|
لم أستطع نسيان كلمة اخي الجارحة
ما ادري يمكن يعتبرها البعض مو مشكله وهي في الحقيقه كلمه جارحه قالها لي اخوي ومو قادره انساها صار لي كم شهر وانا بس ابكي لاني ما واجهت اخوي وقلتله ليش ؟؟؟؟؟؟ انا معروفه عند اخواتي واخواني اني اقول اللي بقلبي ما اخبي شي والحمد الله علاقتي باهلي حلوه وكثير منهم يفضض لي وعمري ما شلت بقلبي على احد وحتى لو انجرحت اقول الله يسامح وانسى بس هذه الكلمه مو قادره انساها وو مو قادره اقول لاخوي ليه تقول كذا ؟؟؟؟ حسبنا الله ونعم الوكيل ....... والله ماني عارفه ليه ماني قادره انسى
|
استهدي بالله
اسئالك حس انك زعلانه ام مازالت علاقتك به جميله وعاديه هل حاول انو يلفت نظرك انو عم يراضيكي هل احضر لك هديه هل يتجاهلك او تتجاهلي الكلام معه ما تبكي اساليه ساعه شيطان وراحت لحالها اخوكي مهما كان رح يفضل اخوكي شكلها كلمه قاسيه طيب شي يوم جرحت نفسك بالغلط ووجدتي لهفته عليك امك او احد اخوتك احس انك تعبانه نفسيا ولفت نظره او انتي لفت نظر احد انو تشيلي بقلبك هيدا غلط تجيبي لنفسك السكرر والضغط |
قال كلمه جارحة ..
يعني الشيء ماضي .. مهما تضايقتي وزعلتي وبكيتي وتكلمتي وووو ... الكلمه أنقالت وخلآص .. وش رآح تغيرين .. آجزم أن الكلمه اللي قآلها لك " مو موجوده فيك " يعني م قال شيء حقيقه .. وآكيد قالها وهو معصب وبالحآله هذي المفروض م تآخذين بكلآمه .. لو الكلمه دائماً يرددها عليك وبكل حآلاته ؟!! كذا يكون معآك حق تتضآيقين .. ونقول قآصدها ومتعنيها .. إضافة بسيطه .. إن 5% من آلامنا يسببها الآخرون بينما 95% منها نحن نجترها ونغيرها ونزيدها من خلال المعاناة والتمادي في المشاعر السلبيه لذالك أحزن وخف وتألم لكن إياك ! أن تتمآدى وتطول وأنت تستطيع إيقاف تلك المشآعر دمتِ بخير والله يوفقك بكل خطوه تخطينهاا .. |
فعلا كلام الاخت ناثرة الورد صحيح
ربما قالها اخوك عابره وبدون قصد حتى انه ماجا في باله انك زعلتي منها ولو احد نبهه على زعلك ممكن تلاقين ردة فعل ايجابيه لازم ناخذ في بالنا غفلة الرجال بصفه عامه عن مراعاة مشاعر النساء لان لهم الجهل الكبير في مثل هالامور فحاولي تلتمسيله عذر اذا كانت غير مقصوده اما اذا كانت مكرره في اكثر من موقف فمايمنع انك تبينيله زعلك واذا حصل نقاش حاولي تكونين اكثر حنيه وعطف حتى لاتخدشي علاقة الاخوه لانه لو زعل اخوك وحط علامة تعجب امام شخصيتك بيش تنمحي وصدقيني راح تتعبين حتى ترجع المياه لمجاريها |
شكلك حساسة وماترضين أحد يغلط عليكي لأنك ما تغلطين على أحد
أكيد الكلمة قالها وهو معصب ما كان يقصدها سامحيه وخلي قلبك طيب علشان هو أخوك الله يهدي النفوس |
صدقيني اكيد مايقصد لان الانسان في ساعة الغضب
مايدري وش يقول ،،وهذا اخوك مهما كان وتذكري حسناته ومواقفه معك وبتنسين لواكتب لك الكلام اللي قاله لي اخوي في مشاده كلاميه بيني وبينه ماتصدقين وبيهون جرحك ومع ذلك والله مسامحته وماشلت في قلبي عليه ويسوى عيوني هذا اخوك مهما حصل سندك في الحياه لايفرقكم الشيطان. |
اقتباس:
جزاكي الله خيرآ اختي |
اقتباس:
جزاك الله خيرآ |
اقتباس:
يمكن تكون الكلمه ما يقصدها لكنه ما وزنها يا اختي لو قالها لي بوجهي اهوون كثييييييييييييير من انه يقولها لغيري توصلني ؟؟؟لو سألني ؟؟؟ يقول شي ما يعرفه ؟؟ ما راح اناقشه ويضل اخ اكبر مني وله التقدير والاحترام وهو اللي راح يتعب مو انا لان العلاقه ما راح تكون زي اول كان يستشيرني في اشياء كثيره الان تغير كل شي جزاك الله خيرآ |
اقتباس:
والله ادري انه اخوي وما اقدر انسى مهو بيدي ولو اكتب لك وش قال تقولي هذه اخ يكره اخته والله يصلح حالك وحال اخوك وحالنا وبحياتي كلها والله ما حصل مشاده كلاميه او خصام او رفع صوت بيني وبين اخواني وحتى لو اختلفنا نتناقش بهدووووء جدآ ونتصارح بس هالكلمه ما توقعتها وانصدمت منها لانه اغلى اخواني عندي ونفسي اقول له ليه ؟؟؟؟؟؟؟ ليه تقول عني كذا ؟؟؟؟؟؟؟بس وماني قادره جزاك الله اخيرآ اختي وربي يوفقك ويوفقك الجميع |
| الساعة الآن 09:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©