ابغى نصايحكم في بعض الامور اللي ترفع ضغطي
 

تجيني مضايقات ترفع ضغطي من سلفاتي ومن بعض الحريم واحسهم يتعمدون تشويه سمعتي باي طريقه فمدري كيف اتصرف معهم لاني ماابغى مشاكل وحركاتهم مستفزه زي مثلا يسبون لبسي عند اخت زوجي يسبون عايلتي عند ام زوجي ويكررون الانتقاد وقدامي كمان وانا موجوده مع ان اهلي صيتهم الحمد لله واصل للسما بس يبغوا يحطوا فيني عيوب بالقوه يعدوني مايسلمون علي متقصدين ولايسولفون معي مع ان مافي اي مشكله صارت
واللي يرفع ضغطي ان اخت زوجي كل كلمه تروح تقولها لزوجي وتخبره بكل شي وفيه حركه بايخه سووها بنات خالتي تخيلوا لما ملكت اليوم الثاني في الصباح راحوا لاخت زوجي وجلسوا يسبوا في فستاني عندها ويتريقوا على مكياجي عندها وهم عارفين انها تقول لزوجي كل شي مع ان الموضوع قديم بس الى الان ماقدرت انسى ذي الحركه يعني يبغوا زوجي يفسخ الملكه ولاشو بالضبط؟؟ المضحك في الموضوع انهم ماحضروا الملكه اصلا فكيف عرفوا بالسرعه ذي لون فستاني ومكياجي
على الرغم من اني مسالمه جدا ولااحب المشاكل ابدا وكانت علاقتي فيهم من احلى مايكون ولوما اخت زوجي بنفسها قالتلي ماكان صدقت هذا الكلام
ابغى رايكم كيف اتعامل مع الحركات البايخه ذي انا والله اعتبركم مثل اخواني واخواتي فلاتبخلوا علي ارجوكم وشكرا ؟؟
احس كبرت بعض المشاكل بشكل كبير وبدات تاثر على علاقتي مع زوجي؟؟

لا يرمى الا الشجر المثمر

هم محترين وغيرانين

وعندنا مثل بالكويت يقول الحقران يقطع المصران

حقريهم ولا جنج سمعتي او شفتي


والله يبارك لك

اختي ادعي بالليل ان ربي يشغلهم بنفسهم ويكفيك شرهم واذا تكلموا فيك وانتي جالسه قولي فوضت امري الى الله والله بصير بالعباد
وطنشي ترا الدنيا ماتسوى اهم شي زوجك واسرتك وغير كذا لايهمك ابدا

غلاتي هدوء

استعيني بالله واساليه بصلاتك ان يكفيك اياهم بما شاء تعالى
وان ينصرك عليهم نصر عزيز مقتدر

وغير كذا حاولي ما تشوفينهم كثير ولا تجتمعين معهم كثير
وان شافوك خليهم يشوفونك شيك وانيقة وفوق هذا سعيدة وعفوية
وباجمل حالاتك ..

الله ييسر امورك يا رب ويكفيك شرهم

....

خطأك الوحيد انك تنصتي الي أخت زوجك وهي بفعلها هذا تمشي بالنميمه بينكم وما أدراك انها لا تقوم بنفس العمل معهم وتكرههم فيك
ربما تريد ان تكون المفضله عند الجميع

نصيحتي لك
اولا حاولي التودد الي اسلافك وادفعي بالتي هي أحسن ولو باحضار هديه
احرجيهم بأدبك وذوقك

لا ترمي أذنك الي النميمه وذكريها بالله حتي تتوقف عن هذا الفعل

لا تخشي شئ فان الله يدافع عن اللذين ءامنوا