|
أستحي جداا من كلمة مطلقه
السلام عليكم
انا لي هالحين من طلاقي سنتين ونص أجتماعيه انا جداا هذي طبيعة شخصيتي لكن طبعا تغيرت 180 درجه من بعد الطلاق وصرت أكثر هدوء وأكثر صمت فيه مشكله تضايقني بالحيل وهي حينما يصادف أني أروح لأاماكن مثل عياده مشغل سوق وجلس احد يسولف معي يبدء يسأل أنتي متزوجه طبعا أقول لا منفصله محب أقول كلمة مطلقه :( ويسألون ياحرام ياعمري طيب وش سبب طلاقك ؟؟؟؟ هنا تجيني أنواع الضيقه صراحه مدري وش أقول وش سبب طلاقي وش أقول أني ضحية واحد لاعب محب أتكلم بعد في ولد الناس كذا صراحه في وقتها تتطاير مني جميع الردود محب كلمة مطلقه ولاحبيت الأسباب اللي أقولها للناس ودي أكتفي بكلمة نصيب وأنتهى ولكن هل الناس بتكتفي |
طنش تعش تنتعش :22:
والله ياغلاهم ماهمني كلامهم انا اعتبر نفسي قوه وكلام الناس قوه . ولااقبل قوتي تضعف امام قوتهم .. لساتني بالعده .. وتوظفت قريب وكنت ابغى اشوف نفسي قدام كلامهم كيف بيكون ردة فعي ونفسيتي وعااادي جدا اقول منفصله مطلقه اصحاب العقول السطحيه ماتهمني والعقول الواعيه ماني محتاجه اوضح لها الصوره او اتعب معاها لانها عارفه كل شئ نصيب وهذا قدر من الله ولافي داعي التعليقات اللي بلا طعمه على قولة اخوانننا الشوام ..:d وبعضهم تقولك كذا قلك من باب المجامله . فاانتي اما تبتسمي وتقول انا مرتاحه وكل شئ نصيب ولا طنشي ولاكانك سمعتي .. عن نفسي لو انسانه عابره باابتسم بس .. اذا انسانه مستمره بحياتي راح ارد عليها .. وفيه ناس تكتفي بكلمة مافي نصيب .. وناس ماتكتفي . فممكن اصلا مايهمك اكتفائهم لانهم راح يتكلمون فتره وخلاص .. او اختصري المشكله بعباره وجيزه تكون معتدله بدون اساءه لاي طرف |
خلك واثقة من نفسك ولا تكاد تخلو بيت من مطلقة، عموماً قولي نصيب، لا قالوا بالله أيش السبب قولي نصيب ماكتب الله، استغرب من بعض الناس هذا الأشراف الزائد عن حده !! . .
|
يآعمري يآعذآب الورد .. على الجرح وربي موضوعك بس ليــه سنتيـن ولاتخلصتي من موضوع الطلاق ونظرة المجتمع ؟! عذآب فديتك حرآم عليك لاتعذبي نفسك أنسي أنسي أنسي لايهمك كـلام الناس يكفي إنك مرتآحه ووإنك تخلصتي من زوجك وأشتريتي رآحتك وبيني وبينك زوجك لو كان فيه خير لك كان عشتي معه بس ربي كتب لك الأنفصآل وهو أعرف وإن شآءالله بتتعوضين بألي أخير منه وأبتسمي وأنسي كلمة مطلقه والأفضل أذا هـ الكلمة تزعجك لاتدخلي منتديات الطلاق وأنسيهآ للأبد وعيشي حيآتك على إنك مـاتزوجتي .. وأطلعي واستانسي اقتباس:
مـاألومك ياأختي .. أنـا لمآ أروح لتلك الأمآكن أحس كل العآلم تنآظرني وتعرف بأني مطلقه .. شعور عجزت أتخلص منه ؟! لكن اهم شي يااختي نثق بأنفسنآ ونتوكل على الله وعمر الطلاق مـاكآن عيب العيب أستمر بحيآة وأنا مو سعيده فيهآ اقتباس:
حبيبتي لا يهمك كلام الناس .. أنا للأمانه لما أكلم صديقاتي و أهلي ماكأني مطلقه حتى خوآت طليقي أكلمهم وأنا أضحك ومستانسه ولاكأني أخذت ولدهم ولاكأني مطلقه ويسألوني وأقول نصيب وبسس وماأحاول أعطيهم مجآل للكلام مستغربين من ردة فعلي مع إني أتعذب لوحدي بس ماأبي أحد يرى ضعفي ومو ضروري أذا أحد تكلم معك بمستشفى بسوق تقولي : مطلقه أو منفصله قولي : ماتزوجت عشان أفكآرك ماتروح بعيد وماأعتقد الناس لهم دخل تطلقتي تزوجتي المهم أنتي لاتهتمي لكلامهم وعيشي حيآتك .. أبعدي كلمة ( مطلقه ) عن عقلك لأن وآضح بأنهآ تآثر فيك وعسى ربي يعوضني ويعوضك ويعوض كل مطلقه خير يآرب |
لماذا تستحي من قضاء الله وقدره فنحن نعيش في هذه الحياة في تدبير خالق الخلق ونتمنى ونتمنى ولانوفق لأمانينا كما قيل
تجري الرياح بما لا تشتهي السفن ولا أحد يعرف الخيرة أين وإلا لن تجدي أحد يلوم نفسه على مافعل أو بما أختار هو فجميعنا في تدبير الله سبحانه لا تحزن اذا قلل من شأنك وفهمك ووعيك أحدهم فربما في جهلهم ينعمون فدعهم وما يفترون اجعل من احزانك أطلال ماضٍ وقفت عليه شاهدآ على ما فيه من الجراح والأسى مستبشرآ بمستقبلٍ مليئ بالفرح والعوض والخير العميم روَض نفسك على الحزن ولا تقنط !! لأن الدنيا جُبلت على النكد والكدر وما صفت لأحد!! الحزن عباده اذا تُوَجت بأسمى معاني الصبر والرضاء والشكر لله عزوجل ولو كانت دنياك احزان واحزان فيكفيك ساعة ذُل وانكسار تبث شكواك فيها الى الله البر الرحيم أسئل الله العلي العظيم أن يعوضك بزوج صالح تقي نقي تكونان قرة عين لبعضكما وأن يسعدكما في حياتكما وأن يبعد عنكما شياطين الأنس والجن وأن يرزقكما الذرية الصالحه وأن يجعلكما من عباده الصالحين ........شااااب |
وليه الخجل
كلو قضاء الله وقدره يعني انتي عارفه انو رح تتزوجي هالشخص وتطلقي منه عيشي حياتك وعمرك ولا تهتمي لاحد ولا تخجلي فلم تفعلي عيب او حرام فماذا الخجل |
تبين أعطيك شوي ههههههههه
أنا بكل ثقة أقول أني مطلقة بالعكس ماسويت غلط أو جريمة هذا نصيبي وهذا قدري ليش أستعيب أني أقول انا مطلقة لو تشوفيني لما بغى الدكتور يأخذ تحليل ممنوع على الحامل أو المرضع قالي فيه حمل قلت لا قال أكيد قلت أكيدين أنا مطلقة وأقولها بكل ثقة عارفة الطلاق مو عيب لكن حنا بخجلنا وقلة ثقتنا بأنفسنا خليناه عيب وإذا أحد سألك قولي مطلقة وبكل ثقة خليها تطلع من فمك وش السبب قولي والله نصيب وبس ليش تخوضين بالتفاصيل الي محتاج التفاصيل هو خطيبك ومن حقه يعرف أسباب طلاقك بس غيره خليهم يبلطون البحر حتى يعرفون |
هذا الاحساس احس انو كل مطلقه تشعر به حتى انا مثلك ولي سنه و9 اشهرر وللاسف لم انسى طليقي ولا احب كلمه مطلقه
افنكر مرا وحده سالتني قلت منفصله قالت اسغرب كل المطلقات يقولون منفصله مايقولوا مطلقه على الرغم انو مافي فرق ربنا كريم وحسبي الله ونعم الوكيل في طليققي |
اقتباس:
عم الناس تكتفي ان انت اردت ذلك.. فليس من حق احد ان يخوض في الامور الشخصية بدون موافقه مني... وحتى تتخلصي من الم شعور كلمة الطلاق... سامحي الماضي وسامحي طليقك ففي حياتك صفحات لم يكشف عنها بعد فعيشي حاضرك لان الحاضر هو اللبنه التي ستريها غدا وفقك الله |
الحمد لله وكفى
ما في وحدة منا توقعت انها بتكون مطلقة كلنا ضحايا ازواج ماعندهم مسؤولية حسبنا الله سيؤتينا الله من فضله إنا إلى الله راغبون |
| الساعة الآن 06:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©