|
الصداقه....
السلام عليكم ورحمه الله وبركاته احترت شنو اكتب عنوان الموضوع...غدر صديقة او خيانه صديقه او كذب او او انا افكاري مشوشه وماادري كيف اتصرف وكيف انهي الموضوع .... راح اقولكم الموضوع كله.. قبل اسبوعين جات عمتي الكبيره لأمي وقال لها ان بنتك طلعت علي كلام قوي .. امي قالت لها اي بنت؟ قالت الحائــــرة... قالت لها وش الكلام الي قالته عنه بنتي وقالت لامي الكلام كله... جات لي امي وقالت لي انا طبعا الكلام كله ما قلته ومستحيل يطلع مني كلام قووووي كذا ع عمتي انا بنفس اللحظه اتصلت لعمتي وقلت لها انا ما قلت هالكلام ياعمه قالت الكلام وصلني من زوج بنتي قلت لها طيب ووزوج بنتك من وين له هالكلام؟؟؟ قالت انا بشوف من المصدر وبقول لك قلت لها انا انتظر اتصالك.... طبعا قبل يومين عمتي كلمت امي وقالت الكلام من صاحبة بنتك(وذكرت اسمها) البنت قالت لاخوها واخوها قال لزوج بنتي هالكلام.. امي بنفسها اتصلت للبنت وكلمتها والبنت حلفت انها ما قالت هالكلام وان انا عمري ما تكلمت ع عمتي.. قالت امي لصاحبتي بس عمتها تقول الكلام من اخوك قالت صاحبتي مستحيل انا بكلمه وبرد لكم خبر ومستعده اواجه عمة الحائره واقول لها ان الحائره ما قالت الكلام هذا كله... وكلمتها انا بعد واقسمت بالله انها ماقالت هالكلام كله وان كل الموضوع كذب بكذب اليوم رسلت لي ع الواتس اب انها كلمت عمتي وان عمتي نكرت الكلام كله وقالت ان هذا كله ما صار وان انا كذابه والموضوع كله قصه مني ولما قلت لها بتصل لعمتي احين قالت لي مايحتاج ومالاداعي مشاكل وابعديني انا واخوي عن الموضوع لان مالنا شغل ووحاولت ان انا مااتصل لعمتي واسكت عن الموضوع وخلاص... انا اتصلت لعمتي وسالتها قالت لي صاحبتك اتصلت لي وقالت لي انا قلت لام الحائره والحائره انها ماقالت الكلام كله وانا اقول لك انها قالت الكلام هذا كله..ومااقدر اقول للحائره هذا الشي بس اقدر اقول لك انتي انها قالت... كلمت عمتي وفهمتها انها كذابه وعمتي صدقتني لاني بنت اخوها وطبعا انا مصدقه كلام عمتي بسبب ولدها شيخ اتصل لابوي وقال له الموضوع كله وقال يا خالي الولد سمع الكلام من صاحبه الا اهو اخو البنت وانا متاكد لان انا كلمت الولد وقال لي الكلام من اختي.. للعلم البنت اعرفها من12 سنه وكنت اقولها كل شي واعتبرها مثل اختي وماارضى عليها بكلمه وصار لي معاها موقف وصارت علاقتنا سطحيه جدا من 6سنوات بس ماتوقعت انها تكذب كذا علي وانا الكلام هذا ما قلته عارفه كلامي مو مرتب بس والله مو عارفه كيف اتصرف مع البنت اسكت عنها وخلاص او اتصل لها واواجها اختكم. الحائــــرة... |
احذر عدوك مره ومن صديقك الف مره
ابتعدي عنهااااااااا |
القصه واضحه ومرتب الكلام ودااايما تصييير,,,,, من وجهة نظري قفلي على القصه مرررره وحده ... هذي الاكاذيب كل ماتتبعتيها كبرت دامها خلصت على كذا خلاص انسي ... وانشري على الواتس رسايل تهاني بالعام الجديد وانو بداية خير وتسامح ..هي حتندم من حالها وتعرف خطاها وانت اهم شي علاقتك مع عمتك تمام والباب الي يجيك منه الريح سده واستريح ...ونصيحه عااامه مو بخصوصك للجميع ياليت تخففون من الثقه الي نااادر وجودها بالعكس اذا تبين الشي ينتشر قوليه لصديقتك ..من غير التمليح ..والتأليف زي قصتك وغيرها من القصص والله يستر عليك ويدلك للصوااااب ... تحيااتي
|
اقتباس:
طيب برأيك مااكلمها بالموضوع ...؟ مشكوره |
اقتباس:
الي قاهرني ليه كذبت كذا تلعب من الجهتين كلام لي ولامي وكلام لعمتي .. كنت اثق فيها وصار لي فتره طووويله الثقه انعدمت بينا اصلا.. شكرا |
| الساعة الآن 10:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©