد

اخوه الي اصغر منه سرق سياره جده فان عائلي وجديده مالها الا سنتين وفحط بها وصدم بها وانعدمت اذا شفتو السياره تقولون خلاص هذي للتشليح على طول

والله العظيم ان ابوه هزئه بس بالكلام ولا مد يده عليه زوجي الي هو عمه يعد كم يوم يسولف معه ويضحك

حتى ان الكبير عصب قال انا كنت اصغر منه لما فحط ولا سويت الي سواه وجلدني ابوي وعمي مايسميني الا يا الحمار واخوي عدم سياره جدي وراح ابوي وعمي صلحوها 16 الف ولا قالو لخوي شي وهو يوم يصدمها كان اكبر مني يوم افحط من جد انا قلت نفس الكلام لزوجي ليه هذا غير وهذا غير والله لو ان نواف الي مسويها كان ذبحتوه
حتى في اليوم الوطني اخوانه الصغار طالعين وهو جالس في البيت
والله انه محترم وكل مدرسته الاساتذه والوكيل يمدحونه ويمدحون اخلاقه
ولما سجل في مدرسه في ثالث ثانوي على طول قبلوه رغم انه متاخر وعندهم ضغط بس قالو احنا نبي طلاب محترمين والولد باين عليه عاقل وترتاح له على طول من ادبه واخلاقه قالو الكلام هذا لابوه وللاسف ابوه يفرح ويبز بولده

بس دايما يذكر مساوئه عند اخوانه
امس اقول لزوجي ليه

تتعامل معاه كذا يقول من تصرفاته قلت خلاص الولد ماسوا شي علط وهو مراهق وانتهى قلتو مطول شعره مثل البنات

هذا ابوه شعره طويل وعمه من كم سنه عمره 30 سنه وشعره لين اكتافه ليه ماقلت لخوك شي وهذا مراهق تشرهون عليه عشان طول شعره شوي الولد حلق شعره رحت لك فرحانه قلت شفت نواف حلق شعره قلت احسن ونفس الشي ماتغيرت معاملتك معاه

ليه ماتسولف معاه تمزح تعطيه وجه قال اصلا الولد هذا مايعجبني قلت ليه قال نسيتي الي سواه قلت سواء اشياء عاديه كل مراهق يمر فيها مايستاهل انك تعامله كذا
والي سواه شي راح وانتهى الحين شوفه مجتهد في دراسه والله اني اتمنى يكون عندي ولد زيه الي عندها
ولد زيه هذي ربي يحبها وهذي نعمه كبيره قال والله لو ولدي اني لا اادبه قلت صح تادبه بس مو كذا وبكره بيكبرو عيالك وتعرف قال حتى ابوه يتصل عليه كم مره ولا يرد يسفه ابوه واخرتها يقفل الجوال

ممكن يسوي كذا لان الولد مع اصحابه وابوه يصايح ويطلع صوته عالي ويفشله عندكم

وقال حتى ان عنده اكثر من جوال وش يبي في الجوالات قلت هذا مو عذر ومو سبب مقنع انك تعامله كذا

والله اني متضايقه وجزينه على الولد لانه دايم يشتكي لي من عمه وانا حاسه في مسكين مظلموم يعني هو اول حفيد كبير ويدخل الجامعه المفروض يكونون دعم له مو كذا حتى قلت لزوجي ان لو تحبه كان تمسكه تتكلم معاه تبين له انك تحبه وتخاف عليه وانصحه مو تعامله بجفاء وبباخلاق سيئه لكن انا توني اكتشف انك نجس

من جد ماتوقعت زوجي كذا قلت بكره اذا الولد غلط ولا دخن ولا فحط عادي ماراح يهتم لانكم ماعطيتوه الثقه

بيقول اصلا هم مو واثقين فيني عشان كذا ممكن يغلط بس لو حس انكم تحبونه وواثقين فيه والله ماراح يغلط وبيكون حريص انه مايهز ثقتكم فيه

زوجي انسان طيب ويرحم بس مدري ليه مع ولد اخته كذا احسه نجس
وعلى فكره زوجي مو كامل يكفي انه رجال قد مسكت عليه اشياء في سفراته وهو عارف اني داريه

ومره بدايه زوجي لقيت عنده سي دي سكس وهو رجال وكبير يعني ليه يشره على المراهق

واحيانا زوجي ينام على الصلاه صح يصلي كل الفروض بس احيانا ياخرها والي يصليها في البيت ويدخن يعني زوجي مو مثالي عشان يراقب ولد اخوه ويمسك عليه الزله طيب شوف نفسك انت الاول رجال متزوج وعندك عيال لكن هذا مراهق وان شاء الله انه عقل

الي اببيه منكم انكم تعطوني حلول لاقرب بينهم اتمنى انو زوجي يتعامل زين مع الولد الحين عمره 19 خلاص كبير مو بزر ابيه يعامله كانه رجال ويسولف معه ابي الولد يحس ان عمه يحبه مو انه يكرهه تكفون لا تبخلون علي بردوكم

خبري الولد وقولي له وقت رح يشوفو نجاحو غدا هم اللي رح يدورو رضاه
\\ويشوفو نفسهم فيه اصبح طبيب ما شاء

قولي للولد يكفي انو انقبل بالجامعه لحسن اخلاقه ومستوى درجاته العاليه
وخبريه انو دايما الكبير هو اللي بتروح عليه

يعني مثلا اول ولد يفضل الاهل يدللو فيه لحين يجي الثاني ويدللو في الثناي لحين وصول الثالث

وآخر العنقود يفضلو يدللو فيه ويطلع خرع وقليل تربايه لان ما في بعدو ياخذ الدلال
الكبير وقت يجي الثاني يصيرو يقولو له : انت كبير خلاص

وآخر العنقود اصغر ولد يصير عمرو ثلاثين ويقولو عنه صغير


ثم اخبريه انهم شدو عليه انما طلع رجال بسم الله وما شاء الله

واطلبي منه انو تبقى ثقته بنفسه عاليه ويفضل متفوق بدراسته ويهتم بمستقبله

وهم غدا سيبحثون عنه وهو يكون مشغول وما يقدر يكلم احد

عشانك سألتي بالله ، رديتي :)

كنت بأقول أول شئ ، ما ينفع تقولي عن زوجك ( نجس )
أحسها كلمة مرررررررة قوية و سيئة جداً ..

الشئ الثاني ، يمكن الرجال يعرفوا أشياء إنت ما تعرفيها
و ما يحبوا إنك تتدخلي فيها ؟

الشئ الثالث ، عندي عم زي كذا كان يعامل أخوي الكبير .. من غير سبب
و أخوي الكبير دحين ماصار يسلم عليه ، لإنه كل ما راح لعمي
عمي أحرجه قدام الناس و أولاده

أفضل شئ برأيي ، إنه ولد أخوه يكون شوي رسمي مع عمه
و يثبت جدارته للجميع ..

و احتمال إنه أبووه يغار منه ؟؟؟ لإنه هناك بعض الاباء يغاروا
من الولد البكر ؟

وااله يا اختي دايما اقوله كذا بس هو حساس كثير وينقهر وانا دايم اهونها عليه بس من جواتي محروقه عليه

شكرا لردك

فعلا الانسان المفروض يترك السلبيات الي اكل عليها الدهر وشرب ويشوف الايجابيات في الشخص وانا اكل الناس نشوف في الولد هذا ايجابيات اكثر من سلبياته بس زوجي للاسف مايشوف فيه ولا ميزه حلوه وهذا ظلم

شكرا لردك

أختي الكريمة :
نتابع الموضوع بمنطقية :
1- تعامل زوجك بسوء مع نفسه مشكلته هو أولا ثم ما يفعله مع إبن أخيه مشكلته وأخيه وابن أخيه لا مشكلتك أنتِ.
2- الإثم عليهما لا عليكِ.
3- تركتي قضايا أهم كالتهاون في الصلاة والتدخين وأفلام السكس عند زوجك وتوقفتي عند هذه القضية؟ ولعل ذلك من وسوسة الشيطان بينكما ليغفل عينيكما عما هو أكبر منها وهذا باب كبير ( إقرئي كتاب تبليس إبليس).
4- نصحتى وذكرتي ودعوتي فبارك الله فيكِ وقفي هنا ( أنظري درجات إنكار المنكر) وتابعي ذلك فالقلوب بيد الرحمن ( إنك لا تهدي من أحببت).
5- خوفي زوجك بتحريم الظلم ونتائج فقد يعاقبه الله في ابن من أبنائه بسبب ما يفعل مع ابن أخيه..

االه يعطيك العافيه ماقصرتي على الرد بالنسبه لكلمه نجس بصراحه انا احسه كذا صح انه زوجي وفيه طيبه بس مدري ليه مرات يصير كذا احس انه مو زوجي

تسلمين اختي وماقصرتي الله يعطيك العافيه