|
مضايقة زملاء إبن أخي في الصف
السلام عليكم ورحمــــــــــــة الله وبركاته
\ أكتب لكم مشكلة ولد أخــــــوي ذو 13 عاماً راجية منكم الحل المناسب لمن مثل وضعه الولد يدرس في الصف التاسع وهو جداً مهذب وخلوق لاحظت عليه في الفترة الأخيرة حبه للعزلة والإنطوائية..وبما إن علاقتي معاه قويه ومتينه حاولت أعرف شنو اللي مضايقه ومكدره..قال لي أمور عن زملائه في المدرسة ومدى الانحطاط اللي هم فيه وماعرفت شلون أنصحح وأوجهه..أتمنى إني ألقــى التوجيه والإرشاد منكم إخوتي الولد وهبه الله وسامة شديدة وأخلاقــه جدا عاليه ومثاليه( ربي يحفظه من كل شر ) عنده زملاء جدا وقحين وأخلاقهم شينه ويضايقوووونه حيل بالكلام السيء والبذيء.. والمشكلة إن أغلب الصف يتكلمون كلام وسخ..ومافي إلا واحد مثله خلوق ومؤدب قاعد جنبه وهالصف ينظر للإثنين إنهم ناعمين وعقولهم فيها علة قال لي أنا عقلي مافيه شي وأحــرص على معدلي لاينزل بس أحس إن درجاتي راح تنقص بسبتهم وصرت ما أنتبه حتى لشرح الأستاذ اللي مو قادر يسيطر عليهم.. وقال لي بعد واحد فيهم قال لي كلمة وسخة وسب أمي وأنا طالعته بحده وكنت راح أتهاوش معاه بس ربعه وااايد وأنا بروحي ماقدرت أسوي شي كرهتهم وتمنيت لهم الشر ولنفسي بعد أتمنى يصير فيني شي وأتأذى ما أحبهم ولا أحب نفسي.. قلت له لييييش مارحت الإدارة واشتكيت عليهم..رد علي إن كل الصف معاهم وهم مايحبون الفتنة وما أحد راح يشهد معااااي..أحسن شي إني أطنشهم وما أحتك معاهم بس هم قالوا لي كلام صدمني وحسيت بالقرف منه سألته شنو قالوا وياليتني ما سألته..قال لي بعض الأمور الإباحية وطريقة انجاب الأطفال وسألني هل هذا صحيح..؟ أنا قلت له: لاء ما عليك منهم وخلهم يولون..صراحه مو عارفه أوجهه صح أفكر إني أقول لأمه وهي تتصرف وأخـــــوي أشوفه هو المسئـــول عن حالة ولده ليش ما فهم ولده وأرشده أتمنــى تساعدوني في كيفية التعامل و تقديم النصيحـــه المناسبه له والأهم الطريقه الصحيحه اللي تخليه يحب نفسه وماينزلق مع صحبة السوء..لأنهم من الواضح إنهم يحاولون يجرونه ويخلونه مثلهم والسلام عليكم ورحمـــة الله وبركاته..,,, |
بكل اسف هكذا اصبحت المدارس
كنا في الزمن نذهب ونتعلم الادب والاخلاق اما اليوم فاولادنا يذهبون للمدارس ليتعلمو قلة الادب واللي عم يرجعو فيه من المدارس فظيع اقتربي منه جيداااااااااا لان كأنك تتكلمين عن ابنتي زمان ومره اخبرني شخص وحتى ولدي ويقولو وقت يشوفو شخص مهذب ويدرس كتير وشاطر ووو يتفقو عليه ويتشارطون مين اللي يقدر يجرو معهم لواقعهم هذا غير المسخره والتهزيئ والشتايم عليكم انتم في البيت تنمية شخصيته وان وجدتم مدرسه افضل لينتقل اليها الصف التاسع اصعب مرحله تمر على جميع الاهالي هناااااااااااااا اتمنى الشباب هنا يدخلو ويعطونا من خبراتهم لانهم شباب ويفهمو طباع بعض بتلك الفتره |
مشكووورهـ حبيبتي خالتووو
فعلاً كلامج صح..المدارس تغيرت والطلبــة يتعلمون قلة الأدب وفواحش القول المدرس المسكين حاول يصيطر على واحد فيهم,,وسأله منو علمك هالكلام قال له الولد الله يخلي اللاب توب وين أهاليهم أولاد مراهقين عندهم لاب توب..يارب رحمتـــــك هذي آخـــر سنة له بهالمدرســة وبعدها بينتقل منها غير مأسوف عليها لأخـــرى ان شاء تكون أفضل من ناحية الحزم والنظام |
والله اذا بينتقل من الآن يكون افضل
والله اللي يجيبو ابني من بلوتوث عربي وللاسف باللهجه الشاميه شي بيشيب الراس بس كنت استمع من باب معرفة ما يحصل في المدرسه تصدقي اصعب عمر حتى على الاجانب مع اولادهم وصار عم يتطور الوضع بحيث واحده قالت ان رجلا اراد ان يخطفها واخبار وتحقيق ووووووبالاخير طلعت عم تكذب وولد ثاني من كثر البحث عنه ولو تشوفو اهلوووووووووو شو يبكو وحتى لاعبي الفطبول يرصدو مبالغ كبيره لاي خبر عنه وبالاخير متخبي عند زميل له وخافو فالتجأ لمكان ليبعد الضرر عن زميله واهله وقال كنت مستخبي هنا اسبوع شايفه الكذب والاحتيال حتى نحن وقعنا ضحيه لاحتيال فتاة يوما ما اكتب تفاصيلها لانها قصه ولا في الاحلام ايضا عمرها 14 سنه اقتربو من ابن اخوكي كثيرااااااااااااا وشجعيه ونمي له ثقته بنفسه وقولي له اللي مقله عمله نادره هذه الايام اصبحنا في عصر الفتن ما ظهر منها وما بطن اصبحنا في زمن الاستاذ يخاف من التلميذ |
صعب ينتقل الحين..ان شاء الله ع السنة الجايه
مدرسته حدها للصف التاسع وبس..وأبوه جداً مشغوول بداية سن المراااهقة مرحله حساسه جداً..وتعتبر أصعــب مرحــله يمر فيها الإنســانه جرييين شنو ردة فعلج إذا كنتِ مكاني...عــور قلبي مادري شلون أساعده في انتظار رأي المزيد |
| الساعة الآن 05:33 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©