|
فراغ عاطفي ... الحل ؟!!
السلام عليكم مشكلتي اني اعاني من فراغ كبير انا اعاني من هي المشكله من زمان وتزيد وتنقص كنت اتوقع اذا تزوجت راح تختفي المشكله هذي لكن انصدمت مره بعد ما ملكت زوجي خجول ولا يكلمني صوتيا اكثر محادثتنا رسائل ببرنامج الواتس اب وكلام بسيط جدا احس اذا جيت ارسل او اسال او افتح اي موضوع يجاوب بشكل مختصر كانه مشغول فماصرت افتح مواضيع كلمته كثير عن سبب عدم اتصاله لكن مافي اجوبه مقنعه اتوقع هو لا يحب الاتصالات هل تتتوقعو بعده عني ايام الملكه انه ما يحبني ؟؟ هل بيستمر كذا بارد لبعد الزواج ؟؟ بصرا حه احس بفراغ كبير وقولت له هذا الشي بس ما انتبه ولا فكر بشي كيف اتعامل معاه ؟ اطنشه اهتم بيه اكثر ؟ ايش اسوي معاه باقي علي الزواج فتره طويله من الفراغ اللي احسه ادور في النت شخص اكلمه بعده احس بتانيب الضمير اني مملكه وكلمت غيره ساعدووووني مره تعبت مالي نفس لشي |
عزيزتي حاولي ان تشعلي وقتك بماتحبين وتستفيدين منه
بما ان فترة ملكتكم طويلة. . طولي بالك وخلي الايامو تكشف لك اياه شوي شوي. . الله يبارك لكم بهالزواج يارب |
انا نصيحتي الك انك تهتمي فيو اكثر او تحاولي تقعدي معا او تتكلموا بهالموضوع بكب وضوح
لك التوفيق |
وعليكم السلام ورحمة الله وبركاته مرحبا أختي ياقوته .. ممكن خطبيك طبعه كذا .. ما يحب يسولف كثير .. فعادي جداً وطبيعي يكون في البداية كذا .. مع الوقت وشوي شوي راح ياخذ عليكِ أكثر .. ويصير ياخذ ويعطي معك بعمق .. وبالنسبة لآخر نقطة ذكرتيها زعلتني منك .. لا يا أختي .. انتبهي واحذري من مداخل ابليس وتعوذي بالله عز وجل منه.. لا ترخصين نفسك وتغضبين ربك وتخونين زوجك عشان تشبعين فراغك العاطفي .. خليكِ أسمى وأرفع من هالتفكير .. علمي نفسك وربيها على الصبر والتقوى .. اشغلي نفسك بالشي المفيد والنافع .. اللي يعود عليكِ بالخير والرضا والتوفيق من رب العالمين والله يوفقكم ويبارك لكم وعليكم ويزيدكم ألفة فيما بينكم يا رب أختك \ السنا |
الحال من بعضه
خطيبتي تتعامل معي بنفس تعامل خطيبك معك توقعت انها ماتبغاني وتكرهني ومن هالكلام لكن طولت بالي عليها وعرفت انها تحبني وماتشوف غيري انا اتوقع ان زوجك شخصيته كذا او يمكن عنده هموم ومشاكل ومايحب يوجع راسك او انه من النوع اللي يحب يحتفظ بمشاكله وهمومه لنفسه ويمكن شايل هم الزواج والعرس والخ الخ عاد انتي اصبري وتحملي وبعدين وش هذي اكلم غيره ؟؟؟؟؟؟؟؟؟ استغفر الله العظيم آسف بس دام كذا تفكيرك اتوقع ان البلى فيك انتي مش في خطيبك |
شكرا على ردودكم
انا بحاول وبحاول اشغل نفسي |
اقتباس:
الله يهديكِ أختي الكريمه .. تعبك وعدم استقرارك من أفكارك ..!! الله عطاكِ بالحلال .. انتظري لحين الزواج واصبري فالأيام تمضي سريعاً .. خافِ الله .. توقعي لو قرأ زوجكِ في المستقبل أفكاركِ هذه .. ماذا تتوقعين ردة فعله ؟؟ أغناكِ الله بحلاله عن حرامه ...!! وفقكِ الله . |
قد تكون طبيعة زوجك هكذا لا يحب الكلام كثبراً
حاولي أن تفهمي شخصيته وطبعه أكثر |
الله يعين
|
| الساعة الآن 07:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©