الصدااااااااااااااع النصفي
 

السلام عليكم يا دكتور احمد
النهاردة انا عندي سؤال لحضرتك.. انا اعاني من صداع نصفي شديد في النصف الايمن من الرأس و ليه حاليا 3 ايام متواصله لدرجة اني بنام و بصحى بيه بدون اي تحسن و الحمد لله على كل حال..قبل الحمل كنت احيانا اعاني منه بس كنت باستعمل risatriptan -(maxalt و هو كان الحاجة الوحيدة اللي كانت بتوقف الصداع. طبعا انا مش قادرة استعمله حاليا لأني في السبوع الثامن من الحمل لو حضرتك لسه فاكر فياريت تقوللي اعمل ايه يخفف الصداع حتى لو كان هوميوباثيك او اي شيئ لان الراحة لم تحقق المطلوب و الالم مستمر حتى وانا نايمة
انا بشكرك يا دكتور مليون مرة و ربنا يجعله في ميزان حسناتك

انا عاوزك قبل أي علاج او حاجة تعملي حاجتين
تقيسي ضغط الدم
وتعملي تحليل بول urine analysis (look for microalbuminuria)
اكتبيه بالطريقة دي

شكرا يا دكتور احمد على ردك السريع ربنا يجزيك خير
انا الحمد لله احسن دلوقتي بعد ما شربت كوب قهوة مركز مع اني لا اشرب اي منبهات سواء شاي اسود او قهوة و عملت بعض المساج على الجبهة و جانب العين و مؤخرة الجمجمة بس لسه الشد العضلي او لا اعرف بماذا اصف الاحساس المؤلم في مؤخرة رأسي
بالنسبة للضغط يوم الثلاثاء كنت عند الدكتورة بسبب رؤيتي لافرازات لونها شوية على بني اول ما صحيت فطلبت مني اني اروح على طول بدون انتظار ليوم الجمعة و كشفت عليا بالسونار و عملت سواب و كانت كلير و الحمد لله النبض كان واضح و كيس الجنين 3.5 سم ماشي مع العمر الحسابي و باقي التحاليل و الضغط كان 110 على 60 و دة يعتبر العادي الكويس بتاعي اما تحليل البول فبكرة ان شاء الله اعرف و ابلغك لما اروح اخد منها الmutterpass بس مش عارفة اذا كانت الmicroalbuminuria حتكون ضمن الحاجات اللي في التحليل ولا لأ
انا حبيت اقول لحضرتك برضه ان الصداع ده مش جديد عليا ده ليه مثلا 8 سنين و طبيبة الباطنة جربت قبل كده ادوية فيها كافيين و باراسيتامول و غيره بس اللي جاب نتيجة كان ال maxalt و من هنا استنتجت هيا انه صداع نصفي اولي

كويس الكلام ده
وعلى فكرة مسموحلك تشربي حتى 3 فناجين قهوة يوميا مالم تشعري بخفقان قلبك ويزيد تعرقك

اجمل الامنيات

كويس جدا ولو ضغطك كويس يبقى خلاص مش مهم الألبيومين

هيموجلوبينك كويس جدا خلاص بطلي الحديد وخدي الماتيرنال عادي

لما هاتبطلي الحديد بطنك هاتتحسن شوية كويسين انما الديسفلاتيل ممنوع في الحمل للأسف
ممكن تظبطي غذائك شوية وتكتري الألياف هي بتعمل زي الديسفلاتيل بالظبط

انا حبيت أشكر حضرتك يا دكتور احمد على نصايحك ولو اني متأخرة حبتين بس في مصر ماكانش عندي نت و كل سنة وانت طيب

كمان كنت عايزه استفسر منك على حاجة وهي اني مع مجهود السفر و الشنط و غيره لاحظت نزول افرازات لونها بني غامق لمدة يومين او ثلاثة و اتكررت تقريبا مرتين او ثلاثة و في كل مرة بتتوقف لوحدها و غالبا بيكون قبلها في مجهود بدني وفي مصر رحت للدكتور و عمل الاول سونار خارجي و قال ان النبض طبيعي لكن قرر انه يعمل برضه سونار مهبلي وده خلاني اقلق جدا لانه في حملي الاول عمره ماعمل سونار داخلي الا في الاخر خالص بس حسب كلامه مفيش حاجه تستدعي القلق و كله طبيعي و كتبلي مرهم للالتهابات الفطريه جاينوداكتارين لما حكيت عن الافرازات بس انا لم استعمله لاني لم اقتنع بحكاية الالتهاب دي
سؤالي بقى ياترى الافرازات دي علامة على الاجهاض المنذر ولا ايه لاني في حملي الاول عانيت منه و اخذت مثبتات اول٣ شهور
والسؤال التاني ممكن فعلا يكون السونار المهبلي افضل او فيه مشكله معينه ممكن الطبيب يكتشفها بهذه الطريقة ولا تظهر بالسونار الخارجي لان الموضوع شاغلني جدا
و اخيرا الف الف شكر يا طبيبنا الفاضل و كل عام وانت بالف خير

احنا بنسميها علامات انذار لكن ماتوصلش لبداية اجهاض ولا حاجة

اساسا احنا بنعمل السونار المهبلي اول 3 شهور من الحمل والا مش هانشوف حاجة اي حاجة جوه الحوض بتتشاف بالمبهبلي اما لما الحمل يتقدم والجنين يطلع البطن بنشوفه بالسونار الخارجي


ماتقلقيش لو في حاجة كان قالك عليها

وكل سنة وانت طيبة