|
العضو ليش كذا .. بعد اذنك شوي
السلام عليكم ورحمة الله وبركآته كل عام وأنت بخير كأني سمعت بأنك محآمي ..:22: بسألك وأبغآك تفيدني جزآك الله خير بالنسبه لموضوعي هو الآن ورقة الطلاق عند الأفتآء وفيه محآولات أنه يحسب طلاقي البآئن ( طلقه وآحده ) وينتهي الموضوع وتكون الطلعه تمآم وهذآ اللي يبغآه طليقي .. يتمنآهآ بأن تكون طلقه مع أنه نآوي ثلاث طلقات بالبدآيه ! لو لم يتم الحكم بالطلقه الوآحده ويعتبر اللي صآر ( زنآ ) كيف هي أجرآءآت نقل الموضوع للمحكمه ؟ وكم يأخذ وقت ؟ وش حكم من يفعل ( الزنآ ) أقصد بالمحاكم السسعوديه ؟ ولازآل أسمي بكرت عآئلته .. كيف نسقطه ؟ لأن أهلي و المستشآر وطليقي .. يسعون بأنه يكون طلقه وآحده وأذآ لم تكن طلقه وآحده يمكن ينحل الموضوع بشكل ودي وأنا رآفضه هـ الشي تمآمآ ... وآلدي أطآل الله بعمره يبغى الموضوع يكون كـ ستر لي و له وأنا حآبه يأخذ درس ويتعلمه .. خصوصآ بأنه تلاعب بقلبي وبمشآعري لأن مثل نوعيه طليقي متوفره بكل مكآن أذا أنا والثانيه مشت الموضوع كذآ مستحيل يتأدبون .. رآح يستمر فيه ضحآيآ وللأسف بأني كنت ( زوجته ) وفعل معي هـ الحركه ( أستغفر الله ) أنتظر أجآبتك أخوي .... |
اقتباس:
اولا اعتذر للتاخر في حالة ثبت ان الطلاق بائن كما هو الحكم سابقا فانك تتقدمين للمحكمه الجزئية بطلب محاكمته عن معاشرتك وانت لست زوجة له وانه ابتزك من اجل رجوعك له هذا حقك الخاص اما الحق العام فانه اذا ثبت للقاضي الذي ينظر قضيتك ان زوجك عاشرك وهو متيقن ان طلاقك منه بائن فانه سيحيل القضية من تلقاء نفسه -بدون طلب منك - الى هيئة التحقيق والادعاء العام للتحقيق ورفع دعوى ضده التغرير بفتاه ومواقعتها بالحرام الاصل ان الزاني المحصن يرجم لكن للاسف هذا الحكم لاينفذ في المملكه فيكتفى بسجنه مدة تتراوح بين اربع الى سبع سنوات مع الجلد في حالة ثبتتت ضده القضية وقد قلت سابقا ان التكهن بمصير قضية من القضايا صعب جدا فليست القضية كالفتوى لاشتمال الفتوى على طرف واحد بخلاف والدعوى القضائية ففيها طرفين ,,, والله اعلم ... سؤال ....... انت سعوديه ؟ وسؤال اخر من هذا المستشار ؟ |
شوي وأرد عليك ..
|
اقتباس:
- الطلقآت بالثلاث .. مكتوب بالورقه طآلق بالثلاث ولاتحل له الا بعد زوج آخر - وصلت الورقه للأفتآء عن طريق المستشآر الشرعي - لا لم يتم الألتقآء بنا جميعآ .. التقوآ فينآ على أنفرآد على كلام المستشار قد يلتقون فينآ بعد مـايصدر الحكم من الأفتآء .. |
اقتباس:
- نعم سعوديه مـن أهل نجـد - المستشآر .. مستشآر شرعي معروف جدآ أعتقد من الأفتآء بالريآض |
اقتباس:
اريد نص الكلام الموجود في الصك وليس المعنى انقليه حرف حرف من كلمة (حضر فلان وانهى قائلا طلقت زوجتي ,,, الى اخر كلمه في الصك ) طبعا بدون اسماء ... ممكن طلب ,,, الصورة الرمزية تضيق صدري وش رايك تغيرينها !!! |
اقتباس:
أشكرك أخوي على حرصك وأهتمآمك |
بالنسبـه لصك .. الصوره مع المستشآر والأصل ماقدرت أخذهآ ... مع الوالد لكن أتذكر بأنه مكتوب كذآ ( حضر فلان بتاريخ .. / 8 / 1432 وقال طلقت زوجتي فلانه بالثلاث قآصدآ ثلاث طالق طالق طالق أو حاجه زي كذا ويعتبر طلاق بائنآ ولاتحل له الا بعد زوجآ آخـر ) يعني موقع عليه القاضي بأنه طلاق بآئنآ وطليقي موقع وناويهآ بآئن .. ومع ذلك طلعني معـه بعد العيد وسأل وآلدي القآضي نفسه اللي طلع الورقـه وقآل بأنهآ نآويهآ بـ الثلاث معنآهـآ كل شي يثبت بأنه بآئنآ .. والقاضي شاهد على ذلك الله يكتب اللي فيه خير |
معلومـه : طليقي بعد الطلاق أذكر قآلي : طلقتك بـ ثلاث أيآم ورآء بعض يعني مثلا السبت وحده , والاحد وحده , والأثنين وحده وبعدهآ رآح للمحكمه وهـ الثلاث وحده منهن أنـا كنت بوقت حيض ومره قآلي لا : بأني طلقتك ثلاث مـع بعض لما رحت للمحكمه كلامه متناقض .. هذا طبعآ كلام وبالصك ماكتب انهن متفرقات مكتوب بالثلاث وبائن بس حبيت أوصلك هـ المعلومه بأنه تلآعـب بـ الشرع ! |
وبعـد العيـد / لمـا رجعنآ لبعض ورحنآ لشقه المفروشه كلمنـي وقآل : رجعتك .. بشآهـد وبعد يوميـن دق وقآل : طلقتـك وبعدهآ بـ يومين قآل : لا خطأ طلاقي اللي قبل يومين المفروض أطلقك بطهر لم أجآمعك فيـه .. بعد شهر كلميني وقولي لي خلصت من الحيض عشآن أطلقك ثآنيـه ! طبعآ أنا .. ماكلمته ولا علمته بوقت الحيض كنت مصدقه بأنه طلاقه ( طلاق رجعي ) ماكان لي أي ردة فعل على تلآعبـه وقتهآ .. لأن الورقه ماكنت بيدي عشان اعرف هو بائن او لا بعـد شهـر كلمنـا شيخ وقآل : بأنـ طليق ابنتكم عندي وبأن طلاقـه من الأسآس بآئن والطلعه ( حرآم ) وأن طليقي ماكآن يعرف بأنه بآئن .. وأن ورقه الطلاق عندنآ ونبيكم تسكتون على الموضوع رفض وآلدي أستلآم الورقـه مـن الشيخ وبعدهآ أتى وآلده إلى وآلدي .. وطلب السمآح وأنهآء الموضوع أمـا طليقي مايعرف بأنـه بآئن ... فهذي اللي عجزت تدخل مخي عمره 30 وفآهم ومتعلم وموقع الورقـه بنفسـه .. وهذآ ثآني طلاق بحيآته يعني عنده خبره بالطلاق .. ويقول مـاكنت أعرف بأن بآئن ؟ وماكنت أعرف بأن البائن ماتطلع مع زوجهآ ؟ هذا تحليل للي صار .. وكل هـ الكلام سلمته للمستشآر |
| الساعة الآن 04:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©