|
زوجي ضرب ابني وتزاعلنا
السلام عليكم ورحمة الله
كل عام وانتم بخير الموضوع بدايته سخيفة اخذ ولدي اللي لسه ما كمل السنين علبة الحليب حقته وفتحها وشفته واركض وانا اقوله لا لا لا والصوت ماشاء الله عالي وكبه على الارض ماأمداني طلع زوجي يشوف ايش صاير طق الولد على عضده سكتنا شوي ويكملها بكف ايش كبره على وجه صرخت انا وهسترت ليش كذا وطبعا الولد مات من الصياح وليته بس علم لون احمر الا صار خط منفوخ زياده فوق الاحمرار جت بنتي وصاحت لين شافتني اصيح وتقول خلاص بجمع الحليب معك قلتها ايش دخل الحليب شوفي وجه اخوك انا عارفه طينتها هنا طلع زوجي يقول اسكتوا انتو في عزاء كلكم تصيحون تعوذوا من ابليس قلت انت اللي لازم تتعوذ منه دخلت الغرفه اخذ غرض يقول ليش تقولين للبنت اني ضربت اخوها على وجهه قلت له ماقلت لها يقول سمعتك تقولين شوفي وجه اخوك قلت له احسن قهرني صحيح انا أضرب عيالي بو مو كذا كف على الوجه لا وواحد شايب من جماعتنا مايسمع زين من اذن من يوم صغير لانه احد عطاه كف قوي على وجه كل شي يهون عندي الا الكف وانا زعلانه الحين على اني وقت دخلت الغرفه مره ثانيه قال اسف بس مارديت احس قلبي مليان مادري اصير عادي بكره ولا كان شي صار ولا كيف صحيح الموقف مو مره كايد بس احتاج توجيه وجزاكم الله خير |
أخبري زوجك :-
- الضرب في الوجة منهي عنه. - أطلبي منه أن لا يمد يده نهائيا لطفل في سنواته الأولى. - ضروري أن يعوض أطفاله .. يأخذه هو وأخته للحديقة أو يشتري لهم ألعاب وحلوى. |
مالومك على موقفك ..
هو جميل انه تاسف - نادر الرجال يتاسفون - ومعناه حسستيه بغلطه .. ولاادري هو طبعه اصلا ولا اول مره .. لكن تووقعي اول مره .. ارى انك تكلميه عادي لكن طبعا تعاتبيه بهدوء .. يعني تذكري وجهة نظرك في الموقف .. وشوفي الاسلوب 0الافضل له اقناع عاطفي ( هذا ولدك وصغير وشفت وجهه كيف صار... الخ او اقناع عقلي ( صغير عمر وممكن الضربه تاثر عليه والضرب نهي عنه ... الخ ان شفتيه ترفز اتركيه وانسي الموضوع لانه خلاص عرف خطئه.. واقترحي عليه يطلعهم ويمشيهم الله يسعده ابوي وواحنا صغار اذا هاوش احد بشكل مبالغ نعرف بكره فيه رضاوه ودام اعتذر يكفي .. اخاف تطنشين و يزعل هو وتصير مشكله اكبر.. وانت ِ ادري بزوجك هو تاسف يكون مجرد لفظ يقول وانتهى بدون احساس للغلط .. فيحتاج تطنيش .. او يعتذر يعني حاس بغلطته .. الله ييسر امرك يارب ويحفظ لك زوجك و عيالك .. |
الخلوقه :
اظن انه عارف حكم الضرب على الوجه ولو قلت له احتمل كبير بتنرفز ويهاوشني شكرا لمداخلتك لا تظلمونه: انا مستغربه انه اعتذر مو عاده مادري ايش يقصد ولا يعتذر من مين بالضبط كان على لساني اقوله على ايش او بعد ايش بس زين سكت وهو عادي يضربهم بس صراحه اول مره يعطيه كف وبقوة بعد احس ودي اقوله خلنا نوديه بس نتاكد ليكون تاذى السمع عنده ولاصار فيه شي قاهرني وليته على شي يسوى يعني الولد سبق ومسوي مشاغبات اكبر وليتته هو اللي يمسكه طول اليوم يعني لو انا طقيته هالكف اهون يعني يمكن ها تنبلع غصب انا داريه الحين هو بكره عادي ولا كان شي صار...الحين هو في سابع نومه انا المقهوره ولا النوم يجيني عشان اروق وانسى شوي شرا عزيزتي على مداخلتك الطيبه |
خذي الولد وحطيه بحضنه يغمره
ويحس بغلطه كف وعلى وجه طفل علبة حليب وقعت يروح يشتري غيرها ما خربت الدنيه الولد يحسب حالو يلعب معكم وانو انتو دايما تحملو علية الحليب لحب هالمره هو يحملها مسكين الطفل ما تشدي كتير على زوجك اولا تأسف وثانيا ضعي الطفل كل النهار معو وبحضنه تيحس بالجريمه اللي عملها اصلا طفل ما يعي شو يعمل يحسب حالو يلعب خليه يروح يجيب له رضوه قصدي هديه وتكون شويه غاليه نوعا ما حتى ما يعيدها وانتي وقت تشوفيه يلعب الولد ويغمرو ويجيب الهديه رح تهدا نفسيتك قلب الام وان قالت انو: قلتي للبنت يكون ردك :مثل ما انت فقدت اعصابك وضربتو واانا فقدت اعصابي وقت شفت الكف وسمعتو لولدي تعادل اهم شي الولد اهم شي الولد اهم شي الولد |
وعليكم السلام ورحمه الله وبركاته
شوفي اختي اكيد اكيد الضرب في هذا السن امر خاطي هذا في نظري بس انتي كمان لمن هو يجي ويكلم الاولاد لا تتدخلي بمعني اذا هو زعلان مع احد فيهم انتي خليكي بعيد وبعدها لمن يهدء حاولي تكلميه وتقوليله انه الضرب يعتبر أمرا من أكبر المصائب اللي ممكن أن يتعرض لها الطفل في هذا السن لانه صغير وما حيستوعب وهو في هذا السن وانه بكره لمن يكبر حيتعود عليها وانه حيقوم بتقليده ويعتبره شيئًا عاديًّا بالضرب للاخرين حبيبتي لازم زوجك يعرف ان لطفل لابد أن يكون هنالك نوع من التلاطف والتودد معه في هذه المرحلة وفي كل مرحلة العمريه وبعدين زوجك تاسف واللي صار صار خلاص لا تكبري الموضوع بس بينك وبين زوجك قوليله انه اسلوبه كان خطا وانه لازم يتفهم انه في طريقه لطيفة طيبة تقوم على المحبة وترغيب الطفل، فهذا الطفل البريء يجب ألا يكون الضرب في عالمه مطلقًا في هذه المرحلة من حياته.. والله يوفقك |
الخاله Green:
أمأ اخلي الولد بحضنه طول النهار صعبه ابدا ما يتحمله بلقاه مخنوق لانه شقي ماشاء الله عليه ربي يحفظه والولد لسه صغير مسكين اي شي يفرحه مايعرف قيمة الاشياء الله يعين بس يا خاله يعني ضربه مره من القهر ليش يكمل بضربه ثانيه على الوجه شكرا لمداخلتك الطيبة Arab-Preal: عادة اذا ضرب ولا عاتب الاب ما اتدخل عشان لا تختلط الامور على الاطفال لكن هذه المره من المرات اللي ماقدرت اتحمل يعني ضرب مره وسكت يكملها بكف انهرت صحيح اننا دائما نضرب هالولد المسكين لانه مشاغب بزيادة واي احد يشوفه يلاحظ هذا الشئ الله يحفظ على الرغم من انه ما يربط دائما بين الخطأ والالم الجسدي بس الله يعينهم علينا ويعينا على انفسنا وهو صحيح اعتذر بس مادري ايش يعتذر عن ضربه ولده ولا على فلم الرعب اللي سواه لنا ولا عن سلوكه ان شاء اقدر اصير طبيعية بكره واحرق قلبه على ولده وعلى اللي سواه فيه او ازعل يومين اخليه يكرهني ويكره حياته عشان ما يضربهم قدامي عالاقل شكرا على مداخلتك |
حبيبتي هو اعتذر لانه حن قلبو عليكم جميعا واولهم الولد وقت شاهد الكف على وجه الولد منفوخ
اعتذر لان عرف المصيبه اللي عملها وانرعبب اكثر منك انما الرجل ما يظهر ذلك انتي بكيتي صح ونزلو دموعك وفاضت الانهر من دموعك ولكن هو بكا دما والدليل اعتذاره عديها حبيبتي وعادي خليكي معه اعرف الاولاد اشقياء ولكن اناا قصدي انو تيراضي ولده وانتي ضعيه في حضنه ولو كان نائما واطلبي منه انو يعوض الولد بحب وحنان واطلبي منه هديه للطفل طبعا طريقه جميله مهضومه اعتذر لان علم انها لحظة غضب واعتقد لم يتوقع ان يشاهد كف يده على وجه ولده المنظر وقعه كان قوي عليه طعنه يضربهم دائما انا معك وعادي مثل كل الآباء ولكن منظر الكف على وجه طفل تقتل الاب وخصوصا من يده لذلك ما تشدي كتير ولا ترخي لان هو فعلا تعبت نفسيتو صحيح قلتي انه نائم ولكن منهم من يهرب من المصيبه بالنوم العميق ويمكن يتأخر تيصحى ثاني يوم وان صحيتيه رح تتعذبي تيستيقظ اقري آية الكرسي على ماء او سورة البقره واشربي الولد وانتم ايضا ويالله قبله مني للطفل الشقي بسم الله عليه واخته معه انا اكثر مشاكلي مع زوجي كانت بسبب شقاوة الولد زمان لذلك افصلي بين مشاكل الاولاد مع ابوهم وبينك مع زوجك |
زوجك حس بتانيب الضمير واعتذر
انتي بس بكره شيلي الولد وحطيه على فراشه وخليه يلعبه شوي ويضحك معاه والعبي معاهم شوي وبإذن الله بما انها اول مره راح تكون آخر مره لكن نصيحتي هي شراء بعض الكتب عن التربية الحديثة مفيدة جداً جداً جداً ومتوفره بالمكتبات والله يوفقكم |
الخاله الطيبة Green :
يأقلبي على كلامك الطيب بس هو درى اصلا ايش صار في خد الولد عطاه ذاك الكف ومشى قلت له اليوم دريت ايش صار في الولد وخبرته وسالته طيب ضربته مره ليش كملتها بكف يقول لانه ماصاح لين ضربته اول مره قهرني مره ثانيه شكرا عزيزتي لعودتك الطيبه لموضوعي ماقصرتي يالغلا حياتي معها صعبه: ان شاء الله يكون فعلا حس بتأنيب الضمير وان شاء اذا رجع من الدوام اكيد الولد من نفسه بيركض لابوه مايدري عن شي المسكين وشكرا لنصيحتك عني انا قرأت في بعض كتب التربية الحديثة واستفدت منها لكن تجي بعض المواقف الواحد مايطبق شئ من اللي قراه وزوجي مايفضل يقرأ فيها شكرا لتعليقك |
| الساعة الآن 08:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©