|
هل ينسى اساءتي اخي؟
السلام عليكم
قبل كم شهر كنت حامل،وانا في الحمل تتعب نفسيتي ويأتيني وحم شديد مااطلع الا لازم آكل حبوب الوحم وتزداد عصبيتي وسريعة البكاء المهم اني اتنرفز لاتفه الاسباب كنا مجتمعين انا واخواتي واخي وامي اخي اكبر مني بسنتين وهو القائم علينا بعد وفاة والدي رحمه الله ودائما نختلف في الرأي لكن نحب بعضنا وهو عصبي ولايحب احد يناقشه وهو صح والناس خطأ ويريدنا ان نعامله كوالد لنا،،،،، المشكله ابني كان يريد اللعب في مكان ما وهو يرفض ويأمره ان يغير المكان كذا مره(لاحظت عليه مايتقبل ابني) نرفزت وقلت له اترك الولد يلعب وكلمه مني وكلمه منه وارتفعت اصواتنا وانا والله العظيم حتى مع عصبيتي بس اناقش في الولد واسلوبه ومعه اما هو تطاول بالكلام وصار يسبني ويسب زوجي وولدي ويتكلم عني انا بكلام سيئ وشوي ولايضربني حتى اهل زوجي تطاول عليهم وبيطردني من البيت انا عصبت ورديت عليه كل ماسبني ارد عليه وقمت وطلعت برا ويوم طلعت جلس يدعي علي وهي تدخل بحياتي ومعذبتني؟ (يقول اتدخل بحياته عشاني مره ارسلت له اذكره بأمي) امي تعبت نفسيتها ومن بكره جمعتنا وصالحتنا وانا بكيت والله مافي قلبي شي عليه ومستحيل ادعي عليه لويقطعني ولااتمنى له الشر ودائما اي مشكله يتكلم عن افضاله علينا! وبعد مارجعت لبيتي ارسلت له رساله وضحت فيها اللي في خاطري وان اللي صار من الشيطان وانه تاج راسي وتدخلي اللي يقول وضحت له ان مافيها شي نذكر بعض بأمنا وافرح اذا ذكرني هو وارسل لي هو انه بعد غلط وتصالحنا وصرنا عادي نع بعض سؤواااالي انه اخوي ماينسى الاساءه واللحين معاملتنا مع بعض محترمه بس دائما ضميري يؤنبني وعجزت انسى السالفه والحمدلله انا من النوع اللي مااحقد واسامح بسرعه ومقهووووره اني تهاوشت معه بس والله في الحمل اعصب غصب عني،،،،، تتوقعون نسى؟ ووش التعامل اللي يخليه يتغير وينسى اللي صار |
السلام عليكم
حسب نوع علاقتكم مع بعض أول هل هو كان يحترمك كثير ويحط لك مكانه وهيبه ؟ هل كانت بينكم خلافات سابقه ؟ هل انتي في مكان الأخت الكبيره فعلاً يعني انتي عاقله وحكيمه لسانك بالعاده طويل ولا صوتك ما يعلى على حسب ترا انا مثلاً اختي الكبيره لها مواقف معي من سنين وتبين الجد احس مستحيل انسى على انها اكبر مني ب 11 سنه ومتزوجه وعندها عيال بس في قلبي عليها اشياء واشياء ما صرت احترمها مثل اول وصرت عادي انتقدها واهاوشها اول لا بسبب تصرفاتها بس اتوقع موقفك مع اخوك ان شاء الله انه بينساه وتصفى القلوب بس انتي هنا يجي دورك في احترامه والدعاء له والكلام الحلو انت اخوي والله لايحرمنا منك وانت وانت ... إلخ الله يصلح احوالكم واحوال المسلمين |
اشكرك اخ غريب على ردك
اخوي هو اللي اكبر مني بسنتين وعشان فارق السن البسيط اللي بينا نمون على بعض وانا بطبعي مرحه واحب التعليق والمقالب وعادي دايم نعلق على بعض بس اكتشفت انه يبينا نعامله معاملة الاب مثلا نناديه ياابوفلان! ونسلم على راسه انا لساني طويل صراحه مو قلة ادب لاوالله بس طبعي كذا الان نتعامل حلو مع بعض بس انا متعبني الموضوع. |
اختي انتي ذكرتي السب اللي وجهه لك
ولكن ماقلتي ايش الكلام اللي قلتيه له |
الله يصلح احوالك مع اخوك
لكن نصيحة اخ لأخته أقبح صفه في المرأه سواء كانت زوجه او اخت او غير ذالك اللسان الطويل فهي تذهب انوثتك ويكرهك الرجال ولايرون فيك الحنان والعقل يرونك مجرد مراهقه يلعب في رأيها أفكار مراهقين حتى ابنائك لاتحاولين ترفعين صوتك عليهم لان ماله اي فايده انتبهي لهالنقطه شكراً |
هذا اخوكي من امك وابوكي
دم واحد ما تخافي اذا ينجرح اصبعو شو رح تعملي اكيد رح يطير عقلك وهو كمان رح يكون على اعصابو وقت تكوني عم تولدي خلاص ثافيه لبن حليب يا قشطه على قولة اخوانا ا المصريين وبعد خمسين سنه وترجعو تتزاعلو من اجل الاولاد رح تذكرو بعض ووقتها يكون الشيطااان لاعب دور الله يحف لك اخوكي زيدي الابتشامات شويه عليه والغناج وبطني واسندي يا اخي ما قادره امشي الله يخليلي ياك وما حرمني منك انت سندي بعد الله سبحانه وتعالى |
اشكركم ع الردود
الان نتعامل عادي مع بعض ونسولف كأن شيئا لم يكن لكن في داخلي هالاحساس والندم مع انه مايعترف بخطأه بعكسي تماما اعتذر واندم ومااحب الهجر واحب المصارحه كل واحد يقول اللي بخاطره ويرتاح اما عن كلامي له قلت لكم البدايه كنت اتكلم عن الولد وطريقته معه ولاتطرقت لشخصه لانه اخوي اللي يسبه يسبني وبعد ماصار يتلفظ بالفاظ شينه ويسب فيني وفي عيالي وزوجي واهله! ردي كان دفاع وهم مالهم دخل بالسالفه بس اعترف كان صوتي عالي حتى اخواتي كانوا حاضرين الموقف قالوا كلامه كان قاسي وجارح وانتي صوتك عالي،،،،، تصدقون قبل في موقف يرسل لي دعاوي علي والله اني ماتجرأت ادعي عليه ولااحب احد يتكلم فيه ولو يصير فيه شي انهبل وحز في خاطري انه يدعي علي! المهم تتوقعون مافي خاطره شي؟ |
انتي غلطتي وهو غلط .. انتم متساوون اذاً
لا تحملي نفسك فوق طاقاتها ،، وتكثري من لومها ..! |
الله يجزاك خير انا عارفه ان الخطأ مشترك
مشكلتي هالنفس اللوامه،،،الله يصلح الاحوال لاتحسبوني شرانيه لاوالله قلبي طيب واخواني يسوون عيوني بس مشكلتي مااقدر اصبر اذا شفت شي خطأ واقولها بوجه الواحد واكثر شي اذا حملت،،الله يصلح الاحوال. |
اراك من الاشخاص الذين يتصفون بسرعة الغضب وسرعة الرضى...وهناك من هو سريع الغضب بطيء الرضا ..وهناك من هو بطيء الغضب سريع الرضا والاخير هو من بطيء الغضب بطيء الرضا... وهو مذكور على اساس انه حديث مختلف في صحته والله اعلم.... ومن المحال ان تحقد اخت سوية على اخوها او العكس حتى وان غضب اخوك او تحامل عليك فغضبه على سلوكك وليس لذاتك شخصيا ... بس تصل لدرجة الدعاء فهي صورة تعبر مدى عمق غضبه وجهل بفداحة ما يفعل فلزم ان تنبهيه بالحوار واذا دعى قوليلو الله يسامحك ما اتوقعك تدعي الا على عدوا طريقة التعامل معه كاخ مسؤول انتقي كلماتك واسلوبك وحتى عندما منع ابنك من اللعب تقدري تتدخلي مثلا بان تقولي لابنك قول لخالك ممكن العب هنا ..بحيث ما يكون التصادم شخصي بينك وبينه واظهريله الاحترام كعادتك والايام كفيله بان ينسى الاساءه لانك تكوني اوجدتي سلو كيات يقرها ويحبها وجل من لا يخطيء واذا حامل قللي زيارات وتقومي بالسلامه يارب |
| الساعة الآن 05:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©