لاأشعر بانتماء زوجي للبيت معظم وقته خارج البيت ومنشغل عني
 

السلام عليكم ورحمة الله وبركاته
اتررد دائما في الكتابة اكتب الكثير ثم اعاود مسح ما كتبته لا ادري لماذا مع العلم اني شاركت بكذا موضوع قبل الان
لا ادري ماذا اكتب تحتار في داخلي الكلمات ويخونني التعبير احيانا مشكلتي الرئيسية مع زوجي اني لا اشعر بأنتمائه للبيت معظم وقته خارج البيت مع اصدقائه يقوم بعمل تطوعي ويقضي كل وقته في هذا العمل هم لايعملون طول الوقت ولكنه يجتمع مع اعضاء الجمعية من الشباب والفتيات بحكم الصداقة التي تربطهم اصبح مزاجه مرتبط بالحالة النفسية التي يكون بها معهم اذا كانوا مبسوطين يرجع مبسوط واذا كان العكس فيكون مزاجه صعب جدا حاولت التحدث معه اكثر من مرة لكن هو لا يعجبه ان اقول اي شيء اطلب اهتمامه اذا اهتم بي يوم اهملني شهر اشعر بأختناق شديد يحل مشاكل جميع الناس ويساعد جميع الناس لكنه لا يشعر بي بما احتاج قد يكون طلبي شيء بسيط لكنه مهم جدا بالنسبة لي احيانا مجرد كلمة حنونة انسى بها الدنيا استغرب من علاقته مع البنات طول الوقت معه واذا رجع البيت او طلعن مشوار بيتصلوا فيه واذا زعلت ما بيعجبه ليش ازعل او اعترض بحكيه انت بترضى مع زميل الي في الشغل بهالوقت او بهالطريقة برضه ما بيعجبه ما بعرف يمكن كلامي مو مرتب لكن انا مخنوقة بأستغفر وبدعي حاولت افهمه انه انا بحاجة بجنبي انه انا تعبانة نفسيا لكن عالفاضي كأني بحكي مع حالي دوامي 8ساعات ما بيفكر ولو مرة يرن يطمن علي او يسأل عني مع اني فهمته اني بحب هالشي منه سألته كتير اذا انا مقصرة معه حكالي لا اذا انا لازم اغير شي في او نفسي حكالي لا بأختصار مشكلتي بتتفرع لعدة جهات عدم الاهتمام كلامه الزائد مع البنات بغض النظر عن نوع العلاقة الي بينهم الي احيانا بتكون صداقة واحيانا بتنمد لشعور اخر وبحاول اطنش مع العلم اني كشفته اكتر من مرة وهو بيعرف لكن كنت انهي المشكلة مشان ما اكبر الامور لكن انا بحس بتعب نفسي قاتل يمكن كلامي مجرد فضفضة لكن التعب الي في داخلي اكبر من اي شي والسلام ختام

في فترة من الفترات عاملته بأهمال وخبرته بها الحكي خبرته اني ما رح اسأله او اناقشه عن اي شي لا وين راح ولا وين اجا ولا وين هو وخبرته اني رح اعمل هالحكي مشان يرتاح وطلبت منه انه ما يعمل اي شي يجرحني ويحكيلي انه انا السبب وبالفعل نفذت هالحكي وهو اتغير لكن بعدها لو حكيت كلمة بطريقة غير مباشرة ما بيعجبه شكرا كتير ام انس للحظة حسيت انه كلامي مو مهم لانه ما شعرت انه حدا اتجاوب معي شكرا لاهتمامك

الله يفرج همك
لاتنسي سهام الليل فهو لايخيب
واكثري من استغفار ربك يجعل لك من كل ضيق مخرج ومن كل هم فرج.

شكرا اختي جمانة للاهتمام

شكرا لمن تجاوب معي وشكرا لنصائحكم الغالية وصدقا انا كتبت جزء مما اعنايه ولو اخبرتكم بأكثر لتهت بين الكلمات فالامور اكبر مما كتبت ولكني اردت ان افضفض عما يدور في داخلي ولو بجزء بسيط وانا حاولت مرارا وتكرار ان اجعله يهتم بنا وبالاطفال وشؤون البيت ولكن من النادر ما يهتم وانا خبرته قبل هيك انه انا وبيتي والاطفال مو من اولوياتك لانه على مستوى لو مرض اي حدا لازم انا الي اكرض على الدكتور بروح من شغلي بشتري اغراض للبيت بهتم بكل شي وهو شايف وحاسس لكن عند اقل تقصير لازم يعلق الله الوحيد العالم وهو الي بيفرج الهموم حياةالناس الي برة البيت اهم منا كتير علاقاته وصداقاته اهم من اهتمامه في وفي اطفالنا انا تعبت كتير بحاجة لانفجر ابكي اصرخ احيانا وانا اشية في الشارع ممكن ابكي من الضغط الي انا فيه شكرا مرة تانية لكل شخص اهتم بالموضوع

شكرا كتير اختي شذى وربنا يقدرني على هالشي