|
مششششكله مع عريس آلغفله ,,
السلام عليكم ورحمة الله وبركاته أبي أطرح لكم مشكلتي وأتمنى أنكم تساعدوني ما أدري موضوعي مكانه صح هنا أو لا >> العموم أذا غلط أقشعوه لمكانه الصح لآهنتووا الموهم أنا أنخطبت من شخص بغير ديرتي ولآ أفكر بآلزواج حالياُ وقلت لآمي أني مابي أتزوج بس ماشالت لي هم وأبوي وجدي شافوا الرجال وجلسوا معه وأنعجبوا فيه مبدئياً بس للحين ما سأل عنه أبوي مجرد أنهم جلسوا معه أنعجبوا فيه وبأبوه وأبوي أرتاح له لأنه ملتزم شوي وأخاف بعد مايسألون عنه مايطلع فيه عيوب وأبوي يجبرني أبي طريقه أقدر أقنعهم برفضه يعني وش مفروض أسوي أخاف جدي يضغط على أبوي وأكلها أناا مشكلة أهلي للحين يعتبروني ما أفهم ولآ أعرف الصح من الخطأ رغم أني كبيره فوق العشرين ماني صغيره :29: الموهم زميلتي قالت لي لو ضغطوا علي أهلي أطلب أني أشوفه شوفه شرعيه والبس لبس مو حلو وأغير ملامح وجهي ميك أب والخبطه عشان ما أعجبه >> بس ما أدري هل هو حلال أني أسوي كذا وأطلع عليه بالرغم أني مابي أتزوجه؟؟ وبالطريقه هذي يكون الرفض منه هو ماهو مني أنا طبعاً أهله للأسف شايفيني قبل كم شهر وأكيد ماراح يجون يشوفوني اللي عندها فكره حلوه أو طريقه تساعدني وربي لآدعي لهااا دعوه صادقه بظهر الغيب تكفوون لحد يقولي ليش رافضه الزواج أو أستخيري وفكري وأسئلي أنا مابي أتزوج لآسباب خاصه فيني الله يوفقهآ ويرزقها ويسعدهآ وينولهآ اللي ببالها اللي بتسساعدني وأسفه على الأطاله |
اختي اولا وفقك الله
ثانيا نصيحة من اختك اكبر منك بسنين وادرى بالحياة إذا جاك واحد ترضين خلقه ودينه لاترفضن مهما كانت الاسباب بعدين هل نظرتي قسم المتأخرات والمطلقات والارامل انا لااعلم السبب لرفضك لذلك لااستطيع اجبرك على الزواج لكن نصيحة وصرت انصح كل وحدة حتى اخواتي اللي اصغر مني إذا جاء ابن حلال وفيه صفات جيدة وافقي اما دراسة وغيرها ربي راح يسهل وبإمكانك تشترطي انا لأني اعتبرك اختي ولااتمنى اي اخت من اخواتي اللي يصغروني يحسون مثل ماحسيت ترى كل ماكبرتي كل مانصرف عنك صحيح الرزق عند الله والله قادر يرزق مثل ماتبيين لكن تصبحين اقل فرص هذا الواقع كاني عندك لما كبرت بالرغم الحمدلله لاينقصني شيء لكن بسبب العمر من هو اللي يخطبني ناس الحمدلله يارب يعني ناس والله لا اذكر سخرية لكن احيانا مريضين اسأل الله لهم الشفاء واحيانا فاشلين واحيانا كبار في السن جدا عني لا ويتشرطون وماتدرين وش وضعك راح بيكون ممكن تنحدين للي يسوى واللي مايسوى اهلك ماراح يكونون دائمين لك انا بسب وضعي مااكذب عليك اقووم بإشياء المفروض يقوم بها رجال الحمدلله ان ربي سخر لي اقوم بها تصدقين حتى لو جاء خاطب ابحث عنه واسأل انا موب ماعندي اهل لكن الكل لاهي وتعالي شوفي لما تحسين بضعفك ومااحد حاسس فيك تصدقين لدرجة فكرت مرة ياليتني اتزوجت من انا صغيرة موب بعد ماكبرت ياليتني تزوجت وانا في ظل ابوي بدل التشحطط لكن الآن لااريد اي وحدة من اخواتي تعيش ماعشته وتحس انها رجل وامرأة بنفس الوقت اريد يتزوجن وواحد يصونهم ويقضي اغراضهم مايعيشون حياة الخوف لكن اعلم قضاء الله خير وخلاص رضيت بعنوستي لأني اعلم امر الله وقدره وقدره خير لكن انتي لااريد تندمي ابدا اليوم يجي بكرة ياعالم النصيحة : استخيري استخيري بعدين ربي عالم بأمرك إذا خير راح يوافق وإذا لا والله لو خرجتي اجمل شيء راح مايكون نصيب استخيري وغيري نيتك بأن تقولي يارب انت عالم وش الأصلح لي إذا خير يارب ييسره وإذا لا اصرفه لعله يعيشك بسعادة ولعل الامر اللي انتي شايفته مهم لايمنع من الزواج والعنوسة ترى موب اي وحدة تقدر تتحملها وماتتحسس اسأل الله يرزقك واخواتي الصغار أجمعين ترى افتكر مرة وحدة نصحت وانا صغيرة انه تزوجوا وكتبت قصة حياتها وكانت تلوم اهلها عشان مااجبروها على الزواج وتركوها براحتها وماسمعت كلامها وامكن صرت اكبر من عمرها لكن هذا امر الله لي واحمده واشكره لأنه اكيد اكيد اختار الافضل لي اما السؤال : لابد تسألون ماعليك من كلمة ملتزم اسألوا عنه لو دقنه عند ركبته اسألي انتي كلامي رفيقاتك اي احد لكن لابد من صلاة واستخارة وسؤؤااااال عنه عن اخلاقه وعمله دعواتك اختي |
اقتباس:
على بالك كل يوم بيجيك عريس على مزاجك ؟ يا ما بنات قالوا ما نبغى نتزوج الحين وبعد سنوات قالوا يااااليت قبلنا انتِ ما تضمني مين ممكن يجيك بكرة ممكن ما تلاقي ظفر هالانسان .. قولي لأهلك يجتهدوا بالسؤال عنه في عمله وفي ديرته .. وإذا كان نِعم الرجل لا ترفضي بحجة ما ابغى الحين لأنها مو حجة .. وفقكِ الله ~ |
هل رفضك للزواج سيستمر للأبد أم فقط على هذا الخاطب؟
هل تنتظرين خطيباً يأتيك مثلاً، ووعدك بهذا؟ هل لديك علاقة هاتفية؟ هل تعانين من مشكلة نفسية أو بدنية؟ ::: أجيبي بصدق ولي عودة إن شاء الله |
إن كنتي رافضه ولا ترغبين بالزواج حالياً
- استخيري الله في امر الخاطب المتقدم وأكثري من الاستغفار - إن صممتي على الرفض لن يجبرك أحد.. فقط تمسكي برأيك -(اعرف الكثيرات ممن أجبروهن أهاليهن على الزواج والآن هن من أسعد النساء مع أزواجهن) :) |
أختي أنثى أبكت القمر
الله يجزاك خير ويوفقك ويرزقك ويسعدك ويفتح لك ابواب رحمته ويفرجها عليك ويفك كربتك يااااااااااارب ثقي ثقه تااااااااامه أنه مابعد الضيق الا الفرج ورحمة الله واسعه وَمَا مِن دَآبَّةٍ فِي الأَرْضِ إِلاَّ عَلَى اللّهِ رِزْقُهَا أسأل الله العلي العظيم أن يفرجها علي وعليك ويفك كربتك وبنات المسلمين أجمعين يارب أدري أنه الزواج فرص بس حالياً مافكر بالزواج لضروف خاصه |
أم عمر & ذكريات لاتغيب
الله يعطيكم العافيه ولا يحرمكم الأجر يارب أدري أني مو صغير بس مالي رغبه بالزواج حالياً |
اقتباس:
أيه أنتظر شخص أيه لآ آلحمدلله أجبت بصدق |
سبحان الله!
الحمد لله لقد أتاني ذاك الشعور، وسألتك تلك الأسئلة، وكنت أعلم أن إجابتك ستكون كما أجبتِ.. وأشكرك على صراحتك. ::: متى سيأتي هذا الشخص الذي تنتظرينه؟ هل هو جاهز للزواج أم ما زال أمامه طريق طويل؟ إلى متى ستظلين في علاقتك الهاتفية هذه؟ هل هذه العلاقة صحيحة من وجهة نظرك؟ |
اختي ربي انقذك من الشخص اللي تكلمينه والله ترى قرأت عن وحدة تحب واحد وقالت بعدين ربي رزقها بزوج افضل الف مرة من كانت تحبه
توبي لله واشكري الله رغم عصيته لكن ارجوا من الله اختار لك زوج صالح اما الشخص وعلاقة الهاتف والله علاقة مالها اساس من الصحة وإذا يحبك كان خطبك وإذا تزوجته شوفي الشك والتعقيد اعرف من تزوج عن حب وهاتف وبعدين شوفي النكد لعلك دعيت دعوة صادقة وااراد الله ان ينقظك من الوهم الي عايشته عارفه صعب صعب جدا لكن لودعيت بصدق ربي راح يصرفه عنك ويصرف حبه تراه الحب الموهوم اقبلي على الله اليوم صلي واستخيري بصدق وتوبي وقولي يارب اني ظلمت نفسي وانت ادرى بي اختار الله لك مافيه الصلاح |
| الساعة الآن 08:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©