|
تجملو يا الاجــاويد (( وش الدبره قولولي ))
السلام عليكم
انا ياربع عنده مشكله ولا ادري هل هي فعلاً مشكله او لا ؟؟ انا شخص مسئول من امي .. امي مطلقه وتقدم لها عرسان كثير وكنت انا الي اقابلهم واشوفهم وفيه منهم ناس يطلبون الشوفه الشرعيه وفيه ناس ما اوافق عليه ماودي اطول عليكم الوالده ماتبي احد من اخوانها ولا ابوها لوا اي احد يدري انها بتتزوج الا انا طبعاً وانا محترم رغبتها يعني منعاً للقيل والقال واهلها (( ماعندك احد)) يعني بمعنى اصح مافيهم احد تكانه الي صحيح والي عاق في اهله وجدي الي هو يعتبر ابو امي عليه قل صح يعني العائله محد يدري وش السالفه :( المهم عشان كيذا الوالده ماتبي يدري احد .. لان الشخص الي بيتقدم لو شاف العائله الكريمه بيهون وماعاد يبي يتزوج بلعربي يفشلون مرره زبدة الموضوع ان فيه شخص تقدم للوالده واكتفى بلمواصفات الي اخذها من الخطابه وماطلب يشوف الوالده وهو رجال متدين بس ماهو متشدد تقدرون تقولون شبابي المهم هذا الرجال كلمني يوم واتفقنا اننا نملك في بيته بحضوري انا وحضور الشيخ وشهود طبعاً مسألة المهر وباقي الامور تم الاتفاق بينه وبين الوالده عن طريق الخطابه المهم لما سألني الشيخ قالو عندكم شروط او اي شي قلت له كل شي متفقين عليه من مهر والى اخره الشيخ توكل على الله وملكنا وتبشرت بلخير خصوصاً ان امي راح تعيش حياتها سعيده مع رجل كفو راح الايام وجت الايام وراحت الايام وجت الايام وانا مستغرب ان الرجال ماكلمني ولا جاب طاري المهر ؟؟ اكتشتفت بعدين من الوالده ان امه في المستشفى وفي العنايه المركزه :( وعلى اساس ان نفسيته تعبانه (( مع اني اشك في قصة ان امه تعبانه )) راح شهر ومابين شي وعلى كلام امي لي انه نفسيته تعبانه وانه متضايق وبعد كيذا طلع لنا بسالفة ان الفله الي المفروض يسكن فيها الوالده انسرقت يعني الكنب انسرق ومدري وشو يعني فيلم هندي:( وصار هو يدق علي ويعلمني السالفه وانا اعطيه جووه .. ويقول المفروض انا اصلن انقل زوجتي الاولى للبيت الجديد وامك احطها في البيت الاولاني وتوني مأثث البيت وانسرق والخ وسكت ماقلت شي قلت الرجال يمكن ان ضروفه حساسه شوي اخليه على راحته وبعد كيذا صارت الوالده تسألني وش صار ووش ماصار .. قلت لمي يايمه والله مدري عنه الرجا كل يوم له سالفه وبعد فتره قاعد سولف معي جوال المهم قال ياخي المظاهرات الي في مصر عطلت فلوسي واني مستحي منكم ومدري وشو ؟؟ يقولي تصدق ان ماعندي ولا ريال الحين يقول افكر اتسلف عشان اخلص امور زواجي وانا ساكت ومتحمله كثيررر وشايل همه اخاف انه يوهقنا ولانشوف منه لا مهر ولا يحزنون وبعد شهر ثاني كلمته قلت له وش سالفتك ماتصلت وحتى ماترد على اتصالات الاهل ؟؟ شفييك قال امي تعبانه ومدري وشو قلت يبن الحلال الله يشفي امك ويخليها لك بس احنا وش ذنبنا تعلقنا معك لا انت الي عطيتنا كلمه ولا انت الي قلت مااقدر قال خلاص خلاص كلها كم يوم والامور بتززين ..بصراحه استحيت منه وحسيت اني قليل ادب اقول لنفسي امه تعبانه وانت تكلمه بأمور زي كيذا وبعد اسبوعين كلمني وصار يكلمني بأمور مدري وش تبي سواليف مالها دخل .. اخر شي قلت له طيب متى بتدفع المهر ؟ << حسيت اني مسلف واحد :( وانا ماااخفيكم اني توني صغير عمري 28 سنه ولاعندي خبره بهل الامور والبلى اني ماقدر استشير ربعي في هل الامور .. عشان الموضوع مو لازم الكل يعرفه خصوصاً اهل ابوي .. راعين بربره اتفقت معه ارسله رقم الحساب ونخلص لان طفشت بصراحه .. فقال لي اوكي بحول لك الفلوس وانا مرسل الرقم من امس وماشفت شي ؟؟ مشورتكم ياربع احس اننا توهقنا فيه :( |
الله يوفقك أمك ويعينك علي برها
غيري إن شاءالله يفيدونك |
أمك استخارت؟؟
بالنسبة للتوهيقه يا مال العافيه لا يكون يبيها مسيار؟؟ وخش في عينه ولا عليك منه ... وقوله بالعربي كمل أمورك ولا الله يسمح دربك ودربنا.. وكل ما شافك قوي وفاهم كل ما خاف منك إذا عنده لف ودوران وبعدين تعلم لا تملك لأ حد سواء أمك أو أختك أو بنتك إلا بعد ما تتأكد منه صح وبعدها يحط المهر الله لا يهينه قدام المملك وإذا صار وما جاب المهر قدام المملك قول ما استلمنا شي وهو يكتبها في العقد اقتباس:
إذا ما شرطت في العقد سكن شرعي الله يعينك وهذا مأخذ ثاني عليك.. بس معليش كل دقه بتعليمه وانتم بغيتوا الحلال وأهني أمك بصراحة عليك .. انت ابن رائع بمعنى الكلمة وما زلت صغير وقليل خبرة في الحياة الله يعطيكم لحد ما يرضيكم ويكفيكم شر كل من فيه شر |
8
8 8 يابنت الحلال كل هذي الامور كنت حاطها في بالي بس الوالده قالت لي لاتتشرط على الرجال شي هو وعدني بكل شي ورجل ملتزم (( ملتحي )) ووعدنا انه يعطيها بيت فله + مهر بس انا قلت لها لاتثقين في احد وهي اصرت اني مااشرط عليه شي فقط وبعدين لا مو مسيار خير انشاء الله حسيت اني مغفل زواج شرعي عادي جداً |
انت قصدك زواج شرعي
لكن هو وش قصده من لفه ودورانه سمعت عن صديق زوجي.. خطب اختهم وملك وكل شي وبعد فترة جاهم قال أحسن شي خلوها عند أمها دام الأم تعبانه وأنا أجي من فترة لفترة طبعاً صديق زوجي طرده من وقته وقاله ما تلزمنا يازواج قدام الله وخلقه يابلاش وأمنا تعبانه ولا مو تعبانه مو شغلك فأنا شكيت في هالرجل خصوصاً ان الموضوع صار له أشهر الآن وبعدين مو كل ملتحي معناته فيه الخير وهو يبي منكم شي دام ما دفع لا مهر ولا جهز بيت وفي نفس الوقت ما تركها في حالها واعتذر ان امكانياته ما تسمح !!!! |
8
8 حيرتيني شسوي الحين ازبد له ؟؟ ولاوشو ترى انا المفروض اليوم اكلمه بس قلت خلني انتظر شوي |
هو يريد منك تنازلات
وانت يا اما الفيلا والمهر مثل الاتفاق اللي صار المؤمن اذا وعد وفاااااااااااا وهو وعد ولكن اين الوفاااااااا وليه ما ذهبت للمشفى وقت امه كانت فيها المفروض تذهب ولا يجب عليك الدخول للمريضه بالغرفه بشكل انو تتأكد انو مريضه بارك الله فيك |
قلت لك خش في عينه وما عليك منه هذي أمك..
وقوله عجل وخلص أمورك ولا تتردد في مكالمته .. إذا كان رجال عنده شي بيعتذر على طول أو يكمل ما بداه إن شافك شديد وشايل هم أمك وكلام الأخت الغاليه جرين صحيح روح المشتشفى واسأل هل فيه مريضه بذا الإسم وتأكد |
كم مهر الوالدة وانا بعطيك تصوري ؟
|
أخي الكريم
اسأل الله سبحانه وتعالى أن يوفقك للبر بوالدتك وأن يوفق والدتك بزواجها ويتم عليها السعادة والهناء سأخبرك أخي الكريم من واقع ما أعرفه من معايشتي لبعض نوعية من الرجال ممن يزيد عمرهم عن 45 سنة ويرغبون بالزواج سواء زوجة أولى أو زوجه ثانية ويتوجهون بالغالب إلى الخطابات أو مواقع الزواج وذلك لقناعتهم أن هؤلاء النسوة لم يستطعن الزواج بالطريقة التقليدية وذلك إما لكبر سنهن أو مطلقات أو أرامل أو توجد لهن مشاكل خاصة وبالذات يتوجه للنساء الكبيرات بالعمر لقناعته أن لها حرية كبيرة في التصرف وأخذ القرار وربما فرضه على أهلها فهو لديه قناعة أن أخذهن سهل .. وتركهن سهل فهن بالغالب لا يطلبن شروط كثيرة ويرضين بما سوف يقدمه لهن وإذا رأى مصلحه في عدم إكمال الطريق أو قطعه من أوله يتحايلون ويتأخرون حتى يأتي الطلب من المرأة بعدم إتمام هذه الزواجة ويطلع بالنهاية إنه ماله شغل وما سوى حاجة والهدف من ذلك حتى لا تهتز سمعته أو ينتشر عنه أنه مزواج .. مطلاق . أخي الكريم على قولة المثل .. الصراحة مافي زيها .. ويا أبيض .. يا أسود أعانك الله |
| الساعة الآن 07:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©