|
اشترطت طلاقها قبل ان يتزوج عليها ..!!
السلام عليكم ... احتاج لأرائكم الموضوع مثل اللي بالعنوان تقدم لي شخص وكان صريح جدا تكلم عن مشاكله مع زوجته بينهم مشاكل وقال لها بتزوج قالت اليوم اللي تملك فيه ترسل لي ورقة طلاقي ..!! ياربنا اش دا :( مدري .. انا ابي اتزوج لكن اكيد انه ماهو على حساب طلاق وتشتت أطفال غيري لأني مطلقه ومجربة بعد الضنا قال انه خطب قبل كذا ورفضوه لنفس مخاوفي .. الناس تفكر بضمير مهما كان ساعات أفكر اقول ليه ما طلقها من قبل ما يخطب اذا كانت المشاكل بينهم جدا منفرة وساعات أقول يمكن ماديته ما تسمح لبيتين ف ما يبي يطلق قبل ما يضمن حرمه :) يااخي وش دا الرجال يفكرون في حاجات ثانية مره ولا انا تفكيري اهبل فكرو معايه و قولولي ابغى اسمع اراء ثانية طبعا اهلي مثلي مترددين يشوفون الادمي كويس بس ما يبغون يهدمون بيت قائم ابويه يقول رزقك بيجيك واتركيك من دا وامي عاد ما أدراك ما مامي .. تبغاني اتزوج تقول يا بنيتي استخيري انتي وهو ان ما اخذك بياخذ غيرك .. بنات المنتدى .. لا ترفعون ضغطي وتتفلسفون اذا وما اذا ابي راي حكيم تفكير كذا مزبوط 1+1= 2 رجال المنتدى .. وش نظرتكم للرجال اللي كذا أو بالأحرى ليه ما يطلق ثم يخطب طبعا انا ما سألته السؤال دا المفروض ما غاب عن بالي لكن تونا الموضوع بأوله ف لكن ما نستغني عن العقول النيرة اللي هنا :25: ايوة قبل لا انسى : فيه سؤال يقرقع في بالي يمكن مو وقته بس خذوني على قد عقلي وعلموني ليه القسم هذا اللي يعج بالمطلقات والأرامل كذا عنوانه قسم المطلقات والارامل والمتأخرات ليه ما تعدلونه يتكتبون المطلقين والمعددين والشياب بما اني قريت معاناة الرجال اللي مطلق واللي معدد يعنو انتو كذا توحون لعقولنا الباطنة اننا اكثر منكم وهو لو ما انتو ما صرنا مطلقات :) يعني معناته متساوين بالعدد مــع الـتـ ح ــيــة |
وعليكمْ سَلآمُ الأبرآر وآمناً من الرحمن يدثركِ حتى حين ..
انا جداً أقولك مسألة هالموضوع حسآسة ولا يوجد أي أمرأه ترتضيه على حسآب مصلحة غيرها ؛ وفي المقابل بعض الرجال عشآن يسلك الموضوع يقول في مشآكل و و و و الحرمة ترآهآ تضعف عند هالشَئ حتى لو تكره زوجهآ بتقول تطلقني و و و كله تهديد عشآن مآ يتزوج عليها لآن بجد مهما تقوى المرأه نقطة ضعفها هالشَئ ؛ لكن في النهاية تقبل وترضخ للواقع و تقول خلآص أنا بجلس عشآن عيالي ولا ياعمري عشآن الاتنين .. آنآ بصرآحة مآ عندي أي حل بس آستخيري كثير وربنا يسخر لك اللي فيه خير .. وصدقيني نصيبك رآح تآخذينه سوآءاً هو أو غيرهـ >> آحلى صرت آكتب بالعآمي ^^ .. بالتوفيق عزيزتي والله يكتب لنا ولك الفردوس .. غاية المنَى .. |
اقتباس:
يعني ألحين الرجال وش يفرق عن الحرمه إلا من ناحيه الزواج عندنا وإلا وش ناقص الحرمه شغل بنشتغل وبنطلع غنيات وحياة بنعيش بلا رجال وش يعني بيصير بنموت مثلا لكن النصف الأخر وهو الرجال سبب مشاكل الحريم وغثاهم وكل هالقسم ومن أوله لين أخره ضحايا الرجال أسميهم وفيه نكته حلوه وصلتي علي الجوال شايب قالو له الحريم ناقصات عقل قال إيه لو فيهم عقل مابغونا:d >> وأنا أشهد :29: عموما شطحت برا موضوعك تعالي نحسبها دام أنتي قلتي 1+1=2 شوفي عزيزتي أي حرمه تقول لزوجها هالكلام طبيعي جدا خاصه إلي ترفض التعداد رفض تام زواجك منه لو ماوقع فيه طلاق ماراح يكون مستقر أبدا فيه زوجات تكون طيبه ولاعندها رفض قوي لتعداد فيه النوع الثاني وهاذي بتقبل حياتها وحياتك جحيم وبطلاقها المسؤليه كلها عليك يكفي لو ماتقبلك كل ماشافك أنتي سبب خراب بيته بالنسبه بينه وبينها مشاكل ماراح يقول إحنا تمام مع بعض مستحيل أصلا أغلب المعددين كذابين يطلعون علل في الزوجه اقتباس:
وشلون يضمن حرمه حلوه ذي بالعكس يطلق ويوفر فلوس ويتزوج والمطلق راح يلاقي ممكن بنت توافق عليه حسابك للموضوع غلط أتمنى لك التوفيق في حياتك لكن فكري زين قبل الإقدام علي هالخطوه وتذكري كثير من الرجال يعدد نزوه وفي أقرب فرصه يصحح غلطه علي حسابك إلا من رحم ربي وعنده ضمير ولو كان كذا راح يبرر لنفسه الله يوفقك ويكتب لك إلي فيه خير |
كل ،، حطي تحت كلمة كل ،، مليوووووووون خط ..
كل المعددين يقولوا ان بينهم وبين حريمهم مشاكل عشان كذا بيتزوج عليها يعني عقدة الرجل العربي ،، العيب مو منه لا من زوجته ...! اللي مو مهتمه فيه واللي يقول باردة و اللي يقول ما عندها اخلاق وووو الخ الأعذار و النتيجة كذب في كذب ..! لكن عشان عارف لو قال انه بتزوج كذا بس ، راح تخافي منه .. خذيها مني تزوجت مرتين من معددين : تراهم يلعبوا علي الحبلين ،، عليك و عليها ... لكن ياختي لفت نظري كلمتك لما تقولي ليش ما طلقها و بعدين خطب .. حرام ياختي ما يصير كذا ،، هي زوجته و ام او أولاده مهما كان بينهم و بالعكس لو طلق بيكون أناني و مو قادر علي إدارة بيته .. بتتزوجيه الله يوفقك لكن حطي ببالك : ان زوجته الاولي لها حق مثلك تماماً ، و مهما كانت لا يحق لك ان تطلبي طلاقها .. ان ثلاث ارباع كلام هذا الرجل غير صحيح لكن هدفه الزواج و التقريب بين الاثنين .. يعني لا تصدقي كل كلمة منه .. حقوقك و شروطك تدون بالعقد ضروري جدا و مؤخر كمان يحدد لك و يدون .. و قبل الزواج تنفذ الشروط لان بعد الزواج ما راح تشوفي شي .. الوعود منه لا تأخذيها علي محمل الجد ، لانها بمجرد الزواج راح تذهب إدراج الرياح ...! اضبطي أعصابك في كل ما يصدر من زوجك و زوجته و ابناءه لانك راح تتعرفي لكثير من المضايقات و القيل و القال و اللف و الدوران من زوجك ... تحكمي في غيرتك بشكل جيد ، و تذكري انك انتي من تزوج زوج ضرتك .. لا تقارني بينك و بينها باي شي أبدا لان كل وحده لها كيانها و حاجاتها المختلفة تقوقعي حرب ضروس في حياتك قد تخف مع مرور الوقت لكن لا تنتهي أبدا أبدا .. الله يعينك و يصبرك .. و يعين الزوجة الاولي .. ما مستفيد الا الرجل حسبي الله عليهم .. |
اقتباس:
ايوه على قولك حساسه .. بس ترى مو كل المعددين يقولون بنتزوج عشان مشاكل وخلافه قبل كذا خطبني متزوج وقال ان وضعي ممتاز مع زوجتي لكن ربي منعم علي وابي الثانية يعني مو شرط شاكرة وجودك يا لبقة .. وحلوووة عاميتك |
اقتباس:
بس تدرين وش اللي عجبني فيه .. انه ذكر طبيعه الخلافات بينه وبين زوجته , تتوقعين فيه رجال يذكرون وش نوعيه الخلافات !! يجيب الله مطر .. امين مشكورة على دعواتك يا أختي |
اقتباس:
لكن ماشالله تجربتهم حلوة ويمكن هم اللي خلوني أقدم على هالشي يعني مافيه احتكاك مع ضرتهم أبدا ولا شافوها ولا يعرفون اشكال عيالهم الثانين ولما الزوج يروح لبيته الثاني تعتبره وكأنه رايح للعمل واذا شافته متبهذل من الزوجه الأخرى أو تعبان معاها تذكره وتنصحه بما يرضي الله فقط بدون ما تستمع لتفاصيل حياته معها لانه بالتأكيد شي مزعج ومثير للغيرة والمقارنة .. وهاذي كها يبغالها صبر مو أي أنثى تتحكم في غيرتها :29: مشكورة يا أماني على نصايحك وكلامك استفدت منه الحقيقة ودعواتك طيبه .. |
أختي الكريمة سأرد على شكل نقاط وأتمنى أن تجدي فيها النفع الرجل حوله علامات استفهام متعددة من بينها ما طرحتيه :- - ما دام هو غير مقتنع بزوجته كزوجة لماذا لا يطلقها الآن ؟ ولماذا يُدخِل الزوجة الجديدة طرف في أسباب الطلاق ؟ أليس الفتيات -غالبا- يملن للمطلق أكثر من المعدد فخوفه الذي -افترضتيه- لا وجه له من الصحة من حيث الواقعية ؟ - الأمر الثاني لو على فرض أنه - يكذب- ولن يطلق زوجته الأولى , ويعزها ويرغب بها كزوجة -وهذا احتمال وارد جدا- فمثلا لو تمسكت برأيها هي اما الطلاق أو تطليق الثانية , وحصرته في زاوية ضيقة فمن سيطلق ؟ - زواجك على اثر طلاق الاخرى لن يكون مستقرا لفترة طويلة , وسيحتاج منك حكمة وصبر طويلين جدا لانك ستمرين بزوابع طويلة - لا يد لك فيها - , وقد يؤدي هذا الى إعراض زوجك عنك لانك كنت السبب بتهديم أسرته - هذا ما سيمليه عليه عقله الباطن - .. - تتوقعين ماهي نظرة زوج المستقبل لكِ لما يعلم أن قبلتي به على اثر طلاق الأولى ؟ هل سيراك الفتاة المثالية الرحيمة الطيبة ؟ - صراحة الرجل لهذه الدرجة وكلامه عن طلب زوجته للطلاق , أليست رسالة مبطنة لكم بأن ترفضوا تزويجه ؟ - التجارب التي ذكرتيها عن أزواج صديقاتك , لا تنطبق على كل المعددين , وهذا السبب الذي شجعك على التعدد , شجع صديقة مقربة لي جدا على الموافقة على معدد فكانت النتيجة مأساوية لها جدا , فأيقنت -بعد فوات الأوان - أن أزواج صديقاتها ليسوا كالذي تقدم لها وخطبها , فنجاح التعدد وفشله معتمد بالدرجة الأولى على صحة اختيار الرجل . - بالنسبة لي الكلام الذي قاله في الخطبة عليه علامات استفهام كثيرة حول شخصيته كرجل يصلح زوجا لي ويصلح كمعدد , وفيها مؤشر سلبي واضح .. - أخيرا : لو كنت مكانك لما قبلت به أبدا , فظروفه غير مطمئنة أبدا بالتوفيق |
اقتباس:
زواج مثل هذا فيه مجازفة .. ماالداعي لخوضها ! الله يرزقك فردوس الآخرة والدنيا : ) |
مُثيـر لـلشكـ . . !!
|
| الساعة الآن 03:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©