ده دورة أم نزيف ؟؟؟
 

بعد الولادة القيصريه جاءني نزيف شديد استمر لمدة أسبوع، وقال الطبيب: إن الرحم به دم كثير، وأعطاني (ميثرجين), وأدوية لتقليل الدم كـ (الهيموستات).
بعد الأربعين لم تأتِني الدورة؛ لأني أرضع طبيعيا بعد ذلك سافرت وكان السفر متعبا، وفي اليوم الثاني جاءني نزيف شديد, وذلك بعد شهر و10 أيام من الأربعين، واستمر نزول الدم لمدة 15 يوما بلا توقف، وقام الطبيب بعمل عملية تنظيف للرحم، وتوقف الدم لمدة 3 أيام فقط، وعاد نزول الدم مرة أخرى، فأعطاني (سترونات نور) ولم يتوقف, أعطوني (جينرا) وحقن( كابرون وديسنون وأمريك) ولم يتوقف الدم، ثم قام بعمل منظار للرحم, وكان نظيفا, ولا يوجد به شيء, ولا التهاب، وكانت نتيجة تحليل العينة التهاب في عنق الرحم وقال انه ده عادى وأعطاني الطبيب حبوب (ياسمين) مع الاستمرار في أخذ (الهيموستات), والمضاد حيوي، وقال الطبيب: لا يوجد سبب للدم، منذ 3 شهور لم يتوقف الدم، قاموا بعمل تحاليل: الغدة الدرقية, والحمل الرقمي؛ للتأكد من أنه لم يكن حملا عنقوديا, وكلها كانت سليمة, ولا يوجد أي سبب يرونه الدم أصبح ينزل بصورة منتظمة: كل 5 أيام يكون شديدا و5 تنقيطا, ثم 5شديدا و5 تنقيطا بدون توقف, ولو ليوم واحد، أحس أنها دورة, الآلام مستمرة وشديدة، والطبيب يقول: لا يوجد سبب, وقد تكون الرضاعة! بس انا اعرف لما هرمون البرولاكتين يكون عالى يحصل تباعد فى الدوره مش تقارب لان ده حصل معاى قبل كده .....جربت كل حبوب منع الحمل ومفيش فايده اخرهم امس اقترحت على دكتوره صديقه ليا انى اخد حقنة الديبوفيرا ممكن توقف الدم بس قالت انها ممكن تعمل نزيف جربي مش هتخسرى كده كده عندك نزيف ممكن تنجح الحقنه وتوقفه ولومنجحتش هيفضل الوضع زى ما هو و لو زاد مش زياده كبيره انا اساساً اتخضيت لانى ليا اكتر من حد بيشتكى من الحقنه دى ومش بفكر الجا ليها بصراحه خالص
ايه تفسيرالى بيحصل معاى؟ دورة و لا نزيف؟
انا حاسه انها دوره و فكرت اكترمن مره انى اتأقلم مع الوضع ده و خلاص لانى فعلاً زهقت
وهل سيستمر الوضع على كده؟؟؟؟

هما خدوا عينة من بطانة الرحم وعملولها تحليل انسجة؟

طلع فى التحليل ان فى التهاب فى عنق الرحم و برضه قال الكتور ان ده مش ده سبب النزيف

مش هو ده المقصود

في عينة بتتاخد جزء من بطانة الرحم ويشوفوها تحت الميكروسكوب يتعرفوا على تركيبة الانسجة

دي مهمة جدا ومش بتبقى واخدة ده بياخدوا من كل اركان الرحم


انت محتاجة دكتور شاطر شوية يديكي اهتمام اكتر

وهو ده الى حصل لان الدكتور قالى كده قبل المنظار انه هياخد من كل الاركان و لو كان فى حاجه كان قالها
بالعكس الدكتور مهتم بس هو مش لاقى حاجه يقدر يبني عليها التشخيص لدرجة انى تعبته جدااا معايا الفتره الى فاتت

طيب ممكن أشوف نتيجة تحليل الأنسجة ده ؟

Gross picture : Tissue fragments of curette specimen ( 1.5 cm )

Microscopic examination : The biopsy revealed endometrial tissue shows tubular contours of glands lined by columnar epithelium . the glands are separated by ovoid compact stroma . other are formed predominantly of cervical tissue which is the seat of subepithelial inflammatory cells and fragmented endocervical glands . no malignancy .


Diagnosis :
Proliferative endomertium with non specific cervicitis .

طيب كويس جدا انت دلوقت قدامك حل من اتنين

لو ناوية على حمل قريب الدكتور هايديكي هرمونات بجرعات عالية شوية لفترة وبعدين توقفيها

اما لو مش ناوية قريب انصحك تناقشي مع طبيبك خيار اللولب الهرموني خلي بالك الهرموني مش العادي

انا عايزه اوقف الدم
مع حبوب منع الحمل الى جربتها كلها كان برضه بينزل دم حتى لو زودت الجرعه
اللوب الهرمونى هيوقفه
و لا زيه زى حقنة الديبوفيرا ممكن توقف و ممكن تزود

اللولب الهرموني فيه ميزة مختلفة وهو انه بيطلق هرمونات بشكل مستمر وبدون توقف ده بيخلي بطانة الرحم تضمئل وساعات بيوقف النزيف

انا عاوزك تفهمي اننا لما مش بنلاقي سبب للنزيف -وده بيحصل في 30% من الحالات- مابيكونش في ايدينا غير الخطوات دي لاننا وجنا بالتجربة انها بتساعد في نسبة كبيرة منهم
طولي بالك بس شوية وشوفي مع طبيبك موضوع اللولب الهرموني