|
أصبحت لا أطيق زوجي ( أبوحكيم1)..
السلام عليكم .. الى الأخ ابو حكيم 1 .. أثق برأيك جدآآآ .. كيف أتصرف مع زوجي أصبحت لاأطيقه .. ولاأطيق التحمل معه .. إنسان أناني همه نفسه فقط .. سأتحدث عن همه نفسه فقط , أي انه أنا بسوي وبقول حلال علي لكن أنتي لا عذره إنه حساس .. يعني لاتعصبين لاترفعين صوتك لاتعاندين لكن انا كيفي بما اني رجل وفوقها حساس .. حسبي الله ونعم الوكيل .. من ناحية العدل .. هو مطلق بأطفال .. لم يعدل أبدآ أبدآ .. والخطأ مني لأني من دخل علي وأنا سلبية ضعيفة غبية أنا .. انا فقط غرفة النوم جديدة وباقي الأثاث قديم عذره إني ماشرطت أبغى كل شي جديد .. لكن وعدني يقول إن شاء الله أغيره ولا أدري هو صادق ام لا .. السفر .. جزاه الله خير ماقصر سافر فيني وأخذ فيني عمره مع إنه زهد فيني بقوووة وقت السفر ولم يحسسني إني عروس .. السابقه لم تكتفي بذلك كان يسافر فيها للخارج وياخذ قروض لدرجة قبل لايطلقها كان ماخذ 50 الف عشان يسفرها تركيا ويشتري لها طقم ألماس وأنا قلت أبغى ماليزيا قال مامعاي فلوس قلت طيب دول الخليج قال لا .. قلت الأمارات فقط .. قال لا .. مو جوك أنتي مطوعه ماتصلح لك وكل مكان فيها اغاني .. المهم سويت مشكله معاه وتهاوشنا عشان بالغصب يسفرني الإمارات عناد بس عشان غصب عليه يطلعني .. قال إن شاء الله بس ما أوعدك .. ؟؟ يسكتني ..وعارفه يقول مالا يفعل لكن بإذن الله لأزن عليه بالغصب يوديني عنادآ فقط .. المصروف أرضى منه بأقل القليل واتشكره على كل ريل وأي شيئ يجيبه وكأنه مسوي لي معروف النيا كلها .. والسابقه تطلب ألوف مألفه .. وعسل على قلبه ومازالت تطلب للنفقه لبناته .. تخيل أربع أعياد من زواجي معاه والله ولامره عطاني أشتري للعيد لما عرف أني مخليه بحسابي فلوس من المهر لوقت الأزمات ومو كثيره 4 ألاف بس .. يقول عندك فلوس .. حسبي الله عليه .. أخي هو يحب طليقته جدآ لدرجة العشق لكن خانته , محد قال لي هو بنفسه تكلم .. عمره ماحسسني كأني أول وحده بحياته فقط أيام عقد النكاح ومن دخل علي وهو يبربر علي عن حبه لطليقته وبذل كل شيئ لسواد عيونها وبالأخير وش قابلته فيه .. أحتقره لنه صريح لدرجة أنو يجرح ومايعرف يجامل نهائي , طليقته اجمل مني وأجرأ مني , لما شاف مني الضعف والخنوع بدأ يفرد عضلاته بالصراخ بوجهي والأنتقاد والتجريح .. وأنا ساااكته سلبية ضعيفه أخاف منه ومن زعله .. آآه لغبائي وضعفي .. عمري ماشفت الفرحه منه لي إلا عندما ولدت وجبت له الولد فقط هنا فرح لأنه ولد .. يجرحني كثيييير , مثلا أول ماطلعت من النفاس قال أحلويتي أول ماتزوجتك شينة وإحلويتي بعد ماجبتي لي ولدي عما بعينه , وكان دايم يتكلم الشينات هم اللي يتمسكون بأزواجهم ويحافضون عليهم والجميلات هم اللي يخونون مارد عليه وأطنشه ولا كأني أسمع ولا ارد عليه .. طفشني من كثر مايتكلم عن ماضيه وحبه لعشيقته اللي خانته ألى أن طفح كيلي وبكيت وبكيت عنده بالأخير يالله فهم إني أبغاه مايجيب سيرتها عندي نهائي .. وش يحس فيه هالرجال مايشوفني قدامه زوجته يجي يتكلم عندي عن طليقته وحبه !!.. ولما واجهته قال آسف أنا أخطيت بس كنت أبغى أتكلم مالقيت أحد أفضفض له .. وانا مصدقه لحد مابان كل شيئ .. والله كذاب مايحبني اللي يحب يخاف على مشاعر اللي يحب يكذب دااايم ويقول كلام ويسوي ضده وواجهته بهالشيئ .. قلت أنت تقول مب مقارن وهذا الكلام من أيام الملكة وماجلس ولا يوم بزواجنا إلا وبدأت المقارنات وأنا غبية سلبية ضعيفة ماقدر اتكلم خجلي وحيائي يمنعني وخوفي منه .. آآه تمنيت ذيك الأيام أقول يكفي عورت قلبي ليش متزوجني جسدآ معي وروحه مع غيري .. حسبي الله ونعم الوكيل .. يقول مالايفعل مثلا ضاعت دبلتي اول الزواج قال فداك اجيبلك بدالها ولما قلتله بعدين قال قصدي انو لايضيق صدرك مو قصدي أجيبلك قلت تكذب والله شاهد علي .. وسكت اول الزواج قال إذا سويت لعيوني ليزر بسويلك معاي ولما نزل له راتبين صلح له لوحده ولما قلت له قال أقصد إذا تبين أوديك قلت تكذب أنت قلت بسويلك من فلوسي قال أيه لو معاي ماقصرت عليك .. وأجزم قطعا لو السابقه طليلت ركض ركض يلبي طلبها .. قلت شكرا مابغى منك شي الله يعزني ويرزقني واسوي من فلوسي ولاتقول شيئ منت قده زعل ورضى من نفسه .. ياسلام أنا بصارحك وأجرحك وكلش بقوله لكن أنتي لا .. وهالصفه البايخه قاهرتني يوعدني وعود وينكرها حسبي الله عليه وكثير ماسواها .. لما ولدت قلت أبغى خدامه إيجار وقت النفاس فقط ورفض وعارض وقال ماضر أمهاتنا قبل وش الدلع اللي فيك طبعا كنت حامل قبل ما أولد وكنت ذيك السلبيه الضعيفة .. المهم صدق ولدت وضغط في بيت اهلي وجبتها رغما عنه وهو دفعها وللحين موجعته 3 آلاف اللي دفعها وللحين يغني فيها أنا دفعتها المفروض اهلك يجيبون واأهلي على قد حالهم مااتقدر أمي وأخواني كلن مشغل بنفسه .. والسابقه جايب لها وهي حامل قبل لاتولد قال إيش كانت تدرس وش هالعذر حسبي الله عليك .. وجلست الخادمه إلى ان طلقها وكان مدة زواجه السابق 6 سنوات , ولما طلقها سفر الشغاله .. أنا بس وقت نفاسي مضطره أمي تعبانه وخواتي مع أمي ولازم أحد يقوم فيني ضرفي أقوى .. حسبي الله ونعم الوكيل .. وطليقته احدث الأجهزه يشتري لها وأنا آيفون موب راضي حسبي الله عليه .. قلت جب لي هدية ولادتي قال تكفي الخدامه .. ولما واجهته بإنه ماعدل قال أجيب لك آيفون وللحين ماشفته .. المهم قبل تقريبا 4 ايام , أنا صايره رسميه معاه جدآ وأنام بغرفه وهو بغرفه .. صارت مشكله رميت تحفه من التحف بالزباله ولما سأل عنها قلت رميتها , قام يهاوش ويتلفظ انتي عقلك صغير أحد يحط عقله بتحفه مو أنا وعدتك بغير الأثاث ليش ترمينها قلت مزاج مو عقلي فيه مشكله أي شيئ قدامي برميه قال شوفي أحذرك لاتعودينها مره ثانيه ترى هالمره بعديها لكن تشوفين وش بيصير المره الثانيه .. قلت بكيفي بسوي اللي ابغى موب عقلي فيه مشكله لاتواخذني أجل , قال شوفي انا تزوجتك بنت رجال وأخت رجال وعقلك معاك وأنا احذرك أنتي وش صاير لك بس تعاندين , قلت الأخلاق مانفعت معاك يوم انا أخلاق وش سويت فيني .. قال : مو أنتهينا من هالموضوع وراح أتعدل .. طنشته ورحت وخليته .. السالفه بالنهار جاء عندي بالليل قال إنتي وش فيك ليش صايره كذا هو احد سببين إما إنه كبر راسك وضمنتي نفسك بعد ماجبتي الولد أو من حبوب منع الحمل .. قلت لاهذي ولا هاذي .. قال بشتكيك عند أهلك .. قلت روح ماهمتيني .. رفع راسه وناظرني بإستغراب قال تخربين على نفسك .. قلت منو اللي ما أحترم الثاني .. قال أجل ما أعذترت لك مرتين .. قلت أيه .. سكتنا .. قال تراني احبك وأغليك .. ضحكت قلت باااين ماشاء الله .. قال وش فيك منتي مصدقتني إني أحبك وأغليك ... قلت تصرفاتك .. تتحسر على اللي قبل وتذلني باللي سويت لي خاصه الشغاله ومو أنت قلت ان الحب درجات أشوفك لما قلت ابغى تسفرني برا على طول قلت أبشري قمت تلف وتدور .. وين الحب .. اللي يحب يفدي اللي يحب ويضحي عشانه وصارت لغيري مو لي .. سكت ومارد قلت ..شوف يافلان : ترى أنا مثلي مثل أي بنت بكر تبغى تحقق رغبتها وتبدأ مشوار حياته مع واحد مثلها لكن انا تنازلت عن رغبتي هذي .. وضحيت فيها وآثرتك أنت لكن ناس ماتقدر انصدمت فيك وبالواقع المر .. لكن الله يعوضني بالأخره .. والله يعوضني على صبري .. طبعا قلت هالكلام وانا أبكي .. طبعا مارد سكت وطلع .. أنا للحين بغرفه وهو بغرفه .. ماطيقه .. شعوري تجاهه صفرر مالي شعور .. رغم انه يحاول يتلزق .. بس ماتقبلته .. كل ماتذكر اللي يقوله .. صديقتي تزوجت مطلق معاه بنت .. عمره ماجاب سيرة حياته قبل أبد أبد .. ومره لما زعلت لمحت لحياته السابقه.. وقال فلانه ما أسمحلك تجيبين الماضي أبد شي وأنتهى .. تمنيت ان اللي عندي كذا لكن للأسف .. انا ما أكفر العشير .. يلاطفني الآن .. مايضرب .. مايقصر في بيته .. راعاني اول ماطلعت من النفاس شهر ماطبخت كان اكلنا من المطاعم .. لكن ليش يبخل علي بالأشياء الثانية والسابقه لا ؟؟ هل لنها أجمل مني ؟؟ ام انها أول حب بحياته ؟؟ أم ماذا ؟؟ وصفات زوجي .. الطباع واثق من نفسه لدرجة الغرور حتى إنه كان يفتخر إنه تزوج بكر اللي هي أنا يقصد إنه مافيه عيب لذلك وافقت عليه , صريح بقووة لدرجة أنها تجرح مايحسب لكلامه ومايعرف يجامل .. عنده أسلوب جذب طريقة أسلوبه بالكلام .. أسلوبه جذاب .. عاطفي بقووة خاااصة لبناااته .. حساس .. هذي روابط مواضيع سابقه لي يمكن تفيدك بشيئ عني .. http://www.66n.com/forums/showthread.php?t=229325 http://www.66n.com/forums/showthread.php?t=229041 http://www.66n.com/forums/showthread.php?t=22969 لا أريد التسخط على ماقدره الله لي .. لكن لا أعلم لماذا ؟؟ أهذا إبتلاء ؟؟؟؟؟؟؟؟ |
أخي نسيت اكتب انو النفقه لبناته مصروف شهري 1000 ريال لكن لما ترسل برساله مثل عيد الأضحى 3000 ريال على طول راح حول بالحساب .. أنا ماقول لاينفق بالعكس بس ليش يرخي عليهم وانا يطلع عيوني .. ليييش ؟؟ |
سأعود لموضوعك لاحقاً بإذن الله تعالى .
|
انا بقول شي مهم جدآ جدآ
أختي عليك بالدعاء له لا الدعاء عليه يمكن يكون دعاءك له سبب من اسباب سعادتك يعني ادعي ربي يسخره لك ويهديه ويجعله قرة عينك ويجعلك قرة عينه وفي شي ثاني انتي عايشة وحياتك كلها مقارنات خلاص انسي انها هي موجودة او كانت موجودة معاه والله يكتب لك اللي فيه الخير معليش تطفلت عالموضوع بس كانت هالنقطة ( دعائك عليه ) هي اللي خلتني اتدخل والله يرحم الحال |
الأخت الفاضله عبرة مكتومه
أشكر لك ثقتك الكريمه , واسأل الله أن يسخرني لتقديم ما يفيدك . هدئي من روعك أختاه , ولكل مشكلة حل بإذن الله أوقفي دعائك على زوجك ليس بالضرورة أن تكوني على حق في كل شيء , وأن تكوني مظلومة في كل شيء أود أن أسأل عن النفقة التي يرسلها لبناته .. كم عدد بناته ؟ وهل لكل وحده من بناته 1000 ريال , أم شاملة لهن جميعاً ؟ هل يرسل لطليقته نفقة ؟ هل يرسل لهن مبالع إضافية في الأعياد ؟ كم نسبة إجمالي النفقة التي يرسلها لبناته وطليقته من راتبه الشهري ؟ |
اقتباس:
لكن انا نيتي اني اوكلت امري لله هوحسبي وهو الحفيظ .. |
شكرآ أبا حكيم .. عذرآ لتأخري لأن سافر زوجي ورحت عند اهلي وماتمكنت أرد .. اقتباس:
بنتين اقتباس:
شامله لهن جميعا اقتباس:
لا مايرسل لها اقتباس:
ايه يعني بدل مايكون المصروف 1000 يزيده يصير 3000 اقتباس:
راتبه 12,000 ويرسل شهريا 1000 طبعا هو ماقال لي كم راتبه بس مع اللف والدوران قال اي مستوى واي درجة ورحت وشفت سلم رواتتب الموظفين وعرفت كم راتبه >> كيد النساء ..:d شوف الظلم والله ماكذبت العام الماضي عطاني لملابس الشتاء على قولته كسوة الشتاء 1000 ريال فقط .. والصيف 1000ريال .. يقول عندك فلوس .. وشريت للمولود عطاني 500 ريال فقط والله ازود من عندي حسبنا الله ونعم الوكيل .. ولما جاء يسافر الثلاثاء قلت عطني فلوس بشتري كسوة الشتاء قال كم قلت أبغى 2000 طلعت عيونه قال لا تكفيك 500 .. قلت شوف مو أنت قبل كم يوم زودت مصروف بناتك قلت السوق غالي لأنهم يشترون ماركات وأنا حرمت نفسي وتنازلت وتقنعني ماله داعي ماركات وأسكت بتعطيني 2000 يعني بتعطيني طلع 500 قلت الباقي قال ظغذا جيت اوديك السوق .. قلت نشوف باقي 1500 .. أنا غبية قالها أول ماتزوجتنا بس ماستوعبت .. كان يقول وش نفعني قبل بالدلع .. طيب وش ذنبي أنا .. إذا هو أهدر مال على مالايستحق .. ذنبي إني كنت الثانية ليش كذا يعاملني.. حسبي الله ونعم الوكيل .. ليت الزمن يرجع ورى كان بفمي المليان قلت لالالالالالا مابغااااه ,, لكن قدر الله وماشاء فعل .. وإذا كنت بتقول خليه يمشي لك مصروف والله قلتله قال لالالا فاتورتك أنا أسددها وأغراضك الشخصية انا أجيبها لك وملابسك أعطيك إذا بغيتي وشوله المصروف بس تجمعينه للهواء والشمس .. ورافض بقوووة هالرأي .. والله تعبت معه ونفسيتي .. يااارب اسألك الصبر .. مو على الفلوس .. ظلمني ,, يعاقبني بخطأ غيري .. دلعها وعطاها ومشاها وكل شيئ .. وياحظي أنا .. لكن هي جملة وحده حسبي الله ونعم الوكيل |
عذرا على التدخل ولكن لدي كلمة بسيطة للأخت :
- لو كنت ذكيه لفهمتي ان من اسباب طلاق تلك الزوجة طلباتها الكثيرة وانا ارى ان طلباتك مبالغ فيها وهذي وجهة نظري الشخصية . -ولوكنت ذكيه لماقارنتي نفسك بطليقته في كل موقف انتي لن تجعليه ينساها ابدا وكيف تقارنين نفسك بمطلقة ليست على ذمته -صدقيني هو وثق بك وصارحك بكل شي فلاتستخدمي اعترافاته ضده فيكرهك ماحكاه لك يجب ان لايذكر عند النقاش -ان ارديته يفضلك ويحبك رغم انك اقل جمالا من زوجته فاكسبيه باخلاقك وسأخبرك بحقيقة مرة الحب الاول لاينسى مهما كانت الاسباب وانامجربة .. -اتق الله يااختي يبدو انك لاتحسبين حساب كلامك انظري لوابل التحسب وطريقة عرض المشكلة كلها تذمر وشكوى عنيفة -هناك اخوات لك يشكون بمرارة ولكن باسلوب طيب . -انت قررتي لوحدك فقط الزواج بمطلق ولم يجبرك هو على نفسه فلا تستكثري نفسك عليه ترى الرجل لايعيبه شي -توقفي عن مقارنة نفسك ببناته فانتي مستقرة وتنعمين بالراحة والامان مع زوجك -لاتستكثري المال على بناته فالمال لايعطي الامان ولاالحنان وتذكري انهن يعانين من التشتت الاسري فاتقي الله ليصلح حالك وحاولي ان تعودي كما كنتي ولكن بدون خضوع وغباء ولكن بفطنه وذكاء اكسبي قلب زوجك املأي حياته سعادة انسيه همه هو محتاج لان ينسى همه وجرحه القديم وهذا يتطلب سنوات فاصبري وتذكري ان العاقبه للمتقين اختك نواره |
للرفع
انتظر رايك اباحكيم |
أختي الفاضله ..
أعتذر لتاخري بالرد لانشغالي بعض الشيء هذا الإسبوع , وأعتذر لك مقدماً إذا كان رأيي سيزعجك . مشكلتك مع زوجك لها ثلاث محاور .. 1- مقارنة تعامله معك بتعامله مع طليقته .. طليقته كانت زوجته وأصبحت الآن ماضي وانتهى ولا حق لك بمقارنة نفسك بها , وطلبك العدل فيما يفعل لك وما كان يفعل لها لو لم تكن مطلقة , وإنما زوجة أخرى , لحقت لك المقارنة وطلبك العدل ولكن بما أنها مطلقة , فأمرها انتهى وهو من حقه أن يصرف عليك بما يحققك كفايتك , وبما يتناسب مع دخله حتى لو كان يصرف عليها مئات الالوف . زوجك لم يغير الأثاث , وإنما فقط غرفة النوم , وأنت لم تشترطي عليه تغيير الأثاث , وهنا أنتهى دوره بتوفير السكن المؤثث لك , ولكن حاولي معه بالحسنى والكلمة الطيبة أن يغير الأثاث إذا تحسنت ظروفه , وأصبح الأثاث بوضع يستدعي التغيير . زوجك حرمك كثير من الأشياء الأخرى مقارنة بها , من سفر وأجهزة وخادمه ومجوهرات ... الخ وأنت قلتي أنه كان يتسلف من أجل أن يسفرها ويدلعها إذا كان تصرف معها بهذا الكرم , ليس من الواجب عليه أن يتصرف معك بنفس الكرم والسبب لأنه مديون وربما يسدد دينه , وربما رأى نفسه أنه فرط كثيراً بالمادة فأصبح أكثر حرصاً عليها وأصبح ينظر للمستقبل باهتمام أكبر , ولا بد له من يبدأ بالتوفير , كما أنه ليس واجباً عليه أن يحبك كما أحبها , ولكن المهم أنه قائم بمصاريفك وواجباته تجاهك . أختي الفاضله .. أنت تزوجتي زوجك بوضعه الحالي , ولا علاقة لك بكيف كان في الماضي , ولا أراه غير عادل كما ترينه أنت . نفقته على بناته ليست بالمبلغ الكبير ألف ريال للبنتين , يعني لكل واحده خمسمائة ريال في الشهر وماذا يكفي هذا المبلغ ؟ طعام وشراب .. ملابس .. ترفيه ... الخ في الحقيقة هو مبلغ زهيد جداً , كما أن طليقته من حقها أن تطلب نفقة منه لأنها حاضنة لبناته ورغم ذلك لم تطلب , أو أنه رافض يرسل لها , لا أدري بالتحديد وإذا أرسل لبناته زيادة في المناسبات , فهذا شيء طبيعي في المناسبات . من ناحية صرفه عليك .. على زوجك ألا ينظر لما بقي معك من مهرك , واطلبي منه حاجتك للملابس في المناسبات وغيرها بحدود المعقول . 2- ذكره طليقته باستمرار .. أطلبي منه بحزم عدم ذكر طليقته بأي شكل كان , سواءاً بأمر إيجابي أو سلبي وألا يمدحها أو يذمها أمامك , وإذا ذكرها لا تتجاوبي معه إطلاقاً , واتركي له المكان فوراً . 3- وعوده وعصبيته .. بما أنه لا يفي بوعوده , إذن عندما يعدك بأمر ما قولي له لا تعدني ولن آخذ كلامك بجدية لأنك لا تفي , وربما هذا الإسلوب سيجعله أكثر حرصاً على الوفاء أو لا يعد إلا بما يستطيع الوفاء به , وذكريه أن الوفاء بالوعد من شيم المسلم الصدوق وأما العصبية .. لا تتجاوبي معه عندما يعصب ولا تناقشيه بأي أمر فالمناقشة وقت الغضب قد تؤدي للندية والعناد وهذا يؤدي لقول كلام جارح ( من كلا الطرفين ) الحل .. دعيه حتى يهدأ ثم قولي كل ما تودين قوله بهدوء . وفقك الله . |
| الساعة الآن 09:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©