|
المطلقآت تعآلوآ شوي .. !
السلام عليكم ورحمة الله وبركاته أسعد الله أيامكن بكل خير أنا لي يومين محتآره ومتضايقه من مستقبلي أنا تطلقت وأنا عروس والحمدلله وعسى ربي يعوضني ويعوضكم خير وتقدم لي شخص مطلق .. ورفضت طبعآ ماني قآدره أتخيل نفسي مع رجل آخـر وصرت خايفه كثييير ( يمكن تكون وساوس شيطان ) بس والله لي يومين ونفسيتي تدمرت بسبب الشخص اللي تقدم لي مافيه شي بس ماني متقبله الوضع إني أتزوج رجل آخر .. ! متخوفه بشده من المقارنات بسأل اللي تزوجت بعد طلاقهآ الأول ! كيف تشوفين زوآجك الثآني ؟ وهل تقارنين بين زوجك الأول والثاني ؟ هل حبك لزوجك الأول آثر على حياتك الجديده ؟! أنـا خآيفه بشكل ماتتصورون من التجربه الثانيه لأني لازلت أحب طليقي وحاولت أنسآه ماقدرت الا حبه يزيد للأسف ! لاتقولون لي أنسي طليقك وعيشي حياتك لاني إن شاءالله بحآول أنسآه وكل هـ الكلام أعرفه والحمدلله قدرت أتعدى هـ المرحله بس نفستي تدمرت بعد الخطبه الجديده بس قولوا التجربه الثانيه ... كيف ؟ وكيف تأقلمتي معهآ ؟ فيني خوف مو طبيعي طمنوني ياحبيلكم خصوصا اللي جربت الزواج الثاني .. وهل أنتي مبسوطه ؟ هل تحسين أن ربي عوضك خير بالتجربه الثانيه ؟ هل نسيتي تجربتك الأولى ؟ طبعآ أنا مطلقه بدون أطفآل ... << بيني وبينكم تمنيت طفل من زوجي الأول على الأقل أطلع بشي من زوآجي الأول ويونسني بس طلعت من ذآك الزوآج عذرآء :d وأبي تجربه اللي مطلقه بدون أطفآل مثلي قدرتي تنسين بسهوله لأنك ماعندك أطفال من زوجك الأول ؟ |
أسال الله أن يرزقك من واااسع فضله ويغنيك ويجعلك من السعداء ويعوضك ربي خير
تفائلي بالخير وبتحصلينه ياغاليتي ادعي ربك وانتي متيقنه بان الله سيجاب دعائك ووكلي أمرك لرب العالمين ولاتجهدين نفسك بتفكير أو الخوف من المستقبل تقبلي كل شئ برحابة صدر وأكيد أنتي طلعتي بتجربه راح توعيك للحياة بشكل أكثرر أسال الله أن يوفقك ويكتب للك الخير |
ويآك يآبعدي اقتباس:
الله كريم بس خآرج عن آردتي التفكير بشكل كبير هـ اليومين والخوف والحمدلله تجربتي الأولى فهمتني أشيآء كثيره بالحياة .. بالتوفيق لي ولك |
اقتباس:
بس بغيت اسال كيف تنخطبين وانتي توك مطلقه خصوصا ان زوجك رجعك بعدين سافر بعدين جالس يفكر في طلاقك يعني الشغله مي مفهومه تحياتي |
على فكرة ما ادري اذا كتبت لك هذا الراي في مواضيعك القديمه
ان عندي احساس انك بتطلقين وانك بتنسين زوجك الاول وبترجعين تضحكين على ندمك على زوجك الاول مادري ناسي احس بديت افوت في هالمنتدى تحياتي |
اقتباس:
بلعكس منور الموضوع أخوي ليـه .. اللي توهـا مطلقه مـاتنخطب ؟! الحمدلله مافيني عيب وطلاقي مو عيب وهذا رزق مـن ربي .. ايه ورقه طلاقي عند الأفتآء بالرياض آلآن لأنه طلقني بعديـن رجعني وهو آسآسآ الطلاق طلاق بـائن وجودهآ بالافتاء فقط لأجل تحليل الطلعه .. مع أمنيآتي بأن ربي يكتب لنا رجوع طبعآ اللي يتقدمون لي مايعرفون سآلفه اللي صآر يعرفون أني تطلقت وبس .. أنـا أملي بالله كبير بأنه يكتب لي الخير سوآء رجع طليقي أو تزوجت غيره أنا أتمنى يرجع طليقي وحياتي ماوقفت عشانه ( بس أنهآ نآقصه بدونه ) وأنا جالسه اشوف الفرص الأخرى لي وأفكر بحيآتي .. كيف بتكون مستقبلآ ؟! |
اقتباس:
فعلآ تذكرت ردك لي بموضوعي الأول بس بيني وبينك للحين زوجي الآول مانسيته عسى ربي يقدرني على النسيآن |
حبيبتي احنا الحين بااياام فضيله لاتفوتينها اكثري فيها من الدعاء والاستخاره ووكلي امرك لربك مع اليقين التاام بان الخيره فيما يختاره لك
واسئلي عن الخاطب ولاتضيعين فرصك لانه ماراح تخرجين من همك إلا بالزواج الثاني ولا حتجلسين تفكرين فيه للابد حبيبتي لاتجلسين اسيره رجوعه لانه لو يبغاااك ماطلقك من البدايه كاان حافظ عليك واحمدي الله انك خرجتي من هالتجربه بلا اطفال والله اني عندي ولد ضايق خاطري على شانه كل مافكر في مصيره واتمنى الزواج لاكن احسه صعببه وولدي صغير لازم استنى لين يكبر لانه بحاجه رعايتي الحين والله يكتبلنا اللي فيه الخير |
انت ِ مطلقه جديده واكيد خلصت ِ العده دامك ان اخطبتي ..
بس ماادري ليش محسستني وكأن زواجك الثاني حاليا امر إلزامي ..!؟ الامر مايستدعي كل هالحيره .. نفسيتك مومستعده الان اذا بكل بساطه يرفضون حتى تتحسن نفسيتك وتتأهلين من جميع النواحي للارتباط من جديد.. عن نفسي مش مستعده ارتبط باحد قبل سنه او سنتين .. اقلها ابغى امشي شوي بدراستي.. وفيه امور لساتني مخلصتها ولا رتبتها .. والزواج عطاء ومسؤليه .. مو تعالي جيتك ... ولا ابغى اظلم نفسي ولا اظلمه هومعي .. موفقه .. |
وتحلو الحياة - الله الحمدلله إني طلعت من تجربتي الأولى بدون أطفآل بس خليهآ على ربك والله يخلي لك ولدك ويعوضك ويعوضني خير اقتباس:
بس أشوف أن التفكير بالزوآج مبآشره بعد الطلاق شي صعب والأختيار الثاني بيكون شي صعب بالنسبه لي .. وهذا اللي مخوفني ومتردده عشانه وغير كذا الخاطب مطلق .. ولافكرت أبد يوم من الأيام بأني أتزوج مطلق متخوفه من الزواج من رجل مطلق ( خوفآ من المقارنه بين طليقته ومن أرجآعهآ مستقبلآ ) الرجل المطلق خايفه منه ! مافيه شي أعرف وهو رجل كـ غيره من الرجال بس بالنسبه لي أنا مقلقني موضوع المطلق |
| الساعة الآن 07:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©