|
نصايحكم لي اتمنى اني اتزوج
السلام عليكم ورحمة الله وبركاته
الله اكبر الله اكبر الله اكبر لااله الا الله الله اكبر الله اكبر الله اكبر ولله الحمد بسم الله والصلاه والسلام على رسول الله محمد عليه الصلاه والسلام انا ودي اتزوج بس مدري كيف ومن وين ابدا ووش اسوي طبعا سبب رغبتي الملحه لزواج هي اني اكمل نص ديني وبأذن الله اعف نفسي واعف البنت الي باخذها من كل متطلبات الحياه وبعد ابي اتزوج الان عشان بأذن الله بعد عشرين سنه اشوف اولادي شباب بحيث اني اقدر ادخل معهم وبرضو عشان يخدموني ويخدمون اخوانهم ونا بسن مو كبير بأذن الله طبعا عمري الان 23 انا كلمت الوالد قبل تقريبا سنه عن اني ابي اتزوج ووقتها كنت ماشتغل قالي الوالد الله يحفظه انه مبسوط من كلامي وانه هو وده اني انا اتزوج وسألني قال معك فلوس قلت لا قال عندك دخل ثابت قلت لا قال ان كان معك فلوس وعندك دخل ثابت كلمني وان شاء الله احاول اساعدك طبعا الان الحمد لله حصلت لي على شغل اشتغل الان لي شهر وكم يوم راتبي 2775ريال انا ودي اكلم الوالد الله يحفظه بموضوع الزواج الان مره ثانيه بس خجلان ابي نصايحكم هل اكلم الوالد الله يحفظه الان او انتضر وكم بنضركم انتضر هل اكلم الوالد الله يحفظه الان لان معروض علي وضيفه ثانيه راتبها قريب من راتبي بس دوامها ووضعها امن اكثر من الي انا اشتغل فيها الان بأذن الله وبعد وضيفتي الحاليه امنه نوعا ما شي ثاني اتذكر كنت اكلم رجال قالي هاه وش سويت في الزواج كان يمازحني قلت والله مافي شي جديد الا ان اراد الله قالو معليك انت بس ("""اجزم """)وبيوفقك الله بأذنه وش قصده اجزم وش اسوي يعني ونا واثق بألله سبحانه بأذنه انه راح يساعدني بس مدري من وين ابدا على فكره انا ماقدر اسكن في بيتنا ان تزوجت تكفون عطوني ناصيحكم وتوجيهاتكم ودعواتكم |
اخي الكريم
اولا احبك في الله واتمنى لك التوفيق هل الاخ جامعي ام ماذا وماهي طبيعه العمل التي تعمل فيها اسف على التدخل في خصوصياتك وبالنسبه للزواج استخير ربك وجمع لك كم قرشك تحت يدك وانتبه وانا اخوك تقترض عشسان تتزوج انتبه من القروض فهي اول مايدمر الانسان وبالتوفيق................. |
كيف نبدا مع الوالد
الله يبارك فيك اقول لك ادخل له من باب : انو تتكلمو عن العمل وعن الوظيفه الحاليه وانك موعود ان شاء الله بوظيفه افضل ولن تترك هذه قبل ان تحصل على الجديده وبالعيد وانت تقبل يديه او اليوم افضل اليوم الجمعه قل له : والدي الغالي حابب تفرح فيني وانت تعرف انو البحث عن عروس بياخذ وقت ولحين يحصل ذلك اكون ادخرت المال ان شاء الله وهيك بحط براسي العروس وما بعود بصرف ومن ثم اخي الفاضل ليه الخجل ابوك كان بعمرك والمفروض يشعرك متطلباتك واحتياجاتك وقت كان بعمرك وكلم انت الوالده ايضا تدعمك بالكلام وقت انت تخجل لا تخجل وارفع رأسك اصبحت رجلا وتبحث عن الحلال ولست كبعض الشباب يتجهون للمحرمات بالتوفيق |
اخ ابو البنادر
الزواج يحتاج لاستعداد مادي وليس نفسي فقط .. لو قدرت تدبر تكاليف الزواج كاملة من مهر ومسكن وغيره فكيف تواجه تكاليف الحياة مع عروستك مع هالراتب البسيط ؟ اقدر اقول توكل على الله زي غيري .. لكن بتنبسط شهر شهرين بعدين تبدا دوامة المشاكل المادية وشكوى العروس من انك ماتقدر توفر طلباتها كاملة .. فليش تحط نفسك بهالوضع بس لانك مندفع نفسيا للزواج ؟ اشوف انك تحاول تطور نفسك اكثر وتستمر بالبحث على وظيفة براتب اعلى حتى يصل راتبك الى 5000 على الاقل تقدر تواجه به الحياة كويس ... الله ييسر امورك يا رب |
\
اخي الفاضل happy2011 اخي الكريم اولا احبك في الله واتمنى لك التوفيق جزاك الله خير واحبك الله الذي احببتني فيه هل الاخ جامعي ام ماذا لاوالله انا شهادتي 3متوسط والان بعون الله اكمل اول ثانوي وماهي طبيعه العمل التي تعمل فيها والله موضف ارشيف في احد الشركات اسف على التدخل في خصوصياتك لاياخي انا ماكتبت موضوعي هنا الا اني معتبر نفسي بين اخواني واخواتي عادي خذ راحتك وبالنسبه للزواج استخير ربك وجمع لك كم قرشك تحت يدك وانتبه وانا اخوك تقترض عشسان تتزوجانتبه من القروض فهي اول مايدمر الانسان وبالتوفيق الله يعين ونا اصلن مقروص من الديون ولا عاد ابي ارجع لها مشكور على الرد الله يوفقك لما يحب ويرضا ............................. GREEN222 حياكي الله ماراح اقول اختي بقول خالتي وان سمحتي لي بقول والدتي الفاضله لانك حفظك الله تستاهلين ذا الكلمه مدري وش اقول لك لكن انا مو خجلان انو ماقدر اتكلم لا لكن مالي وجه ونا وضعي المادي بهذا الشكل احس ماجيت اكلمه ونا مالي نفسي وواثق من راتب مبلغ وقدره يعني جاي اتكلم بشي يرفع الراس وبنسبه للكلام هذا قل له : والدي الغالي حابب تفرح فيني وانت تعرف انو البحث عن عروس بياخذ وقت ولحين يحصل ذلك اكون ادخرت المال ان شاء الله وهيك بحط براسي العروس وما بعود بصرف اتوقع اني ماقدر اتجرا اقول لابوي زي كذا مدري حاس انه صعب اكلمه في الاسلوب هذا ونا عارف رد ابوي راح يقول لي ايه انت اول شي جمع فلوس بعدين نبدا ندور لك وحتى لو لقينا لك وانت كنت مو جاهز حتى لو حصلنا بلي يقبل فيك كم تضل وانت خاطب ليه تعلق نفسك وتعلق بنت الناس معك لين تزين احوالك راح يقول خل كل شي بوقته صراحه مدري وش اسو ي لكن ان شاء الله ربي يساعدني ثم انتم مانستغني عن ارائكم ودعواتكم الله يطول عمرك على طاعته وييسر امرك ويفرج كربتك ويشرح صدرك ......................... مدن السلام الله يسلمك ربي ويعافيك ويوفقك لما يحب ويرضا كلامك واقعي ونا خايف من العواقب الي راح تصير عسى الله ييسر علي وعلى كل مسلم يارب ياكريم مشكور على نصيحتك الله يحفظك ان شاء الله |
لو تصبر لما تخلص الثانوية يكون أفضل و لو تاخذ دورات راح تساعدك كثير
بتتعب بالبداية بس صدقني هالشيء لمصلحتك راح تلاقي وظيفه افضل و ما تضطر تاخذ قروض الله يسهل لك امورك يارب |
الله يسر امرك و يرزقك الزوجة الصالحة العفيفة التي تعينك على خير الدنيا و الاخرة
توكل على الله لانك احق على الله اعانتك مدام طالب الحلال و العفاف اللهم يسر امرك عاجل غير اجل |
من العادة 0 قديمة0 في بلادنا الشاب لما يريد الزواج يحضر دوما القفة و القضيان( يشتري للبيت الخضر و الحاجيات)
و يكبر المساطش(لا يحلق الشوارب ) ههههههههههههههه ان شاء الله تلقى البنت الطيبة المتدينة العاقلة التي تسترك و تسترها و تكون لك خير سند و أنت لها كذلك وتكون حياتك معها ذخرا ليوم القيامة وسعادة في الدارين |
جرعة تفاؤل
والله ونا اخوك الاماني غير والوقع غير لكن الله يكتب الي في خير عسى الله يسهل علي وعلى كل مسلم مشكوره على النصيحه الله يحفظك ويوفقك ويسعدك ايمان_2011 اختي ايمان الفاضله اللهم امين الله يجزاك خير ويسلمك وان شاء الله الله بأذنه سبحانه حشى انه يخيب احد توكل عليه سبحانه الله يوفقك ويسعدك مشكوره على الدعوه LYESLYESSE صراحه ردك عطاني دافع معنوي الله يوفقك ويسلمك ويعطيك العافيه مشكور على الدعوه |
الله يسر لك أمر زواجك
لزيادة دخلك الشهري ... اقترح انك تشتغل خارج دوام وغالب الشركات عندهم هذا الشئ روح وأسأل شؤون الموظفين يمكن يكون فيه طريقه انك تشتغل ساعات اضافيه مقابل زياده في الدخل ولا شك أنا نفقه زوجتك في المستقبل هي واجبه عليك شرعا ... فجميع الأشياء الأساسيه التي تحتاجها فأنت مكلف بها ولكن أقترح عليك أن تبحث عن زرجه تحمل مؤهل علمي وتستطيع العمل .. لتكفيك عن الكماليات التي تحتاجها لان كماليات التي تحتاجها النساء في بعض الاحيان تكسر الظهر لإأ |
| الساعة الآن 08:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©