|
لم أستطع التأقلم مع مدرستي ولامعلماتها وطالباتها
السلام عليكم ...
عندي مشكلة وأتمنى ألقى ردود حكيمة تنور لي طريقي ... السنة الماضية .. تم تعييني معلمة في مدرسة ثانوية ... وكانت أيام كئييييييبة في تلك المدرسة ... وكل ماشكيت لأمي أو أي أحد يقولولي : توك جديده ومابعد تأقلمتي ... وكنت أقنع نفسي بهالكلام ... الى أن صار لي شهر ونصف تقريبا ... بعدها جاءني ندب لمدرسة ثانوية أخرى .... ومن أول يوم داومت في تلك المدرسة وأنا أحس بارتياح نفسي عجيب واستقراار ... فخامة المبنى .. رقي التعامل ... النظام التام ... طالبات مهذبات ... اتساع الفصول واعداد الطالبات مناسبة جدا ... المعلمات في استقلالية ... كل معلمة لها مكتب خاص .. وكرسي خاص .. ( مو زي مدرستي الاولى ثنتين يجلسون وثلاثة يوقفون من ضيق الغرفة وقلة المكاتب ) النظام مرررررضي جدا .. وفيه عدالة وحكمة .... وتعرفت على مجموعة معلمات جدد في سني ... وانضميت معاهم ... استفدت منهم كثيييييير .. نبوح لبعض بكل شي .. واكتسبت منهم خبراات .. وغير كذا كل يوم ضحك وسوالف ممتعة ..... فكنت أداوم يوميا بدون غياب ولا تأخير ... وشعرت باتساع الفرصة أمامي للإبداع واظهار مواهبي وقدراتي وبالفعل استطعت التميز .. ... مضى فصل دراسي كامل ... وبعدها رجعوني لمدرستي الأولى ... فعادت لي الكآبة من جديد ... لم أستطع الانسجام مع المعلمات !! أشعر بأني أجلس مع صديقات أمي أو جدتي ! كلامهم وسوالفهم كلها عن المشاكل والامراض والتعب ...أو عن السياسة وسقوط الحكام .. أو حش وغيبة بالمعلمات ... أو تعليقات ومزوح تدبل الــتسبد .... أففففففففف بس وغير كذا أحس اذا جيت أسولف معاهن ... يناظرن لي نظرات !!! أرجع لنفسي وأحس ان سوالفي غلط ..... أو مااعرف أسولف أصلا ! أحاول أحاكيهن وأتماشى مع عقلياتهن ... برضو غلط ... بالأخير صرت أسكت وماأسولف معاهن ... لكن إلى متى ؟؟؟؟؟ مضت أيامي على هالحال .. مرات أتهرب منهن .. ومرات أسولف أي سالفة .. ومرات أجلس مستمعة .... صرت أكره يكون عندي حصص فراغ ... أتمنى يكون كل يومي حصص ... عشان ماأدخل غرفة المدرسات ... عجززززت انسجم معاهن وربي عجزت ... حاولت أغير مجموعتي بس صعبة شلون أدخل فجأة معاهم .. وأنا طبيعتي أستحي .. الا اذا أحد أخذني بأيدي ودخلني معاهم بالغصب ... وقبل يومين جتني وحده من المعلمات .. هي حنونة واخلاقها عالية .. بس مشكلتها دايم بالادارة ومشغوووولة على طول ماتفضى ... وقالت لي : وش فيك هالايام أحسك صايرة حزينة وهادية ... وكأنك تخفين شي بداخلك أو منتي منسجمة مع اللي حولك .. وبصراحة مو بس انا قلتها كثيير من المعلمات لاحظو عليك الهدوووء بشكل مو طبيعي ... )) بصراحة تضايقت من ملاحظتها لي .. لاني ماحبيت أحد يراقبني بالرايحة والجاية .... المهم صرحت لها وقلت لها اني مو منسجمة مع هالمدرسة كلش لا مع المعلمات اللي ماأحس بأي انسجام معاهم من أول يوم داومته بهالمدرسة ..ولا مع الطالبات اللي تتجاوز اعدادهم في الفصل الواحد 50 طالبة !!! فقالت لي .. شوفي حبيبتي ... مافي احد مرتاح بعمله ... بس لازم نحاول نتأقلم ونمشي امورنا ... والمهم هو تأدية الواجب على أكمل وجه وخلاص .... مو ضروري نكون مستمتعين مع زميلاتنا بالعمل ... مشي حالك ومو لازم تلقين معلمات بسنك أو مثل طبعك .... ادخلي مع الكل وخليك على طبعك ..الخ أنا مااقتنعت بكلامها ....... انهيت الموضوع معاها وغيرت السالفة ... بصراحة ضيقتي بهالمدرسة تزيد يوم بعد يوم ... اتمنى يجيني نقل لمدرسة أخرى ياااااااااااااااااااااااااااااارب .... وربي كرهت مدرستي هذي كررررررهتها .. أصلا من أول يوم دخلتها وانا حاسة بضيقة وعدم ارتياح وماااااأصدق نفسي لما يضرب الجرس عل البيت آآآآآآآآآآخ فكه ,,, ساعدوني ايش اسوي ؟؟؟؟؟؟؟؟؟؟؟؟؟؟؟؟ |
أختي أنتي أخذتي في تفكيرك من أول يوم دخلتي فيه هالمدرسه عدم حبها وعدم أقنتناعك فيها وطبيعي أنك راح
تتضايقي وتكرهي كل شيئ فيه صله بهذي المدرسه صدقيني لوأخذتيها من البدايه بطولت بال راح يكون الوضع عندك طبيعي الله يوفقك يامربية الأجيال اللله يعينك ويوفقك يارب وعقبال نسمع الأخبار الزينه يارب .....شااااب |
اقتباس:
بس المشكلة نفسيتي حاليا اصبحت تتدهور يوم بعد يوم لاني كرهت هالمدرسة خلاص والله حاولت اني أتأقلم واعيش الوضع عادي بس ماأدري شفيني ؟؟؟ وربي صرت افكر بالغياب واحيانا بالفصل .... بس اقول خلني اصبر يمكن يجيني نقل عن قريب .. الله كريم اييييييييه الله يعين |
يمكن المدرسة التانية تعلقتي فيها بسبب الطالبة اللي كتبتي عنها من كم اسبوع ؟
مجرد احتمال .. !!؟ و رد زميلتك هذا احسه معقول و معاها حق، مادري ليه مااقتنعتي لكلامها ؟ فقالت لي .. شوفي حبيبتي ... مافي احد مرتاح بعمله ... بس لازم نحاول نتأقلم ونمشي امورنا ... والمهم هو تأدية الواجب على أكمل وجه وخلاص .... مو ضروري نكون مستمتعين مع زميلاتنا بالعمل ... مشي حالك ومو لازم تلقين معلمات بسنك أو مثل طبعك .... ادخلي مع الكل وخليك على طبعك ..الخ |
ليش تفصلين :(
انتي اصبري يمكن تنقلين مكان أفضل و اذا على المدرسات مو لازم تسولفين معهم اشغلي وقتك اقري قرآن او كتب في وقت الفراغ بالدوام ودي لابك معك و تصفحي منه و استفيدي :) أو اشغلي نفسك بانشطة بالمدرسة مع الطالبات .. مسابقات مثلا http://www.66n.com/forums/images/icons/mama2.gif و انتي الربحانه وش تبين تسولفين معهم دام سوالفهم حش و تقطيع بخلق الله و تشيلين ذنوب :d |
اقتباس:
اصلا هذيك الطالبة قطعت علاقتي معاها تماما ... لاني انتقدت نفسي بعدما فكرت زين .... وحسيت انها علاقة مو لايقة بمعنى اصح ... انا تقريبا اللي مخليني اكره هالمدرسة لاني تعرضت فيها لمواقف كثييرة بحكم اني دخلتها وانا جااااااااهلة تماما وماعندي اي خبرة بالعمل ... والادارة ماعندها اي أسلوب مافي تفهم لوضع المستجدات في العمل ... ومافي احتواء لهم ..... ماعندهم غير التهميش والفضاضة بالاسلوب وحتى المدرسات بدويــــات ماعندهن ثقافة ماعندهم غير السخرية وينبسطون كل ماجتهم وحده جدييييييدة ,,, وغير كذا مافي نظام ومالي مكتب خاص ولا كرسي عل الاقل والغرفة ضيقة وازعاج والطالبات عددهم فوق 900 والادارة عنصرية ناس وناس .... وابشع من كذا المدرسات وخصوصا المجموعة اللي انا معاهم ..... ماقدرت انسجم معاهم ابدا ومازالو يحسسوني اني غريبة ... حتى لو سولفت وصارحنهم بكل شي ... يمكن لاني ماني على هيئتهم لا باللبس ولا بالشكل ولا بالكلام ........ ماادري !! وكل سواليفهم ماتعجبني .. ويتكلمون على جنب عيني عينك ويقزون بالنظرات !!! |
اصبري اخيتي و ان لم تستطيعي تصبري و تقوي حتى يفرج الله عليكي بالنقل و التغيير و الله انا ايضا اعاني الامرين و نحن ندرس في جامعات مختلطة و التخصص جله طلبة ذكور و الزملاء مؤديين بطريقة بشعة لكن اعزي نفسي بضرورة بناء شخصيتك و كسب الخبرة فهدا ابتلاء و يجب ان تنجحي فيه و لا تتركي لهم المجال لكسر نفسك و مستقبلك و ليس من الضروري الجلوس معهن يمكنك قضاء اوقات الفراغ في اشياء اخرى كثيرة
لا تحتكي الا بالمفيدين لكي و اعانك الله عليهم و على نفسك و لا تتخدي قرار على ظرف يمكن ان يتغير في اي وقت لكن القرار تبقى تبعاته بالتوفيق |
حاسه فيك والله لانه صا معي نفس الشيءوالله
|
الله يعينك ويصبرك ياررب والله وضع صعب جداااا انك تجلسي في مكان بي دي الطريقه لكن زي ماقالتك المعلمة ادي دورك ووقتك الفراغ اذكري الله او خدي قصص او كتاب مفيد واقري كانت عندنا دكتورة في الكلية ماشاءالله مستحيل انزل غرفة المعلمات ماالقيها الا ماسكة كتاب ووتثقف مع انو الوضع كان هادي وكل واحده مكتبها منفصل وفخم وو وعندي كمان في الدوام معلمات مايكلمو احد الا تقراء الا تنشغل بي تصحيح وبالنسبة ليا لو ماعجبنى الحديث الا يدوور اشيل نفسي وعلى الادراة اتونس من الوكيلة ولا مع اي ادراية اريح رااسي
|
بوقت فراغك...اشغلي نفسك بأي شي بعيد عن المعلمات... اجلسي بالمكتبة..أو عند الوكيلة او المرشدة..او اشغلي نفسك بتصحيح والتحضير
وابعدي عنهم وارتاحي لين تنقلين من هالمكان |
| الساعة الآن 10:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©