|
أنــا .. والفراغ القاتل !
السلام عليكم ورحمة الله وبركاته أسعد الله أيامكم بكل خير أخبار المطلقآت ؟ أنــا والفرآغ القاتل والله أحس إني تعبت طفشت من الفرآغ بتقولون لي : اقري اطلعي سوي شي بقولكم : أنا يوميآ ساعه أروح للنادي وأرجع للبيت ونصف ساعه أقرأء كتاب ونصف ساعه لشغل البيت <<< ماعندنا أطفال ولاشي يعني مـافيـه شغل كثير :d وباقي الساعات مدري وش اسوي .. النت ومليت منه ؟! ذهبت لحلق تحفيظ القران بسجل .. وقالوا لي : أنتهى التسجيل ! وظيفه ماعندي .. وعسى ربي يرزقني دورات الحمدلله عندي ( دورتيـن ) ومنتهيه من موضوع الدورات حضور محاضرات .. ماعندي وسيلة نقل على كيفي وبالنسبه للقران الحمدلله مو مقصره .. أقرأء بعد كل صلاة والأذكار مواصله فيهن وتفسير القرآن هذا كله بعد الصلاة ومع ذلك أحس بفرآآآآآآآآآآآآآآآآآآآغ :confused: الفرآغ بيقتلنــي .. يمكن يكون فرآغ عآطفي ؟ قولوا لي وش أسـوي ؟ كل أخواني وخواتي متزوجين ومنشغلين بحياتهم مابقى الا أنا .. وأحس إني مشتاقه لبيت وأسره وأطفآل بس طليقي حطم كل شي بدآخلي .. الله يسامحه وصرت ماعاد أحلـم لأن الفستان الأبيض لذته بـ الزوآج الأول .. ! أحس حيآتي صآرت مملـه ! :( |
انتقلت الحالة مني لك :d
لكن انتي افضل ماشاء الله قولي ( اللهم مازويت عني مما احب فجعله فراغا لي فيما تحب ) تصدقيني ذكرتيني به شكرا لك (اللهم اشغلني بطاعتك ) موفقه |
السلام عليكم ورحمة الله وبركاته
اخ يا اختي والله اجيتي ع الجرح وفتحتيه وهو مابعرف ليش مصر هي الفترة يفتح مع اني كنت متوقعة انه شفي حسبنا الله ونعم الوكيل حاولت اقرأ مواضيع فيها تفاؤل وجربت اكتب فيها لكن ما قدرت لما شفت موضوعك قلت هادا يلي بيمثلني الله يفرج عنا وعنك ويملى وقتنا بطاعة الله وذكره وبالحياة السعيدة والازواج الصالحين والذريات الصالحة التي تكون قرة عين لنا يارب يا من تعلم حالنا فرج عنا يا الله ما نحن فيه يارب فرج يارب فرج يارب فرج اختكم في الله ينبوع العطاء |
تعلمي برامج مثل الفوتوشوب سويتش ماكس ...الخ
طوري نفسك بالطبخ تعلمي هوايات جديده مثل التطريز او الكروشية التصوير الفوتغرافي اجلسي مع اهلك و سولفي معهم زوري خواتك و اخوانك |
أهلاً وسهلاً .. أختي الغآلية .. طيّب .. عندي لج فكرة .. ليش مآ تشتغلين في " البزنس " ..؟ بيآخذ وقتج كله .. أو : تكملين درآستج .. شرآيج ..؟! ** الله يقدّم لج اللي فيه الخير يآرب .. |
ندمانة حاسة فيك ياقلبي صحيح إني صغيرة ( على قولتهم )
وآنسة وموظفة .. بس والله حاسة فيك الفرآغ العاطفي يقهر ويؤلم تحسين مهما سويتي تبقين فاضية ربي لايشغلنا إلا بطاعته .. |
اقتباس:
هههه ايه تشوفين أنتي .. والله حالتنا حاله الله يصبرنا ( اللهم مازويت عني مما احب فجعله فراغا لي فيما تحب ) بالتوفيق لي و لك يالغلا |
اقتباس:
هلا بك يااختي امين الله يفرج عني وعنك .. الله يجزاك خير وعسى ربي يعوضني ويعوضك ويعوض كل مطلقه خير |
اقتباس:
أقتراحات جميلـه .. وأجلس مع اهلي بس مع ذلك فيه فراغ :d التصوير شطوره فيه بس وش أصور ووين أصور :d بعد الطلاق صرت ماأحب أزور أحد من أخوآني أو خوآتي او صديقاتي ! |
اقتباس:
آمين ويآك يآختي .. فكرة جميـله جدآ .. بس عطيني فكره لمشروع مـا ؟ درآستي خلاص بكالوريوس .. ومنتهيه ماأطمح لدرآسه أكثر أطمح للعمل أكثر |
| الساعة الآن 04:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©