|
اتصال يدعي انه من مجلة
السلام عليكم ورحمة الله
اليوم جاء اتصال على الهاتف الثابت كلما ردت بنتي يقطع الخط وعندما رفعت انا السماعة تكلمت امراة وقالت : أنا أم عبدالله من مجلة ...... ارجو الاتصال على هذا الرقم قلت لها اي رقم تقول اللي طلع عندك في الكاشف قلت لها ما طلع عندي شيء قالت خذي الرقم وانا كتبته عندي وقلت لها اساسا من فين جبتي رقم البيت قالت من الحاسب وقلت لها ايش دخلني انا في مجلتكم قالت اتصلي علي واقولك قلت لها ايش الفرق انا اتصل ولا انتي قالت ماعندي رصيد وسكرت زوجي كان في البيت وقلت له السالفه قال اتصلي من جوالي لأن الرقم اللي عطتني اياه رقم جوال قالت انا فلانه الفلاني بس والله نسيت اسمها من مجلة ....... في الرياض ومعليش ماعندي رصيد لان الموزع ماجاب لنا شحن ونبغى رايك في موضوع الطلاق في المجتمع لانه في ازدياد فقلت لها تبغون رايي ليش بتسوون استبيان ولا تحقيق صحفي قالت لا بننصح البنات ! قلت طيب على أي أساس تآخذون رأي أي فئة من المجتمع قالت جانا 100 رقم من منطقتكم ومن بينها رقمكم المهم زوجي يقول لي بيني وبينه مو على حسابك تآخذ رايك فقلت لها ماعندكم ايميل ارسل لكم عليه قالت لا ماعندنا ايميل ووووو فقلت لها انتو مجلة غريبة ما عندكم وسائل اتصال صرفت بكم كلمة ما اتذكر بالضبط قالت لي يبدو إنك متعلمة قلت الحمد لله قالت جامعي ولا ثانوي قلت جامعي ليش قالت كم عمرك عطيتها العقد قالت كم بالضبط فقلت لها انا مو ملزومة اعطيك تفاصيل دقيقة وانا ولا أدري عن مدى مصداقيتكم ومين انتو اساسا وينقطع الخط قلت شكلها انحاشت شوي وترجع تتصل على جوال زوجي ما ردينا وطنشنا احد صار له او سمع مثل كذا وهل معقول لو بيكون استبيان ولا على كلامها تبغى تنصح بنات المجتمع أحس مو منطقي ولو قالت استبيان ولا تحقيق يمكن ينبلع أكثر على ان السالفه كلها مو داخلة مزاجي أنا سبق وسمعت عن اللي يتصلون يروجون لشركات تجميل ويآخذون العنوان عشان يجونك البيت أما أخذ آراء بخصوص مشاكل المجتمع بهذه الطريقة ! |
والله اتصال محير
وانا لو منك ما استخدم رقم زوجي واطنش بالكامل |
تقريبا العام صار لي موقف على هاتف البيت مثل هذا اتصلت بس لاافتكر
سألت اعتقد تابعة لصحيفة ناسية اللي افتكر سألت هل لديكم احد يشتغل في الأعلام صحفي ، كاتب .<<<< بغيت اقوول معاااك كونان المصيبة ناسية الأسئلة بس افتكر اني جاوبت بصراحة هههههه :d ممكن اطلع مشهورة غباء:( |
السلام عليكم
احدى قريباتي حصل لها بالعكس حصلت على وظيفة في مجلة لم نسمع عنها من قبل وأخبروها أننا بحاجة الى عدد من التحقيقات الصحفية لتكون جاهزة عند انطلاق المجلة .. وفعلا تحمست وقامت بعدد من التحقيقات الصحفية عن طريق الهاتف وأعدتها .. ولكن اتضح فيما بعد أن المجلة نشاطها مشبوه والقائمون عليها مثيرون للشك .. حتى أنهم تحرشوا بها هاتفيا بعدما قدمت استقالتها بسبب ريبتها منهم ... حسبنا الله ونعم الوكيل |
إستبيان .. وعن طريق الهاتف الثابت :d
عمرها ما صارت... كيف عاد وفي هالزمن اللي التكنولوجيا سهلت على المسلمين وبإقل التكاليف .. ولو كان ولا بد .. تذهب لمكان التجمعات .. من نوادي ومستشفيات وغيره :: وتاخذ اذن منهم او تصريح وهما لابد أن يحرصوا على أن يتأكدوا من المصداقيه . ولو كانت صادقه انه مجله فعلاً.. فالمجلات تضع الإستبيان في عددها الصادر.. او في موقعها الخاص وغيره من الوسائل الحديثه.. ثم يرسل لإيميل المجله او عبر الفاكس... |
أذكر قبل كم سنة جاء اتصال على الثابت قالت المتحدثة : كم عدد أفراد الأسرة قلت : كذا وكذا قالت : ممكن أتكلم مع الثالث قلت : أخوي قالت : ممكن أكلمه ! قلت : لا طبعا .. أسألي وأنا أجاوب :d قالت أما أكلمه أو لا قلت : بحفظ الكريم وسكرت السماعة (ما فيه تفاهم :d). أي أرقام غريبة .. لا تتجاوبين معها نهائيا. الله يحفظ الجميع |
والله قصتك غريبه اول مره اسمعها
والاتصالات من هالنوع اكرهها وممكن ما اسنمر فيها ابدا الله يكفيكم شرها |
اقتباس:
حسينا في شيء مريب بس قلنا نشوف ايش وراهم شكرا لمرورك اقتباس:
ويحليلك على نياتك جاوبتي بصراحة بس بعضهم يجرجرون الناس في الكلام ،، حتى وانا دارية ان السالفه فيها إن قلت لها ان تعليمي جامعي وعطيتها عقد عمري المفروض اقولها من البداية مالك شغل شكرا لمرورك وذكر تجربتك اقتباس:
يا ساتر عسى بس ما آخذوا كل بيانتها الشخصية حسبي الله ونعم الوكيل الظاهر يبون كل شيء بارد مبرد الحمد لله انها افتكت منهم شكرا لمرورك اقتباس:
وليتها قالت استبيان يا بنت الحلال قالت نبغى ننصح البنات ونوعيهم بس ماجاء على لساني نفس الدقيقة اقولها اللي يبغى ينصح ما يحتاج يآخذ آراء المجتمع وإذا الشخص مو أهل للنصيحة لا ينصح واللي يضحك الموزع هو اللي يجيب لهم الشحن ولا عندهم ثابت ولا ايميل بس ايش اللي وراها هل وحده لعابة وفاضية شغل بس شكرا لمداخلتك اقتباس:
المشكلة في ناس على نياتهم ويجاوبون بكل صراحة هذا إذا ما عطوهم عنوان البيت بعد شكرا لمداخلتك اقتباس:
شكرا لمرورك |
امس دقوا علينا
ردت اختي سلمت وقالت انها تبي تعمل استبيان وسئلتها انتو سعوديين قالت لها اختي لا اماراتيين ردت عليها اسفة الاستبيان للسعوديين فقط ههههههههههههه |
اقتباس:
ههههههههه زين سكرت الباب في وجهها من البداية شكرا لمرورك |
| الساعة الآن 03:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©