|
مشكله خطبه بنت قد تقدم لخطبتها شخص تعرفه ويقرب لك
السلام عليكم
اصعب مافي المواضيع اختيار عنوان لها يطابق المحتوى عموما اود التقدم لخطبه فتاه قد تقدم لها شخص قبلي ويقرب لي جدا وحتى اني كنت عارف بان سيتقدم لهذه الفتاه وباركت انا له هذه الخطوه لكن الشخص بعد الرؤيه الشرعيه لم يجد ارتياح مع انه كان يود الارتباط بهم لانهم ناس مايتفوتوا وعموما دارت الايام دورتها واذا بي افاجا بان الاهل يقترحون علي التقدم لخطبه هذه الفتاه وكنت اقولهم شوفوا غيرهم لكن هذه المره الاهل قالوا لي فكر في الموضوع فانا اود ان اعرف اذا احد مرت عليه مثل هذه الحاله من قبل افيدونا واشيروا علينا بما يستجد لديكم وافيدونا بارائكم |
والله اني اشوف انه شي طبيعي ومافيها اي شي
وعادي جدا. وبعدين مجرد خطبه مو زواج يمكن لو زواج تصير صعبه بس انا اشوف انه جداا عاااادي وبالتوفيق |
يمكن ما عجبتو له وتحلى لك لانها من نصيبك
هو شافها النظره الشرعيه فقط ليه تعقدو حياتكم |
عادي يااخي مافيها شي
يمكن ربي ماكتب لك زوجة الا هي لاتعقد الموضوع هو خطب ومماصار نصيب خلاص تقفل الموضوع هل الي مضايقك بالموضوع انه شافها؟! |
انا الشخص هذا مرتبط فيه ارتباط قوي من ناحيه العرقه الشخصيه اة القرابه
والصراحه انا حبيت استشير حتى تتضح الصوره لدي يوجد لدي احد اصحابي شاف واحد الشوفه الشرعيه ووافق لكن اهل العروس رجوا عليه بعد الفتره بالرفض فالشخص هذا بيقولي انا اتمنى ان ماحد يزوج البنت هذي له علاقه في من قريب او من بعيد حتى لايتجدد تذكر الموضوع بالنسبه مع الفتاه التي تمنى ان يتزوجها في يوم من الايام يعني هل في الموضوع حساسيه بالنسبه للطرفين |
حصل لي نفس ماحصلك بازبط
بس اللي خطبها كان خالي ومتزوج امي خطبت لي البنت وطلع هو خاطبها من قبل وانا مدري وش السالفه رحت شفتها وعجبتني وحصل قبول من الطرفين وفجأه خش هالأدمي عرض وقال ليه تخطبها انا شفتها ومايصير قلت انت خطبتها ورفضو صح قال : ايه قلت خلاص ربي ماكاتب لك نصيب قال كيف تتزوج وحده انا شفتها قلت وانا صادق مافيها شي الحين انت خالي وخالها في مقام الوالد ... هو عمره 45 بس شكله تحسه 35 وبعد اخذ ورد سألته انت تحب البنت؟؟ قال ايه طيب لو اتركها تتزوجها قال ايه وتركتها وشرحت لأمي السالفه اني ما ابغى اخذ وحده .. في شخص خاطبها ونفسه فيها وما ابغى شي فيه مشاكل وانا تركت وكنت حاقد على انانية هالشخص ونذالته ... مع انه متزوج بس شوف كيف يخرب وصارت هوشه بينه وبين امي وعداوه الى الآن لايكلمو بعض والحين البنت مش متزوجه الموضوع صار له اكثر من سنه يعني خرب عليها الله لايوفقه لادنيا ولا آخره فاللي اشوفه توكل على الله وروح اخطب البنت واذا صار وفتح معك صاحبك الموضوع ومسوي فيها بينصحك لاتعطيه اهتمام ابد ترى فيه ناس مفسدين في ألأرض وانت انسى موضوع انه شافها شيله من بالك والله يكتب لك الصالح |
أخي الكريم..اذا كانت البنت مناسبه لمواصفاتك وأهلك استخر واتكل على الله
ووضعك مختلف عن قصه صاحبك اللتي ذكرتها وقصه العضو لاحب بعد اليوم حيث في حالتك الرفض كان من الخاطب نفسه وليس طرف المخطوبـة يعني هو لم تناسبه وليست بنفسه ولا يفكر فيها وهنا النقطة الأهم اتكل على الله وربما هي النصيب |
السلام عليكم ورحمة الله
اخي استخير ربك قبل تتقدم للبنت تم توكل على الله ادا كانت بنت اخلاق ودين فما تفوتها من ايدك. انت تقول بانه قريبك هو الي رفضها بعد الشوفة الشرعية هذا يعني انو مالو نفس فيها ولو خطبتها ما اظن ان راح يزعل لانه هو الي تركها بكامل ارادته. وربما هي من نصيبك لذالك لم يكتب لها الزواج بقريبك . اخي هل سالت قريبك لما لم يرتبط بها رغم انه يقول عائلة لاتفوت ؟ هل قريبك تزوج ولا لا؟ |
لا اري فيها اي حرج
يعني إذا انتي تشوفها ذو تدين واخلاق ليش لا?? |
ما ادري
اذا البنت تستاهل هالتضحية تقدم من وجهة نظري اشوفها تضحية كونه شافها , ودخل عليها بنية الزواج , وفكر فيها وتخيلها ويمكن يروح يحكي فيها بعدين اذا صارت زوجتك , ويتذكر ملامحها و...و.. يعني كل هذا شيء مو بسيط |
| الساعة الآن 05:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©