|
الشبكة وما أداركَ مالشبكة :)
كنت اتصفح بعض المواضيع في هذا المنتدى فوقعت على موضوع يتحدث فيه صاحبه عن هدية سيقدمها أيام الشبكة، وذكر سلسال معين سيهديه، ثم جاء هجوم عليه من قبل البنات مع مليون علامة تعجب من قبلهن ووصفنه بالبخل وإلى آخره لدرجة أن بنت قالت بما معنى كلامها ممكن أن تتنازل عن الدبلة وعن حفلة العرس إلا الشبكة << وش جاهم العالم :d
عموماً قبل لا أحط الرابط، أبغى أشوف ردودكم في الشبكة ونوعيتها وطقوسها ولماذا هي مهمة، حقيقة في عادات زواجنا لا توجد لدينا هذه العادة، لدرجة يوم شفت الردود اللي تعبر عن أهمية الشبكة حسيت أني عايش لحالي وأني بعصر الجاهلية :25: ، رغم أننا نعيش في المدن من مئات السنين، يعني الموضوع مو متعلق بجهل أو زي كذا، ورغم أني أدرك أن خطيبتي على حسب ظني أنه ليس لديهم هذه العادة كما هو حالنا، ولكن أخشى أن تكون لديهم ويستغربون أني ماقدمتها يوم الملكة ( والله يامجتمعنا أنواع الطقوس والتعقيدات :26: ) ، صراحة أحب أعرف منكم إذا هالعادة عندكم ولا لا ؟ بالنسبة للدبلة صراحة أنا يهمني البسها خطيبتي ( رغم أنه يمكن البعض يقول حرام وتشبه بالنصارى، لكن في رأيي ونيتي أنه لاعلاقة بالتشبه إنما لاحساس وخصوصية هذا الخاتم على أصبعها، ولأنه خصوصاً هنا بامريكا لما يشوف الواحد الوحدة عليها خاتم بأصبعها الأيسر يعرف أنها متزوجة ) لكن السؤال متى ألبسها الدبلة، أول ماخطبناها سألتني أختي إذا تبي نلبسها خاتم مادري نشبكها لكن قلت لها لا لأنه مو عندنا العادات هذي وأخشى أنهم أيضاً يستغربون لو قالت لهم أختي، لكن نرجع للسؤال هل بعد المملكة ألبسها؟ أو ليلة الدخلة ؟ شخصياً أفضل يوم الدخلة لأنه سيبقى في أصبعها طول الدهر ويذكرني بأجمل لحظة ولأنه بمناسبة عظيمة اتمنى تتحفوني بآرائكم وسأكون ممتناً لكم . . وعلى فكرة هذا هو الرابط اللي قلت لكم عليه http://www.66n.com/forums/showthread.php?t=176739 والسلام عليكم |
:* لكل عائلة ولكل مجتمع أعرافه وتقاليده وحسب مجتمعك والعائلة التي تنحدر منها نحن عندنا ضرورية الدبلة ويلبسها الزوج والزوجة وليس تشبهاً باليهود ولكنه عرف ساري لدينا ومن عرفنا الدنيا وهالأمر أشوفه بين أهلنا ومجتمعنا الذي نعيش فيه ومنطقتنا :* والشبكة ايضاً:أمر هام عندنا بعد عقد النكاح (الملكة) تقام حفلة صغيرة يلبس فيها العريس عروسته الشبكة قد تكون طقم رئيسي ومعه أطقم أخرى وهدايا متنوعه كلاً حسب إمكانياته وأعراف مجتمعه وطبعاً يلبسوا الخواتم في هالمناسبة وهناك:عوائل الشبكة جداً بسيطة وهناك عوائل الشبكة مبالغ فيها وهناك عوائل :الشبكة معتدله والأمر راجع لإمكانيات العريس نفسه لكنها شيء مهم معنوياً للفتاة أنا شبكتي من أعز الأشياء علي ولا أفرط فيها أو أفكر ببيع أحد الأطقم أو الهدايا التي جائت معها لأنها تذكرني بأيام جميلة لا أريد أن أنساها وعندما تكبر بنتِي بإذن الله سأكون سعيدة بالجلوس معها ولأقول لها: هذه هدايا أبوكِ لي يوم الملكة :* الله يوفقك ويهنيك ويتمم لكم بخير :* |
شكراً لكِ سيدة الموقف على هذا العرض الجميل والوافي، أسأل الله أن يتمم علينا، وأن يجمع بينك وبين زوجكِ بخير، وأن يجعل ابنائكما صالحين تسر أعينكما بهما في كل حين
|
اذا عاداتكم ماتعطون البنت شبكة ولا ذهب
تأكد انك اذا ماعطيت , ماراح تنقص في عينهم , ولا عليك عتب ولا ملام , لكن اذا عطيت , بتزود وبتكبر ولك الخيار انا وجهه نظري امش على العرف اللي ماشين عليه جماعتك افضل لك , خصوصاً اذا لك حسابات مالية معينة , لان الحريم اذا عطيتهم ياتعطيهم على سنع يا ماتعطي احسنلك ــ<< هذي حكمة حطها ببالك ههههه واجمالاً تأكد إن البنت واهلها عمرهم ماراح يؤاخذونك الا اذا قصرت في العرف السائد عندهم مع كونك قادر ومن ناحية خوفك اذا هالعرف عندهم اولا , تقدر تستفسر , ولو بطريقة غير مباشرة , عن طريق الاهل والاصدقاء بالنسبة لموضوع الدبلة , انا ما افتي فيه لكن هو بروتوكول شكلي عندنا , عكس ماهو رباط مقدس عند الغرب تأكد ان زوجتك بتكشخ فيه اول الزواج ثم مصيرة الكومدينو هههههه عكس الغرب او بعض الدول العربية ,الخاتم يمثل اعتقادات معينة عندهم , اذا انفصخ الخاتم معناها فيه شيء لذلك ما اشوف فيها شيء دام مافيه اعتقاد معين , والاعمال بالنوايا , وانا لا افتي لكن وش المانع تفرح قلبها بدبلة محفور فيها اسمك واسمها وتاريخ العقد ـــ<< من جوى لاتنسى بالنسبة متى تلبسها ياها مادام ماعندكم شبكة ولاملكة اقترح عليك تلبسها بالصباحية , تلبسها اياها مع جو شاعري بتستانس ههه او اذا حاب فترة الملكة في وحده من هالزيارات تفاجئها بالدبلة لكن لاتفكر تطلب من اهلها انك تلبسها ياها في يوم الملكة او كشبكة لانهم بيفهمون انك تبي تجيب شبكه كاملة (طقم كامل ) وتلبسها , لانه ببساطة ماقد احد شبك خطيبته بخاتم فقط حاجة اخيره بالنسبة للرابط اللي حطيته انا ماقريته كله لكن يبدولي ان اللي ردوا فهموا الاخ غلط صاحب الموضوع يبدو انه مثل نظامكم يعني ماعندهم لا شبكة ولا دبلة ولا غيره وحب انه يقدم سلسال كعربون موده من نفسه وشكل اللي ردوا فهموا ان هذي الشبكة اللي بيقدمها وانتقصوها اخيراً انا احس ان فكرة الشبكة والملكة مب واضحه بالنسبة لك اذا هالشيء صحيح , مو مشكلة نوضحلك طبعا حسب عاداتنا (حاضرة نجد ) والله يوفقك ويسعدك مع زوجتك |
,,, مممممممم هو مهم بس ما يبالغ فيه المفروض مادري نحن عندنا بعد مستوي من الروتين :d بس حد وايد يبالغ فيه ويهتم فيه بزيادة وحد عادي يعني معتدل هو الأفضل ان ما يبالغ فيه الله يسعدك ..~ |
اذا كان العرف عندكم ألا تُقدم الشبكة فلا تُقدمها وإن كان في استطاعتك تقديمها ، فلا بأس من إسعاد قلب زوجتك بما يتناسب مع ميزانيتك .. بالنسبة لنا تُقدَّم الشبكة والدبلة في حفلة الملكة ويُلبسها للعروس إما والدة العريس أو العريس بنفسه .. مع هدية لوالدة العروس وبعض العطورات والهدايا الأخرى .. عمومًا .. إذا لم تكن من عاداتكم لا شبكة ولا دبلة فاختر ما يناسبك من توقيت في تقديم الدبلة .. وفقكم الله ~ :: |
عندنا العريس يلبس عروسته الدبله يوم الملكه وهذا افضل عشان لا تظن عروسك انك ما راح تلبسها وتتفاجأ وعموماً الشبكه عندنا متفاوته في اللي يسويها كنّها فرح وفي اللي يعملها بسيطه وفي اللي يختصرها نفس يوم الملكه وعن نفسي احس مالها داعي مع اني سويت شبكه لكن كانت بسيطه الله يوفقك ويسعدك ويتمم لك على خير ولبسها الدبله يوم الملكه وبكيفك :25: |
ممممممممممم
الشبكه تختلف من ناس للاخر في بعضهم يكون طقم صغير وبعضهم طقم كبير وبارز بعضهم مافي طقم بس مجرد دبله بس احنا لازم طقم مع الملكه والدبله لازم وهالشي كله كماليات في ناس ماتختلف فيها اهم شي التووفيق وان البنت تراعي ظروف خطيبها ^^ |
ياعزيزي بالنسبه للشبكه
مالها علاقه بالجهل ابدا هي شي مستحدث من كم سنه لو ترجع 15 او 20 سنه ورا راح تشوف انها نادره وتكاد تكون معدومه ارجع واقولك مالها علاقه بالجهل والتطور هي عوايد وانت عارف عوايد السعودين في منهم يأئيدها وفي منهم يمنعها لدرجه يحسسك انها حرام وعيب يشوف زوجته قبل الدخله رغم وجود العقد وفي منهم يباالغ فيها بشكل رهيب بالنسبه لخطيبنك الافضل انو تخلي اهلك يسألونهم عن عوايدهم في الشبكه ممكن هم عائله تسويها وبما انك ذكرت انك بتلبسها الدبله معناته مافي اشكال انك تشوفها ف لذلك عادي تعملو شبكه في ناس تسوي شبكتها بصالات وتتكلف عليها 100 الف ريال وفي ناس تسويها بسيطه جدا وكلن ع ادهاره انا شخصيا والمتعارف عليه عن عائلتنا الموقره انو تكون مختصره اهله واهلها بقولك النظام كيف عشان تعرف متى تلبسها الدبله وع فكره انا رائيي من رائيك ف الدبله اشوفها شي جدا مهم ويحسسك برابط قوي خصوصي دائما البسها ف الجامعه شعور جدا جمميل الشبكه عندنا جدا عاديه مافيها اي تكلف اهل البنت واهله الاشخاص مايتعدون 20 اذا مو اقل تدخل البنت وتسلم عادي في ناس عوايدهم تدخل اابنت بزفه طبعاا رافضه هالفكره نهائيا وش بقى للزواج شوي ثم يجي الرجل ويلبسها الشبكه مع الدبله ويطلعوا الاهل ويجلسوا المعاريس لوحدهم بسس بالنسبه اذا تقصد هديه الملكه انا زوجي ماجابلي هديه بس الشبكه والدبله زمان كان هالموضوع يضايقني لكن الحمدالله عقلت وعرفت انو زوجي اكبر هديه لكن انت يحبذ انك تجيبلها هديه لانو كمان في عوائل عاداتهم البنت تهدي في الشبكه وبس الله يسعدك لو هالعاده مو عندكم مافيها اشكال حافظ عليها انت مو الغلط والمجتمع مو غلط لكن الافضل تشوفو اهل البنت ممكن يتضايقوا اذا مافي شبكه |
اقتباس:
شكراً لكِ مستقبل غموض، أتوقع هم ماعندهم هالفكرة بالمناسبة حنا من حاضرة نجد ولا عندنا الشبكة |
| الساعة الآن 10:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©