|
وين اروووح والزمن كله جــروح ...!
السلام عليكمـ ..
من مشاركاتي القليله يمكن اغلب الاعضاء يعرفون معاناتي بمجرد مايشوفون معرفــي .. ياناااس انا تعبانه وربي يشششهد الحال الي انا فيه طلآقـي ترك بقلبي جرررررح عجزت اداويه لو تناسيت حياتي معاااه لحظه ارجـــع وهالحظه تصير ساعات وانا غرقانه بدموعي وحزني ماقدرت اسيطر على نفسي واحس كل شي اعاني منه هو بعد يعاني مثلي على انه تزوج من وحده اجمل مني ويمكن فيها صفات كان يتمنى تكون فيني .. انا ابغى افضفض اطلع الي بقلبي ............) كل ماجيت بشككي لوحده من خواتي صدت عني وقالت يالله انتي باقي بذا السالفه خلاص انسسي طيب انا ابغى اسولف ابغى اطلع الي بخاطري عشان ارتااح صرت اتجنب اشكي همي لهم صرت وحيده وكل ماجلست مع نفسي وقعدت حايره بين دموعي زاااد حالي سووء اصلي ركعتين واقرا قران وبمجرد مانتهي منها تجيني نوبة بكااااااء لدرجة احس نفسي بيتوقف يمكن الي اقوله واوصفه عن نفسي مايحس فيه احد مثل بالضبط لما اجلس مع اختي وابغاها تسمعني او تواسيني تقلي ككلمتين كلها استنقاص لي وتجبرني اسكت .. هنا بالمنتدى بعض العضوات ينتقدون تفكيري ليه افكر في طليقي ..!! طيب يااختي انا طبيعتي وشخصيتي غير عنك انا حبيته بكل مافيني .. عاملته بالمعروف كنت اقول ببالي هذا زوجي الين تقوم القيامه انا كذا تفكيري الطلاق كان شي ماهو ببالي ولاكنت اتوقع ان زعلي عند اهلي بيكون كذا نهايته تدخل والده الله لايسامحه ويجعل ذنبي برقبته ليوم الدين كان سبب في تفريقي انا ويااااه ولو احلف عنه حلفت ان ماله ذنب وانه مغصوووب على الي صااار لكن شي طبيعي اذا شاف انها افضل مني باشياء كثيـره راح يوافق ويبني حياته من جديد انا ماقدرت اتقدمم خطوه واحده باقي في مرحله انه راح يرجعني باقي بمرحله اقول فيها ان الي صاار كذب مستحيل يعرف وحده غيري ويرضاها تكون زوجه انا محاصره مشاعري مكبوته الكل ينتقد تفكيري انا كذا ربي خلقني وفيــه له حتى لو كان تخلى عني قد سامحته على ضروف اشد وكنت محتاجته بجنبي ومع كذا ماتغير شي من محبته وغلاتــه احتاج احد يفهمني ويتقرب مني مابغى اسلوب القمع لانه يزيد من انطوائي اكثــر .. كل ماتذكرت انه مع غيري اتعب وابكي واتمنى اروح له وابعده عنها اتمنى اني اقدر اغير كل شي صااار وارجع لحظه مارحت زعلانه واكون معااااه اتمنى اني ماعاد اعيش لحظه وحده بدوووونه ... االحين بلحظه الصبااح اتذكر جلستي ببيتي وكان يتصل هالوقت تطمن علي ويشاروني بالغداء يعني كل وقت يمر علي رابطه بذهني شي او موقف صاار بيننا واكره يومي وحياتي بدوون مايكون معاي يشاركني حياتي .. ياناااس افهموني وربي مازال حبه بقلبي وهو يحسبني نسيته احتــاج ان اترك الحياه كلها والله ماعاد بخاطري شي له طعم او فرحه من بعد مافترقنا : |
أختي الله يفرج عليك .
ما راح الومك ولا حد يقدر يلومك لأن هذا شعور قهري .. بقولك حاية وحده اعرفها .. تزوجت شخص تمووووت فيه ، حبته بجنون ،، كان كل يوم يجي يرميها عند اهلها ،، ويدعي انه مرريض ،، مسكينة كانت تصبر وتصبر .. إلى اخر مرة قال بيطلقها ,, اهارت وبكت وترجته ما يطلقها .. لكن طلقها ،، عاشت زي المجنونه موسوسه كل ماشفت حد تشتكي له و تتذكره ، وتسأل اي شخص ليه زوجي طلقني كانت قمة الجمال والأخلاق والتدين .. قاومت ودخلت دار تحفيظ للقرآن ، كانت تشكي للبنات عن زوجها ،، بعد سنة خطبها واحد لكنها رفضت على امل ترجع لطليقها .. اخوانها زوجوها غصب ، الحين ماشاء الله لا قوة إلا بالله سعييييييييييدة جدا وعندها بنت لأن طليقها السابق كان عاجز و بوضع مادي مممتااااااز .. وتتذكر طليقها احيانا وتحمد الله انه طلقها وانها مارجعت له .. أختى انتي مازلتي في الصدمة ، قاومي نفسك ، سجلي تحفيظ قرآن وعيشي مع الآيات بقلبك وفكرك .. و حطي املك بالله انه راح يعوضك .. والله والله والله بيفرجها عليك و تصير كل هالاحزان ذكرى .. تضحكين على نفسك لتذكرتيها .. ما انتي اول ولا اخر مطلقة مظلووومة .. |
حاسه فيك ماأملك لك إلا اادعاء الله يجبر قلبك ولايحرمك من السعاده الزوجيه
اكتبي لي روابط ققصك بالمنتدى ودي أعرف كل مواضيعك |
الله يفرج همك
عزيزتي هذا شي كاتبه الله والمؤمن ماله إلا الرضا والتسليم لأمر الله ولحكمه أختي الله اختار لك هالشي لحكمه وسبحان الله لو يعرف الإنسان الخير لأختار إلي أختاره الله له أختي الفاضله دايم افكر في أي شي يحصل لو مثلا تضايقت أقول هذا شي كتبه الله لي هل انا أحكم من الله أو أعلم حشا علمنا قاصر ولانعرف وين الخير فيه يمكن الطلاق بلاء من الله ويختبر صبرك وسبحان الله ممكن ربي أردا فيك خير بطلاقك (( إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ )) لاتتوقعين مصيبتك أكبر من المصائب أتذكر مره واحد نعرفه مات عياله الأربعه قدام عينه كانو في سفر والأم والأب في سياره والعيال في الثانيه صار لهم حادث ماتو شوفي وشلون الفجع مافيه شي أمر من فقد الولد كيف أربعه وحده ثانيه إصيب بفشل كلوي وبعدها أصرو أهلها بطلقها زوجها تطلقت ومرض وأهي في أول شبابها وقصص كثيره مصايب وسبحان الله الدنيا جبلت علي الكدر جبلت على كدرٍ و أنت تريدها *** صفواً من التنغيص و الأكدار حطي في بالك الدنيا هاذي ممر وليست مقر لأحد مااتوقع أحد عاناء مثل جدتي الله يرحمها فقدت أولادها تزوجت وتوفي زوجها وتزوجت وكذالك توفي والثالث وفقر وظلم وجوع عاشت الله يرحمها فوق التسعين سنه وماتت حطي في بالك مهما تعيشين راح يجي يوم تتركين الدنيا وأعملي للأخر والأخر خير وأبقي خلي عنك الدنيا كلها زائله أصلحي إلا بينك وبين ربك نتصلح دنياك ((من عمل صالحا من ذكر أو أنثى وهو مؤمن فلنحيينه حياة طيبة)) رددي هالأدعيه أكثري من ذكر الله لين تذكرتي طليقك حسبي الله لاآله الاهو عليه توكلت وهو رب العرش العظيم أكثري ربي مسني الضر وأنت أرحم الراحمين أو أحسستي بضيق قولي ربي أشرح لي صدري وييسر لي أمري أكثري من الإستغفار وذكر الله وخلي وقتك عامر بذكر الله والصلاه علي نبينا محمد وسبحان الله دواء عجيب في الهم حطي في بالك أنا مو أكبر الناس مصيبه قولي الخير فيما أختاره الله أرضي بالله وقضائه من رضي فله الرضا ومن سخط فله السخط لاتجلسين وحدك ولاتخربين أجرك بشكوا ولين بغيتي تشكين أفرشي سجادتك وأدعي الله http://www.youtube.com/watch?v=Y0CmWjkojPI وأختي الناس إلي تشكين لهم مايملكمون لأنفسهم لضر ولا نفع كيف أنتي أمرك كله بيد الله وأهو علي كل شي قدير ((قُلْ لَا أَمْلِكُ لِنَفْسِي نَفْعًا وَلَا ضَرًّا إِلَّا مَا شَاءَ اللَّهُ )) وأكثري من (اللهم لا تكلني الى نفسي طرفة عين) الله يفرج همك وييسر أمرك ويفتح لك أبواب رزقه |
ياختي والله حاسه بشعورك بس هذا اذا فكرتي زين بتقولين انا مارضيت بقضاءالله وقدره الي تقلويننننه نصها احس فيهااا
اوصيك واوصيك انك تفكرين ان ربي بيفرجها لي قريب يما رجعنا لبعض او نسيته وعشت مع غيره باحسن حياه وانا الحين قهررررانه اني مابلعت طعناه حزني عشان القاها بالاخره لاني بس اشكي يعني افضفض والحين ربي يسر حزني وتعدا بس باقي بسيط وحطيت الكلام هذا براسي اذا ذكرت اقول الدنياء كلها ماضي لنا ليه اتعب نفسي وهو باعني وهو مستحيل نتجمع صدق الى بالجنه الدنيااااا ممر ليه اخلي عمري يروح وانا افكر فيه وهو نساااااااني ان شاء الله اكون افتدك لو بكلمه وربي يفرجها لك ويسعدك في الدنيا والاخره |
الله يفرج همك اختي تناهيد ..
شعووور طبيعي جداً.. وما تنلامين عليه .. وسيخف يإذن الله .. ولكن تحتاجين لبعض الوقت .. اختي :: ما تشعرين به هو بين جنبات نفسك ومهما حاولت وصف شعورك للغير _ حتى اخواتك _ فلن يفهموك .. والناس عامه لا يحبون الكلام عن الماّسي .. والتكرار الممل فيها .. فندما يقولون انسي .. فهم يقولون خلاص سمعناك بمافيه الكفايه ولم تهدأي ولم ترتاحي .. فما الفائده من الكلام .. فلذلك .. اوصيك بإن تعالجي نفسك بنفسك .. وذهاب همك من قلبك .. اي اشتغلي على نفسك .. اولاً .. اذكار الصباح والمسااااء لا تدعيها ابداً من او لها إلى اخرها ... ( كتاب حصن المسلم ) تهبك طمأنينه للنفس عجيبه .. كلمة الحمدلله استشعري عظمتها .. وقوليها في اضيق حالاتك .. ثانياً .. اجعلي لك كتاب ( كشكول كبير ) اكتبي فيه يومياً ما يجول في خاطرك من هم .. مع التاريخ والوقت ثم اكتبي ما عليك وما تتأملين من نفسك والخروج من هذا الهم .. وكوني واثقه ان الله ما كتب لك فهو الخير كله وانه قادر سيحانه على ذهاب همك في لحظه واحده .. ولكن اراد جل جلاله حب سماع تضرعك وعلو درجاتك عنده .. ثالثاً :: اقرأي الكتب .. إذا كنت من هواة القراءه .. ارسمي إذا كنت من هواة الرسم .. هناك كتاب (لا تحزن *)للدكتور عائض القرني.. سأكمل :: إذا فضيت بإذن الله |
حبيبتي تناهيد
دخلت أطل على المنتدى و أجبرني كلامك أدخل و أرد عليك شوفي حبيبتي هالي تكلمك مطلقة مرتين و فوق الثلاثين عمري ، يعني ما أكلمك من برج عاجي تزوجت مرتين و انفصلت ، كان الثاني منهم حياتي كلها ، طلقني بعد وعود و عهود إن الأمور بتزين و تكون تمام ، ظليت فترة مصدومة ، ثم بديت مثلك أحكي ، ما كان عندي أحد يسمعني كنت أكتب و أخلي الورق عندي ، و كل ما قريته صرت مثل الي تشفى جروحه و ينكأها ، مت موت لفراقه ، كنت مثلك أعيش ساعات يومي على ذكراه ، الحين كنا نسوي و كنا نفعل ، الحين هو كيذا ، كان يتصل كان يدق ، الجمعة أتذكر كل التفاصيل ، وربي بغى عقلي يخف ، عجزت أنساه . دخلت هنا و كتبت موضوع بعنوان مجرد فضفضة ، و دخلت وحدة و هزأتني لدرجة قالت لي : إنت جعلته إله !!! مشت الأيام فكرت ، قلت هو عايش مرتاح و أنا هنا أموت كل لحظة ؟!! طيب الحل ؟! شفت قسم ساعدوني و كانت ردود البليغ مميزة بالنسبة لي ، و لا يهونون الباقين بس يمكن تفكيره قريب من طريقة تفكيري ، استخرت و دخلت و كتبت مشكلتي بدون اهتمام و الله ، قلت على الله رد و إلا خلاص ، طلب مني أكتب له مشكلتي ، و كتبت أقسم لك بالله إني أدعي لهالأخ بصلاتي و هو ما يدري، لأني لما كتبت بديت أقلص مشكلتي ، أول شيء نصحني فيه أكتب كل إلي أحس فيه و أـخلص منه ، تقولين كلام فاضي أقول لك جربي ، و هذي طريقة معروفة بالتحليل النفسي لابد تحصل إزاحة للمشاعر السلبية شوي شوي ، ممكن تفرغينها بالشكوى لله أو الشكوى للبشر أو بالكتابة على ورقإذا تخلصت من تجاربك السلبية بيفضى مكان للجديد إلي إنت محتاجته ، موضوعي موجود و أخي الفاضل ما زال يتابع معي ، أتعب و أنتكس لكن مو مثل أول ، ثم الله عز و جل ما يبتلي الإنسان إلا بالي يقدر عليه " لا يكلف الله نفسا إلا وسعها " و كل بلاء باطنه رحمة ، و كل شيء يوجد صغيرا فيكبر إلا المصيبة تبدأ كبيرة ثم تصغر ، المعاناة لا بد منها لكنها ما راح تستمر طول العمر ! الحل أجتهد في التخفيف من معاناتي ، كل شيء يذكرني بالماضي أتركه و أنساه مثل المريض إلي يحتاج حمية ، و ترا يا عمري الناس تنفر من الي يظل يشتكي ، كل إنسان مهما كان عنده همومه ، حاولي تكونين بشوشة شوي ، مو مرة وحدة بس حاولي ، سوي القهوة و اجلسي مع أهلك زوري الناس اختلطي ادخلي تحفيظ تابعي البرامج اقرئي ، مو شرط أكون سعيدة عشان أبتسم ، لكن أبتسم لأني واثقة إن ربي بيخليني سعيدة ، و هذا مو سهل و إلا ما كان التبسم صدقة . حاولي يا قلبي لا يروح عمرك بالحزن الدنيا تمشي يا عمري و ما توقف على فراق أحد و إلا كان ماتوا الصحابة يوم توفي الرسول صلى الله عليه و سلم . و كلنا هنا أخواتك فضفضي يا حبيبتي بالي تبين و كلنا معك ، المهم تحاولين تساعدين نفسك ، و بتكونين بخير ، و بتنظرين لنفسك باعتزاز إنك تجاوزت أزمتك ، و ربي يسخر لك الي يملك قلبك و تصير كلها ذكريات . أتمنى ما أكون طولت عليك و أتمنى كلامي يدخل قلبك قومي الحين غسلي وجهك و صلي ركعتين و اقرئي ألم نشرح و تأملي قوله تعالى " إن مع العسر يسرى " و ربي معك يحفظ بكل وقت لو احتجت شيء لا يردك إلا كيبوردك !! استودعتك الله نسيت أقول لك : أكثري من حسبي الله و نعم الوكيل على لسانك على طول و الاستغفار و قولي اللهم آجرني في مصيبتي اخلفني خيرا منها |
أختي تناهيد الأخوات ما قصروا
وأخواتك يبونك تنسين وتعيشين لنفسك وفعلاً لازم ترضين بقضاء الله وقدره الأخت آفاق المجد جزاها الله خير كلامها صحيح طبقي ما قالته وخصوصاً أنه عن تجربة منها الله يزيح مافي نفسك من هم ويقنعك بما آتاك ويرزقك |
اذا رجعتي كتبتي نفس الموضوع ما راح تلاقين رد ؟؟؟؟
الا وحده عابره اول مره تقرء موضوعك ؟؟؟ لكن الله يسمعك كل يوم وينزل الي السماء السابعه كما يليق بجلاله ويقول هل من مستغفر واغفر له هل من سائل واجيبه وقادر ينصرك ويفرج همك انا اول ماتطلقت كنت اضرب على صدري من حر الألم والحزن ....وأركض لدورت المياء اتوضاء وينطفي كل شي راحت الأيام ...الحين ابي اتزوج الي ابيه انا ويقدرني واعيش سعيده معه ..ونعيش في تبات ونبات ونخلف صبيان وبنات اختى ؟؟؟؟؟؟ اسمعي بلا عواطف زئفه هو طلقك بكامل قواه العقليه وتزوج قندهاريه بعدين لا تدورين اخباره انتي تبين تنجلطين من يقعد يشيل فيك ويحط اهلك ناقصين لو اخباره انه مهو مرتاح ؟؟ المغزا انت وينك عند اهلك عايشه يعني مهو معه ؟؟ عشان تفرحين ؟؟؟؟؟؟؟؟؟؟؟؟؟؟؟؟؟؟؟؟ بعدين خلي عني ابوه غصبه انتي تتكلمني عن مشاعرك انت وتجاوبين عن نفسك انتي هو داده ولا بزر ولا مراهق ولامجنون وابوه وصي عليه تبين تحبينه حبيه الحب ببلاش ..لكن لا يكون الحب عائق لك في حياتك ويجيب لك الهم والغم اليد اذا شكينا منها ولا لها علاج قطعناها اقطعي تفكيرك فيه الله يقطع شياطينك عنك ... قاعدين فوق راسك يذكرونك ويحزنونك اقهريهم وانطلقي بس لا تصدمين في جدار سلام |
عزيزتي تناهيد الحكي
راح اكتب نفس الكلام بس سابقتني نوارني بكتابته تقبلي الواقع كماهو وارفضي الماضي و اشتري نفسك وصحتك وسعادتك واشغلي نفسك بالامور تنفعك في الدنيا والاخر وتنسيك اياه وطنشيه وخليه با الهامش ولا تدوري اخباره هو له حياته وانت راح تكون لك حياه يمكن افضل واحسن منه بس ساعدي نفسك شوي ..قوي علاقتك مع ربك اكثري من الاستغفار وادفعي صدقات .. هو بيعك لاتقولي مراهق او طفل هو كبير يفهم .. فكري اشوي اذ هالحين ماحد يرضي يسمعك لك وانت بصحتك .. هل راح يشلونك اذ جاتك الجلطه ويتركون حياتهم علشانك:( ...؟! |
| الساعة الآن 03:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©