|
لدي القدرة على خلق أجواء في قصتي غير مألوفة
اول شي اقسم بالله العظيم ان كل مااقوله صحيح وفي الحقيقه انا متردد بكتابتي هذا القصه او الواقعه لاكن انا بتكلم عن نفسي انا عمري 28 سنه اعيش بمدينة الرياض انا شخص احب الكتابه لدرجة الجنون وعندي القدره على خلق اجواء في كتاباتي بشكل غير مألوف لأي قارئ انما ليست هذه مشكلتي منذو اعوام حينما كنت امارس الرياضه كعادتي وجدت خيل ابيض يجري في الحاره سبحان الله خيل ابيض جميل جداً من روعته تنفتن بجمال هذا الخيل الابيض وهو يجري امامك في ذاك الوقت كان عمري 19 سنه تقريباً وفي حينها اخبرت ابي بذالك واصبح يسخر مني :( قال لي انت مو صاحي وش جاب الخيل في الحاره :) انا طبعاً قلت لنفسي مو لازم اجيب هذا الطاري مره ثانيه على اساس مااجيب لنفسي الكلام راحت الايام وانا مفتون بهذا الخيل الابيض الجميل وصرت اكتب قصص عن الخيل الابيض واصبحت اكتب في مذكراتي روايات من تأليفي عن الخيل الابيض من حبي للخيل هذا الفت قصص من لاشي وكل من قرأ هذه القص توقع انها واقعيه من شدة ما انا معجب به واصبحت اشاهد برنامج الخيول لكي استرجع ذاكرتي بهذا الخيل ولكن دون جدوى لم يملأ عيني غير هذاك الخيل الذي شاهدته وفي يوم من الايام حلمت حلم انني ارى الخيل امامي وكأن الجو مطرر والخيل راح من قدامي وانقطع الحلم انا بصراحه خفت خوووف مايعلم فيه احد صرت اخاف انه يطلع لي الخيل مره ثانيه ولدرجه اني وقفت الكتابه عنه وفي يوم من الايام ظهر لي هذا الخيل لكن هذا اليوم كان مختلف عن كل الايام اليوم هذا كان في سنة 2009 وهنا صارة المصيبه او بمعنى اصح الخوووف كنت مع اهلي في البر البر هذا بعيد جداً بين طعووس ولاحولك اي مخلوق كنت جالس اللعب بتراب او الرمل وفجأه بدون مقدمات لقيت الخيل الابيض يركض يركض يركض يركض ومتجه لي كأنه يبي يدعسني وانتبهت فيه شي يلمع يلمع على ظهر الخيل ماادري وش هو بس نا من الخوف اغمى علي منظر مخيف وحلو ومرعب انا من بعد هذا الموقف واانا اخاف اتكلم في هذا الشي لدرجه اني حاولت اتكلم واقول واخاف ان الي يسمع كلامي مايصدقني اول مره اكتب هذا الكلام لأحد انا ماادري وش هذا الي اشوفه وحلمت فيه يارب سترك للمعلوميه لازالت الاحلام تتوالى علي من فتره لفتره وكلها احلام في بس اسمع صوت الخيل اتمنى القى تفسير |
اخوي يمكن هذا جني الله أعلم
احرص على قراءة المعوذات وأذكار الصباح والمساء |
جني
.؟؟؟؟؟؟؟؟؟؟؟؟؟؟؟؟؟ |
اي جني
معروف الجن ممكن يظهرون للبشر على شكل حيوانات :24: |
حصن نفسك دايم
وش يجيب خيل بالحارة عندكم ؟ تصدق عاد و ربي إني لي كم يوم أهوجس بالخيل سكب إلي فاز بكاس خادم الحرمين من سنين دون مناسبة !! |
الصراحة ما اعرف تفسير لحالتك .. بس اللي أعرفه أنه ممكن للجن ( أعوذ بالله منهم ) يتشكلون على شكل حيوانات .. فإنت كل اللي عليك انك تتحصن بالأذكار والرقية الشرعية .. وتأكد إنه ماراح يصيدك شيء بإذن الله الواحد الأحد . " احفظ الله يحفظك " |
عليك بالأوراد الشرعية وأذكار الصباح والمساء
ولن يصيبك سوء باذن الله تعالى. |
بسم الله عليك
هذي تخيلات اتوقع نتيجة تفكيرك بشيء معين ، يمكن فيه شي انت تحبه تفكر فيه كثير وتتخيله احرص على الصلاة ، واحرص على اذكار الصباح والمساء واذكار ما قبل النوم واذا حلمت وفزعت التفت يسارك وانفث ثلاثاً وتعوذ بالله من الشيطان وغير جنبك اللي انت نايم عليه ، طبق هذه الأشياء وجرب ، واذا ما نفع توجه لشيخ يقرا عليك وان شاء الله ما قدامك الا العافيه وانا اتوقع والله العالم انك تفكر كثير ويتخيلك اشياء تشوفها وما يشوفها غيرك والأكيد انك عندك حاله نفسيه او حالة اكتئاب فكر في زيارة طبيب نفسي |
السلام عليكم طيب أخوي ليش مافكرت تفسر الحلم ..؟؟ وتفسره عند اكثر من مفسر للاحلام .. . |
انا سبق وزرت طبيب نفسي
مدري شلون ماعجبني طريقته غبيه واسلوبه ركيك وكل ماشرحت له الحاله يعطيني ادويه ؟؟ قلت له انا مو مريض عشان تعطيني ادويه انا بخير وكامل قواي العقليه بس انا زرتك لكثر الالحاح على بذالك فقط وبرضوه المشايخ يقولون لي بتتزوج "؟؟ كل ماسألت احد قالي بتتزوج طيب وش دخل الزواج بلخيل ؟؟ خصوصاً اني اشوفه قدامي ياجماعه مااستهبل |
| الساعة الآن 10:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©