ابنائي بين عقلي ,,وقلبي
 

السلام عليكم ورحمة الله وبركاااته

انا انظميت لكم وانا متابعه لكم جميعا وكل شخص منكم حبيت فيه احساسه وحبه لمساعدت غيره

مشكلتي هالمره غير
انا قلت لاولادي اني انفصلت عن ابوهم والحمد لله تقبلوا الموضوع بطريقه ماتوقعتها ومااثر فيهم
مشكلتي الحين
ولدي وبنتي في المدرسه اكتشفت ان ولدي يتعرض لمضايقات من اولاد اكبر من ضرب وتحرش
انصدمت كثير وبديت اسأل واستفسر عن الحاره اللي ساكنه فيها
ولو تدرون ايش اكتشفت الموضوع وصل لتحرش جنسي بين شباب كبار واطفال في الابتدائيه ,,
صرت في هم من لما يطلع ولدي وبنتي الصباح الين يرجعوا
المدرسه لبعد مسافه بسيطه واولادي يرافقوا اولاد اخوي
بنتي اتطمن عليها اكثر لان معاها بنات كبار
بس ولدي اللي معاه صف ثالث وهو صف اول والاثنين يتعرضلهم اولاد يضربوهم
عرفت من جارتي ان ابنها واحد حاول يغتصبه
ومره ولدي يقول واحد يقوله تعال معاي السياره واعطيك فلوس ويقوله انت حلو وكلام مرعب
انا نبهت ولدي لكل هذي التصرفات وقلت مايقرب من احد ونبهته للتصرفات اللي غلط يسويها احد له بس كمان مو متطمنه ومافيه احد اقدر اخليه يرافقهم
عقلي يقول خليهم يعيشون مع ابوهم اامن لهم على الاقل هو يوصلهم باب المدرسه ويرجعهم واعرف ان ابوهم بيخاف عليهم ,,الحمد لله ان ربي زرع حبهم في قلبه
بس انا ماراح اتحمل بعدهم ولو هو مصلحتهم بس قلبي مايطاوعني
وكيف بيكونون بعيد عني ,,كيف بتكون نفسيتهم,
الصغيره ماراح اتخلى عنها لانها بس سنتين ونص
بس ولدي وبنتي اللي بالمدارس اخاف يكرهوني لاتقولون خلي الولد مع ابوه البنت معك لا اناابغاهم مع بعض سوا عندي او عند ابوهم لانهم الحمد لله قلوبهم على بعض
انا سالتهم قالوا احنا نبغى ندرس عند بابا لانه في مكان حلو وفي الاجازه نجي عندك ,,بس ياترى هم بعمر يقدرون يقررون ابوهم في مدينه مو بعيده ساعتين بينا واهله يسكنون في حارتنا واكيد كل ماجاء لزيارتهم بيجيب اولادي عندي وهو من قريبنا بعد
ادري كلامي ملخبط بس ذبحني التفكير
مابي اضلمهم وابعدهم عني ومابي يتاذون ؟؟؟

ليه ما تقدري توصليهم بايدك للمدرسه
ليه ما ترافقو اولادكم للمدرسه وتنطريهم على الباب ويرجعو معك

ومن ثم جربي شهر ينتقلو وشوفي كيف

طالما انو ابوهم حنون وطيب مثل ما تقولي خلاص

ثم يوجد النت والويب تشوفيهم كل يوم وتتابعي معهم

الفكره حلوه لان تقولي ابوهم حنون وهيك الحمل يخف عنك تعطي لنفسك فرصه للراحه النفسيه والاولاد يتقربو من ابوهم

بالتوفيق

مشكوووره يالغلاااع المرور
بس مااقدر اوصلهم كل يوم
كيف اوصل ولدي لمدرسة اولاد مره صعبه الناس مابيتركوني بحالي
واخواني مايسمحون اتوضف كيف بيسمحون اطلع كل صباح وضهر واحنا منطقتنا كبيره بس نعرف بعض كلنا مو مثل المدن يمكن تمشين محد يعرفك
كيف بترتاح نفسيتي وهم بعيد عني مااظن بحس اني ضلمتهم مع اني بقدر اتواصل معاهم على طول بس كمان احسهااا صعبه,,,محتااااااره

اختي اذا فيه امكانيه ترجعي لابوهم ارجعيله وربوهم سوا
ابغا اذكرلك موقف حصلي اتفقنا على الطلاق وبرغبه منه ورحت لاهلي وزي ماقلتي شلت هم الاولاد والمدارس واشياء كثيره فاتصلت عليه قلتله لازم نرجع لبعض فالبدايه رفض وبعد محاولات قلتله لاحب ولا غيره اهم شي يتربو اولادنا بوسطنا والحمد لله رجعنا وسارت الامور تمام والحين هم كبار مشاء الله فضحيت باشياء كثيره عشانهم

يااالله
انقليه مدرسه ثانيه وخلي واحد من اخوانك يوديه ويجيبه
واذا اخوانك مو فاضين شوفي له باص ياخذه من باب البيت ويرده عند الباب وتعاملي معه بالشهر
وياكثر الباصات اللي كذا لكن تودينهم عند ابوهم صعبه شوي لانهم صغار وماراح يفهموا قصدك خلي هالحل اخر شي
الله يحفظهم ويخليهم لك

مع هدا الراي

اذا قدرت ترجعين لأبوووهم وفي بيئه أسلم أفضل مية مره
الضرر القليل أفضل من الضرر الكثيييير
قصدي لو العيشه مع ابوهم فيها اذى تظل اسلم من العيشه اللي فيها خوف من التحرشات وعدم الامان

ارجوك ضحي عشان اولادك وارجعي لابوهم افضل لهم

ارجوك ضحي عشان اولادك وارجعي لابوهم افضل لهم
كلام سليم وربي راح يعوضك خير فيهم