|
هل تقارب العمر بين الزوجين سلبي أحتاج نصايحكم وأرشاداتكم
السلام عليكم ورحمه الله وبركاته.... مااعرف للمقدمات .. لكن ببدا بااستشارتي اللي ان شاءالله بلاقي الردود اللي تريح وعسى ربي يطمنكم ويريحكم.... انخطبت من رجل يكبرني تقريبا بسنه بعمر 27 ... رفضت بالبدايه عشان سبب خاص لي مو عشانه ولكن ترددت من ناحيه العمر ... ولكن استخرت ربي اكثر من مره مع العلم اني رفضت تقريبا ثلاث مرات وسبحان الله يرجعون ويفتحون موضوع الخطبه من جديد.. وكل مارفضت ... فشعرت ان الموضوع خيره لي وانا توكلت ع ربي وتمت الموافقه ولكن يراودني شعووور اعتبره شعور شيطاني ..::11: من ناحيه العمر لاني كنت اتمنى شخص يكبرني بعشر سنوات .. كذا تفكيري وهو رجل نوعا ما يستحي بس مو بكل شي مادري هالصفه تعيب الرجل ولا لا .. مع العلم ان من يعرفه قال يميزه ان تفكيره اكبررر من عمره بكثيرررر وهو شاريني الحمدلله وامتدحوه بسماحه نفسه وطيبته ..ودينه متوسط .ولكن حريص ع امه ورضاها والله عايشه بنوعا ما بتردد وحيره مع اني بداخلي متوكله ع ربي واملي بربي كبير وانه مايخيب من استشاره ... واتمنى ان ارى راي الطرفين .. ومن اللي كان به تردد وخوف من شريكه وبعد الزواج تغير هالشعوور وهل تقارب العمر شي سلبي لاني كنت اقرا ان الرجل اذا كان اكبر من المره بكثير يدللها ويحتويها ويحبها ومن هالكلام اتمنى ارشادي وتوجيهي ونصيحتي من كل الطرفين .. ومن كل من خاض تجربه اسال الله لكن من يرد علي ويعطي استشارتي من وقته التوفيق في الدنيا والاخره والرزق المبارك من حيث لايحتسب ..... |
طيب لوو اقوولك اني انا وخطيبي بنفس العمر عمري 23 سنه وهو اكبر مني بس ب24يوم وش تقووولي...
احسه جدا عااادي وماافيها شي <<حلوو اننا نكبر مع بعض...:22: |
عسى ربي يجمع بينكم ع خير
مشكووره ياقلبي .. هوان شاءالله مافيها شي ولنا في رسول الله صلى الله عليه وسلم اسوه حسنه تزوج خديجه رضي الله عنها وعمرها اربعين سنه وهو ابن الخمس وعشرين ..وحبه لها يشهد به التاريخ ولكن اتمنى ان ارى تجارب من واقعنا لمثل هذا الزواج مره اخرى اشكرك من كل قلبي |
الله يتمم لك ياارب على خييير ولووووووو مايحتااج تشكريني....
|
أشوف ان ما فيها شئ
مادام صليتى استخارة وتحسى انك مرتاحة ومادام الناس مدحو فيه هيك على فكرة اذا كان جالك رجال أكبر منك بعشر سنين متل ما تريدى ممكن يطلع مو مثل ماكنتى متخيلاه فى الاول والاخر هاد نصيب بينى وبين خطيبى سنة ونصف الله يوفقك ويبارك فيكى وفيه |
لاتخلين هالموضوع هذا هاجسً لك
كثير قريت عن سلبيات وايجابيات الزواج بسن متقارب والنتيجه اتحطم علي فكره انا زيك خطيبي اكبر مني ب اقل من شهر واحد والتوفيق من الله مو بسبب عمر |
شاكره لكل من اعطاني من وقته
ومشاءالله كثير اللي مثلي اسال الله ان يجعل زواجنا زوااج ناجح وقره عين لنا ولكل من رد علي |
اقتباس:
|
مافيها شي خصوصاً أنك استخرتي، وبعدين انتم كلكم ماشاء الله بعمر الانسان فيه يكتمل عقله، يعني أنتم مو اعماركم 19 بحيث تقولي قد نفقد حسن التصرف
صحيح اللي لاحظته يحبوا البنات زوج يكبرهم بفارق خمس إلى عشر سنوات لكن سواء كان العمر فارق كبير أو قليل مو قضية، الأهم شخصية الطرفين والراحة النفسية من الشريك الآخر |
دآآم انه اتقدم لك اكثر من مره فلا تخلي الشيطان يبعدك القرار السليم حبيبتي ..
والخيره فيما اختارها الله .. اذا حسيتي براحه اقبلي على الموضوع لعله خير .. ودمتي بسعااده =)* |
| الساعة الآن 11:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©