|
الإرهاق و الإمساك في أول الحمل
السلام عليكم يا دكتور احمد انا بحمد الله حامل للمرة الثالثة و اخر دورة كانت يوم 22 اغسطس اي انا في الاسبوع السادس تفريبا ولا انا غلطانه؟ سؤالي هو اني أعاني من إمساك شديد فانا أدخل الحمام أعزك الله كل 3 أو 4 أيام و هذا ليس جديد علي فهذا العادي بالنسبة لي أما الجديد فهو الصعوبة الشديدة و الضعط القوي الازم لإتمام الموضوع ادرجة اني أحيانا ادخل الحمام و اخرج عدة مرات في اليوم او على مدى يومين لتتم عملية الاخراج فهل هناك حل للموضوع لأني أعاني جدا و اتألم و بخرج دايخة من الحمام و هل لهذا الإمساك اثر على الجنين؟ السؤال الثاني أنا كانت نسبة الهيموجلوبين عندي حوالي 10 او11 قبل الحمل و كنت باخد كبسولات حديد يوميا 570مج حديد-2- جلايسين سلفات (فيروزانول -فورميولا المانية لأني أعيش هناك) و مازلت فهل هي كافية ام سأحتاج أكثر و هل نقص الحديد ممكن يكون سبب الارهاق اللي انا بحس بيه حالييا و لا ده بسبب الحمل على فكرة انا عمر بنتي الصغرى 4 سنوات و 4 اشهر يعني المفروض ان جسمي اخد راحته و ألف شكر على مجهودك الرائع في قسم صحة المرأة |
مظبوط الأسبوع السادس
الإمساك لازم يتحل وده سهل جدا بتاكلي الياف كتير ولو احتجتي ممكن تاخدي لبوس جلسرين ولو احتجتي كمان ممكن تاخدي دوا فيه لاكتيلوز موضوع الهيموجلوبين انت المفروض تروحي المستشفى التابعة لها -المفروض ليكي تأمين صحي من نوع ما والا ماكنتيش دخلتي البلد اصلا- وتفتحي ملف متابعة حامل وتعملي تحاليلك وتتابعي هناك انظمة المتابعة في المانيا اكثر من ممتازة من شغلنا فيها بصراحة تخسري كتير لو مادخلتيش فيها |
الف شكر ليك يا دكتور أحمد على ردك السريع و المطمئن
اما فعلا عندي تأمين و معاد عند الدكتورة بس لسه باقي عليه اسبوعين تقريبا و ولدت بنتي كمان هنا و كنت الحمد لله مرتاحة جدا و المتابعة ممتازة مع ال Mutterpass و الهيباما :22: بس لسه شويه على معاد الكشف الاول أفهم من كلام حضرتك إن البوليمرز اللي بتمتص الميه عشان تعمل امتلاء في الامعاء زي اللاكساتان مثلا مافيش منها مشكله؟ طيب و حكاية الارهاق دي طبيعي ولا ايه أنا بشتغل من 9 لغاية 4 تقريبا في معهد بحثي يعني مفيش ارهاق بدني بالصورة الجامدة و لكن انا هناك لوحدي مع ابني (10) و بنتي (4.5) فممكن يكون الشغل السبب لان الارهاق بيكون كأنه نوبة تستمر 4 او 5 ساعات و بعدين تروح؟ معلش انا غلبتك بس والله الواحد مابيصدق يلاقي حد يسأله عشان يطمن ربنا يجعله في ميزان حسناتك و يبارك لك في كل ما تحب |
غريبة احنا كنا هناك بندي السيدة اول ميعاد بعد اختبار الحمل الإيجابي مباشرة والتاني في الإسبوع السادس
ايوة الملينات دي مافيهاش مشكلة بس دي بس مش الادوية التانية الإرهاق طبيعي علشان الهرمونات بس لازم نستثني الانيميا لان مع الحمل الهيموجلوبين اصلا بينزل شوية فلو كان على الحرف بتدخلي في انيميا تحت امرك في اي اسئلة Arzt im Dienst |
السلام عليكم يا دكتورنا الفاضل
ألف شكر على اهتمامك و سرعة ردك ربنا يبارك لك السبب في تأخير المعاد ان الدكتورة اللي بروح عندها دايما زحمه و كانت حاتديني معاد في شهر 11 بس الحمد لله انه ما وصلش لكده بالنسبة للانيميا دة احتمال جايز جدا بس لما اعمل التحليل هاشوف ان شاء الله بس انا ليا دلوقتي سؤال تاني معلش انا زودتها بس أعذرني أنا ناوية اسافر مصر بإذن الله يوم 19 اكتوبر خلال اجازة الخريف فهل ياترى ده في مشكله و ايه اللي المفروض اخللي بالي منه هناك عشان تعدي السفرية بإذن الله على خير مع العلم ان الرحلة زي ما حضرتك اكيد عارف حوالي 4 ساعات طيران و قبلهم فيه ساعتين بالقطار للمطار و بعدين حوالي 5 ساعات بالقطارمن القاهرة لغاية مكان اقامتي و الف شكر للمرة الالف |
السفر نفسه مش مشكلة قوي بس المدة الطويلة خطر عليكي
لازم كل نص ساعة تقومي تمشي شوية سواء في الطيارة او القطار وطول مانتي قاعدة تعملي تمارين الرجلين لا قدر الله دمك اثناء الحمل بيكون قابل للتجلط ومش عاوزين مشاكل توصلي بالسلامة |
| الساعة الآن 11:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©