اكتشفت وجود رقم مراهق في هاتف العاملة كيف أتصرف معها
 

السلام عليكم ورحمة الله
اخواني اخواتي قدمو لي المشوره لاني من كثر التفكير احس نفسيتي بدت تتعب
باختصار لقيت بجوال شغالتي رقمين باسم احمد واستغربت من الاسم اخذت الرقمين واتصلت من جوالي وما رد احد
وبعد فتره اتصل وياليته ما اتصل صوت مراهق والطامه سعودي ماادري لوكان هندي او اي شي اهون
ومن يومها وانا خايفه واهتزت ثقتي فيها ومو قادره اناظرها والمشكله ما ادري كيف اتصرف معها نفسي اعرف وش نوع العلاقه وكيف تعرفت عليه افكار كثيره تدور براسي ومو قادره اتخذ قرار

ايش تنصحوي فيه هل اواجهها او اراقبها او كيف اتصرف ؟
تكفون لا تتركوني

يااختي اطلبي الله يكفيك شرها
ترى شيء عندهم عاااادي جدا جدا يعني عادي بالنسبة لهم
يعني تلقينها تصلي وتصوم وتكلم وممكن تخرج الا مارحم ربي في بلادهم الانفتاحية
لكن انا لااعلم اذا فيزا او لا
انا صراحة كنت انصحهم واوضح لهم انهم يريدونهم لغرض ولااكذب عليك بعد ماانصح بالفعل تذهب معاه ويرتكب بها الفاحشة والعياذ بالله كيف اعرف اعرف من الشغالات الأخريات يقولون لي بعد ماتذهب وبكذا اعرف سر بكائها المستمر لأنه احضر له اصحابه الله يغفر لنا ويستر عليينا ويبعد عنا بنات واولاد الحرام
كيف التصرف معها وضعت الرابط للفاضل رجل الرجال
صراحة هذا الجنس حقودي الا مارحم ربي لذلك لابد التصرف بروية
اما اذا اردت ان تعرف كيف اتعرفت وهي فيزا مثلا اختي شيء سهل تحصل الف رقم موب رقم واحد خادمتنا فيزا المهم امي ترفض يكون لديها جوال واكتشفنا انه عندها وقبل ماتسافر
سألتها من وين لك
قالت لي بس قالت لاتقولين لهم :
تقول عن طريق خادمة اخي كلمت الكناااس البنقالي واحضر 2 لهم كيف عن طريق الشباااك يعني موب شيء صعب انتوا لما تكونون نائمييييييين او موب بالبيت الف تصرف او خادمة اخرى لاتشغلين بالك
لا اعرف وحدة تقول لي لقيت ولد مع شغالتهم وشرد لما شافني وهو صغير وكانت في وضع ليس معاشرة لكن شيء اخر الله يستر على المسلمين طبعا بعد ذلك شردت الله لايردها

الله يكون في عونك أنا عندي شغالة اندونوسية ... طبعاً الجوال ممنوع .... لازم تلبس نقاااب لكن المشكلة بدل ماتنفتن في اللي في الشارع..... تروح تدور اللي في البيت سببت لي مشاااااااكل مع زوجتي وأحرجتني معاااها تسألني أي سؤال يم زوجتي وإذا جاوبتها تسوي حركاات في وجهها (( تتبسم )) وإذا تبسمت والإنسان ما يقدر يمسك نفسه عن البسمة تضحك كأني قايلها نكته وتخلي المداااااام تعصب تفكر أن بيني وبينها حركاااات وتخلي المدام تزعل وتسوي لي ساااالفة .. قبل سنتين أول ما جبتها طلعت إشااعة أني أحبها ...
أن شاء الله باقي لها 8 أيام وتروح بلدها وأفتك منها والأثيوبية جاية والله يستر لاتكون من نفس الطبع ..
نصيحة لك أختي لا تخلينها تحقد عليك ... وأهم شي أنتبهي لها وقفلي عليها الأبواب بدون ما تواجينها بالحقيقة ( بس لمحي لها أنك دريتي )
بالذااااات الأندونوسية قليل جدا اللي ماا يدور هالحركااات
أنا لو بكتب عن الشغالة اللي عندي ماااااااااوقفت ...

انثى ابكت القمر
اسال الله ان يكفينا واياك شر الخدم
والله انك صادقه ممكن يدبرون اي شي انا حاليا عند اهل زوجي بسبب عملي تقريبا ضامنه انها ماراح تقدر تسوي شي لكن اللي ذابحني ابغى اعرف منين هالشخص لانه اذا من منطقة اهلي فمعناه لاعب بكل شغالات اهلي والله يستر

على فكره اعيدي وضع الرابط فلم ييظهر لي

اخ انفينتي

شغالتي فلبينيه والله كنت اثق فيها لدرجه ما تتخيلها ودائما كنت اعلمها بالشغلات اللي يسوون هالحركات انهم ينمسكون ويتعذبون ودائم اذكرها بعيالها ومن هالكلام
وسبحان الله احسها مو راعية هالشغلات حتى جوالها ماتخبيه دايم مع بناتي القاه ومن كذا كشفتها تخيل حاطه الاسم صريح احمد ما ادري غباء او دهاء
الله يكفينا واياك شرهم فعلا الاندونيسيات دائما شرهم وعينهم على اهل البيت الله يفكك منها

أختي الكريمة
أيا كانت جنسية الشغالة
هناك ضوابط لعل الأفضل التعامل بموجبها
1- الصراحة المباشرة في التعامل بمثل هذه الأمور وأن ما تفعله لا يرضيكي ولا توافقين عليه.
2- مراعاة الضغط النفسي والجسدي والبعد والحرمان ودين العاملة وعمرها في التعامل مع هذه الأشياء وفق ضوابطها الاجتماعية والسلوكية فما ترينه قمة الخطأ هو عندها ليس كذلك.
3- التعامل معها وفق عمرها لا وفق الوصاية عليها فهي تدرك لما تفعل.
4- تعاملي معها من باب بعض الشر أهون من بعض فتفعله أمامك وشي بسيط وليس خلفك وشي أعظم.
5- تعاملي معها بوضوح كصديقة ناصحة وأشعريها بحرصك على مصلحتها ومصلحتك بنفس الوقت لأنه إن رأت أنك تبحثين عن مصلحتك ستبحث عن مصلحتها ولو على حساب مصلحتك..
6- حذريها وبشكل مقنع وقصص من الواقع بنتائج الاتصالات المشبوهة ممن يسحبون العاملات المنزليات ويغرونهن بالرواتب المرتفعة ثم يستخدمونهن للعبث بهن ثم رميهن.

انثى ابكت القمر
جزاك الله الف خير على جهودك
سحابة صحراء

الجوالانا جبته لها لاني احتج اتصل عليها وانا في المدرسه
حتى الرقم مطلعته رسمي لها واللي ذابحني اني كل شهر اشحن لها على حسابي حتى تكلم امها وعيالها ما توقعت انها ممكن تكلم رجال
اخ نفسي بس اعرف كيف جابت رقمه

اخي الفاضل رجل الرجال
جزاك الله عنا كل خير وجعل ممن ينفع بهم
ان شاء الله ناويه اكلمها بالموضوع بس افكر كيف افتح معها الموضوع ابغى حيله اخذمنها الجوال واشوف الاسم قدامها وعلى طول افتح الموضوع
لاني انا عرفت عن طريق بنتي واخاف تحقد عليها
وهل ترى ان استخدم معها اسلوب التهديد ان اعطي رقم الرجل للشرطهحتى تخاف ؟؟او اقول راح اعلم زوجي ويمكن يسفرك؟؟
هل اخذ الجوال منها وبعد فتره اغير لها الرقم؟
ما راح استعجل لاني في بيت اهل زوجي ضامنه انها ما تقدر تسوي شي ولانها انسانه جدا محترمه ما شهدت عليها اي حركات لا داخل البيت ولا خارجه بس ما ادري وش اللي صار ان احد اثر عليها حتى لما هربت شغالة اختي كانت مستغربه منها تقول ليش تجي تترك عيالها وتسوي كذا !!!
هل احاول اذكرها بعيالها واهلها
عذرا افكاري متلخبطه بسبب ظغوط العمل وظغوط نفسيه وشغالتي كملت علي

اشرك اخي لسعة بالك