|
هل أنت ملتزم متزوج من غير فتاة غير ملتزمه أو العكس ومبسوطين مع بعض .. ؟
السلام عليكم ورحمة الله وبركاته ندخل في الموضوع على طول >> في الحقيقة أنا أفكر أني أتزوج قريب إذا ربي يسر .. وأنا إنسان ملتزم ولله الحمد وأتمنى ربي يرزقني الزوجة الصالحة كما قال رسول الله صلى الله عليه وسلم بمعنى الحديث ( فاظفر بذات الدين تربت يداك ) .. بس أنا يمكن أتزوج وحدة في الثانويه وأحس أن أغلب البنات والشباب مايلتزوموا بدري ، يعني أنا مثلا ً ماألتزمت إلا في الجامعة وأعرف شباب كثير كذا في الجامعة وأقول لنفسي يمكن أتزوج وحدة وأأثر عليها وأخليها تلتزم بتوفيق الله ويمكن حتى لو ماألتزمت يمكن أرتاح معها ويمكن أأثر عليها وأصلحها 70 % أو 50 % على الأقل وبكذا راح يصير في إصلاح ، لأني كنت ساكن مع خويي في الجامعه كان مو ملتزم وكنا مبسوطين على بعض ، بس ماأدري هل راح أرتاح مع زوجتي إذا كانت غير ملتزمه ولا لا . السبب في تفكيري في الزواج من غير ملتزمة : سمعت شيخ يقول كان في وحدة كل يوم تقول لأبوها أبغى أسافر بريطانيا << أقلقته ، المهم أبوها قال لها طيب وبعدين راح لمكان في البر قالت له بنته وين قال لها أول بنروح مكان وبعدين بروح نسافر ، هو راح عند واحد يعرفه ملتزم ومو أي ملتزم .. المهم قال له ترى أنا بزوجك بنتي قال له طيب خلني أستخير وأبوها أظن كان مستخير ومخلص بعدين الرجال بعد الإستخاره قبل الزواج وراح أبوها للسيارة وقال لها أنزلي ترى هذا زوجك وقعدت تبكي وخايفه ، وراح أبوها ورجع لها بعد سنتين لقاها ألتزمت وقاعده تحلب ، وقال الشيخ اللي قال القصة بعض البنات يحتاجوا إشغال فراغ .. إذا أشغلوا فراغهم ينصلحوا . المهم كثير سمعت أن وحدة ألتزمت بسبب زوجها أو واحد ألتزم بسبب زوجته . أبي أسمع تجاربكم .. هل أنت ملتزم ومبسوط مع زوجتك الغير ملتزمه أو العكس ، طبعا ً أنا قبل لا أتزوج راح أسال كثير وراح أستخير .. ماراح أتزوج بدون إستخاره . |
إذا فيه حب بين الزوجين وقبول وتوفيق أكيد تتأثر
وبعض الأحيان الزوج ملتزم والزوجه لا ويكون عناد بينهم وأنا ماابي وأنت تفرض رأيك علي حسب طبع البنت فيه بنات يقبلون التغير وفيه بنات لا الله يوفقك ويكتب لك إلي فيه خير |
فاظفر بذات الدين تربت يداك ... ليش تدخل حياتك على فرضيات ؟ أغيرها ؟ تلتزم على ايدي ؟ طيب وإذا فرضنا عنّدت وقالت لك انت خطبتني وأنا كذا ؟! مو شرط تُخطب شديدة الالتزام ، لكن تكون مُحافظة على الأساسيات صلاتها ، حجابها ، أخلاقها .... مُشكلة إذا كان اهتمامنا بسن الفتاة قبل دينها .. أعانك الله ويسّر لك .. |
مع رأي العزيزة أم عمر
وفقها ووفقك الله.. |
حبذا أخي الفاضل تحدد لنا مفهوم الإلتزام |
اقتباس:
:* سبحان الله داخله أكتب ماهو مفهوم الإلتزام بنظرك لكن سبقنِي إلى السؤال أخي الفاضل نهار :* اتمنى ياصاحب الموضوع تحدد لنا ماهو الإلتزام بنظرك. .؟! :* |
الله يوفقك
ثاني شي أبتعد عن مفهوم القياس يعني لاتقيس فلان على فلان وغيره لا يا اخوي وبعدين وش تقصد من مفهوم الإلتزام فيه بعض الأازواج يقدر يساعد زوجته تلتزم والبعض لا أنا أعرف زميله لي ملتزمه ماشاء الله وتزوجت شاب مو ملتزم والآن زميلتي تغيرت 180 درجه وطلعت من الإلتزام لدرجة أنها قبل زواجها تلبس لباس ساتر والآن غيييييييييييييييييييير فلاتقيس بالناس أنت ونفسك إذا أنت قادر تهدي زوجتك وتغيره تزوج ملتزمه إذا ماراح تقدر لاتتدخل حياة وتبدأ مشاكل ابعد عن المشاكل أفضل لك وتقول تتزوج بنت في الثانوي عشان تقدر تغيرها لا مو على كل حال ومن واقع قريب أخوي مو ملتزم ما أمدحه والله يعني يسمع أغاني ويشوف افلام وزوجته متخرجه من الثانوي و عكسه تماما ملتزمه حياتهم صح حلوه بدون مشاكل بس زوجته تغيرت مثله يعني وش الفايده!!!!!!!!!!!! فأنت القرار لك والله يسعدك يارب |
قرارك والله اعلم راح تبني فيه قصور من رمال
من وجهة نظري أؤيد توافق الزوجين في الالتزام و السن والشهادة والرتبة الاجتماعية |
الإلتزام كلمة حديثة
والأصح أن يقال مستقيم {إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا …… ) الآية ( فصلت30 ) عن أبي عمرو وقيل أبي عمرة سفيان بن عبد الله رضي الله عنه قال : قلت : يا رسول الله قل لي في الإسلام قولاً لا أسأل عنه أحداً غيرك , قال : قل آمنت بالله ثم استقم ” رواة مسلم , ومعنى الإستقامة : هو سلوك الصراط المستقيم والدين القيم من غير تعريج أو ميلان عنه يمنة ويسرة ويشمل فعل الطاعات الظاهرة والباطنة وترك النواهي . ولذلك أخي الكريم إذا وجدت إمراة عفيفة , شريفة , قنوعة , مصلية , مبتعدة عن كثير من المنكرات , راغبة في كثير من النوافل والطاعات , حسنة المعشر والخلق . توكل على الله سبحانه وتعالى ولا تتردد بالإرتباط بها أما مسألة أنك تأخذ إمرأة وأنك تؤثر عليها بسلوكك وإلتزامك فالعلم عند الله سلاح ذو حدين .. إما لك وإما عليك أعانك الله |
قضيت 30 سنة وأنا أركض ورا زوجي .. هو ينظر لي على اني مقصرة وأنا الهث خلفه وأكرهه لأنه أجبرني على الركض .. مع انه لو قارن بيني وبينه بنفس المرحلة العمرية يعني مثلا لما كنت بالثلاثين ولما كان هو بالثلاثين لوجد بأني سبقته
صدقني أخي .. يكفي الزواج ما به من التحديات ومتطلبات من الزوجين ليصلوا للتوافق بينهم فلا تزيد الطين بلة من الجميل والرائع أن تجد من تناسبك ومن مستواك فترتفع معها خطوة بخطوة تشجعها وتشجعك .. تتفقان على الطاعة فتنفذان سوية .. تسبقها يوما وتسبقكك يوما اخر فلا أنت تشعر بالاستعلاء عليها ولا هي تشعر بالضعف أمامك |
| الساعة الآن 09:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©