التكيس؟؟؟؟؟؟؟؟؟؟؟؟؟؟؟؟؟؟؟؟؟
 

دكتور انا متزوجه من سنتين وشهرين اعاني من تكيس باخد كلوميد والدكتور قاللي عايزه تاخدي سيدوفاج خديه لو مش عايزه خلاص انتي جسمك مش محتاج؟.
اخدت الابره اللتفجيريه مره واحده والبيريود نزلت بعها
تاني شهر رحتله قاللي البويضه خرجت وانا شايف الحسم الاصفر تقريبا ولكن الدوره اتاخرت ومش نزلت غير بعلاج؟مش لو كان فعلا حصل تبويض كانت نزلت لوحدها لو مفيش حمل؟
الشهر اللي فات في رمضان تابعت تبويض وقاللي نفس الكلام انها خرجت لوحده واداني بروجيست قاللي لو حمل هيثبت لو دوره هتنزل واخر دوره مانت 30\8 يعني متاخلره اسبوع ومفيش اي اعراض نهائي غير بس في اخر رمضان كان وجع فظيع في اسفل الظهر.وبعدين من نفسي اخدت شريط سيديلوت نور ونزلت يوم 10-9 وروحتله قاللي هناخد كلوميد 3مرات في اليوم واجنوكاستون تمشي عليه شويه اول مره اخده ورحتله يوم 3 2قاللي المبيض الشمال مش فيه تبويض واليمين فيه كذا بويضه بس مش قاللي مقاسات وقاللي اشوفك تاني يوم الخميس انا كنت عنده السبت وكملي بالاجنوكاستون
انا مش عملت اشغة صبغه وهولسه مش طلبها مني هل ضروري اعملها ولا ايه؟؟


انا دلوقتي مش عارفه ااعمل ايه؟انا تعبت من كلام الناس ونظراتهم ليا
بالله عليكي قوليلي اعمل ايه؟ وهل التكيس بيمنع الحمل؟
انا تعبانه نفسيا جدا جدا
اسفه عالاطاله

نسيت اقول ان الدكتور عطاني جينيرا تنزل الدوره لانه قاللي في اخر زياره انه مفيش تبويض الشهر ده
اخدته 3مرات لمدة 5 ايام
والمفروض انا بطلته من يوم السبت
عايزه اعرف ايه الحل؟
انا تعبت جدا من الانتظار وقررت اني مش هتابع تاني

ايه اخبار تحليل زوجك ؟

ايه الفحوصات والتحاليل اللي عملتيها حتى الآن ؟

تحاليله الحمد لله سليمه وانا عملت التحاليل اول سنه زواج كان الال اتش 6.5
وtsh كان 1.2
وكان قبل الزواج الال اتش 13.5
والاف اس اتش كان 7.5
بس مش عملته تاني بعد الزواج
وان شاء الله ناويه اعيد التحاليل تاني الشهر ده بس عايزه تفسير لحالتي لاني يأست من كلام الدكتور الممل اللي مش فيه جديد بس طبعا لم ولن ايأس من رحمة الله بي
ارجوك تطمني وبسرعه لان خلاص البيريود ميعادها كمان يومين

انا مااقدرش اقدم لك تفسير لاني لا كشفت عليكي ولا اعرف تحاليلك دلوقت ولا حاجة خالص

لو انتي عاوزة معلومات عن متلازمة تكيس المبايض فدي قصة تانية وممكن تشوفي الفيديو في توقيعي فيه تفاصيل الموضوع ولو في أسئلة تحت امرك

لو سمحت يا دكتور احمد
انا البيريود نزلت امس 14\10
ايه المطلوب مني اعمله دلوقتي ومن تحاليل واشعه
انا كنت ناويه اعمل fsh وlh
وكمان انا مش عملت اشعة صبغغه ولا مره
اعملها ولا اعمل منظار ادق وايه الفرق بينهم و؟ وايه الانسب للي عندهم تكيس؟؟؟؟؟؟؟؟؟؟؟؟؟
عالافه ان الاسئله كتير بس ارجو الرد اليوم عشان لو هعمل التحاليل
لاني خلاص مش هروح لدكاتره تاني دلوقتي خالص لان بجد نفسيتي تعبت جدا
وربنا يجزبك كل خير

ماينفعش ماتروحيش لدكاترة وانا عارف المشوار طويل ومحتاج صبر
عموما

تحليلي fsh & LH المفروض بيتعملوا طبيعي لا واحدة عندها تكيسات اصلا وروتين حتى في واحدة عندها تأخر انجاب بيتعملوا في اليوم الثالث من الدورة

في تحليل هرمون الحليب
تحليل progesterone في اليوم ال 21 من الدورة

يهمني تعملي سونار محترم وتجيبي لي تقرير بيه مافيش حاجة اسمها سونار على الماشي والنتيجة شفهية وللأسف ممكن ماتلاقيش ده الا في مراكز الاشعة مش عند أطباء النساء -ودي غلطة منهم وسوء ممارسة مهنة-

أشعة الصبغة بنشوف بيها الأنابيب احسن وساعات لو في التصاقات في الحوض بتظهر وكمان هي نفسها ممكن تحل الإنسداد لو بسيط

جزاك الله كل خير
بس يعني راي حضرتك اني اعمل اشعة الصبغه ولا المنظار؟

أشعة الصبغة الأول