|
متى يكون الشاب جاهزاً للزواج ؟
مرحبا أخواني وأخواتي
أشكر من أعماق قلبي لكل من ساهم في هالمنتدى وشارك ولو بإبتسامه منتدى رآئع ويسعدني الإنضمام لكم ومشاركتكم الحياة هنا للموضوع أذهب يتبادر في ذهني كثيراً هالسؤال متى أكون جاهز للزواج !!! خصوصاً للشاب مثالاً: هل الإستعداد بمعرفة الحياة طولاً وعرضاً من زيارات وسفريات الخ اتكلم عن نفسي لعل أجد ما أبحث عنه في أرآئكم العمر 27 تقريباً الطول حد الـ 185 ولله الحمد والجسم ولله الحمد اوكي والراتب ستة وشوي ومنه الثلث قرض من البنك والمادية المتوفرة لا يوجد للمسؤولية أتحملها وقادر أفتح بيت .. بس بعدها الحياة بالقطارة وشغل دفتر وقلم وحسابات مو للعمر كله بس فترة مؤقتة عموماً لدي أحلامي العريضة وتطوير نفسي علمياً وعملياً وهذا بلا أدنى شك بينعكس على حياتي المستقبلية لكن أرغب بالزواج .. أنا وأنا صغير أرفض فكرة الزواج للرجل على عمر كبير سواً 30 29 31 الخ فكيف يصير الشي هذا فيني وأنا أرفض هالمبدأ ؟؟ المعوقات والتخوفات بالنسبة لي توفر السيولة المادية وهذا عائق الجميع لكن ممكن اتجاوزه بوجود زوجة متفهمه ومقدره وصبوره التخوفات تظهر لي زوجة ليست بما أطلبه ،، ليس شكلاً أعني لكن التفاهم والإنسجام يعني ما تطلع لي وحده ابي وابي وابي وتزود علي الهم هم ببساطه أريد تكوين عائلة .. أكون رب أسرة ولدي أطفال وزوجة مابي العمر يروح وأنا انتظر لتوفير الفلوس للزواج علماً أن القرض حتى ينتهي باقي عليه كثير الزواج تقليدي بيكون .. فكيف أعرف البنت غير معرفة الأهل جسدياً وظاهرياً لها !! علماً أني أطلب الزواج من عوائل بعيده عن الأقارب ،، بسبب أجواء الحساسية الخ هل الإستعداد للزواج للشاب يجب أن يكون فيها المال أولاً وآخراً !! ولا تشفع القدرة على تحمل على المسؤولية ومعرفة كيف الحياة تدار والصبر على المشاكل الخ الخ الخ ... بإختصار أنا من جيل يرى العلم وتطوير النفس وإعمار الدنياء لست من جيل ضياع الوقت مع هوايات الشباب المختلفة ولامبالاة لحوادث الدنياء العارضة التخوف يأتي من تجربة صديق لي بنفس وضعي والآن على وشك الطلاق بصراحة متردد من سنة ونص على الإقدام للزواج .. وأريد أن أحسم الأمر انتظركم |
اهليييين اخووي
موضوع بمحله واهنيك عالسؤال الزواج اذا توافرت فيك الشي المقبول من المجتمع فانتا جاهز بتقولي كيف...؟ بقولك مثلا موظف حكومي < هذي 1 براتب جيد وبنظري فوق الجيد يعني متوسط< 2 السمعه اهم شي <3 والباقي شي بسيط تجمعه او تاخذ قرض او تدخل جمعيه تقدمها كمهر وهالامور والباقي خلاص مايحتاجله شي وفي كثير على شركه متوظفين وبراتب 3 الاف حتى وفاتحين بيت يعني الزواج وانا اخوك وربي خذها مني ومن غيري دامك نويت الستر والحلال ربي معك ييسرلك كل شي ويسهلها ومافي اشياء محددة عشان تربطها تكون جاهز او لا بس الي ذكرته لك فوق هو السائد بين المجتمع والي جاهز والباقي عليك انت تستخير وتدعي ربك ببنت الحلال وربك مابيظلم عباده ومثل مانت خايف كيف تطلع البنت تأكد هي اكثر خايفه كيف تطلع انت وكيف اخلاقك وا وا وا وبالتالي النظرة وحدة بها الموضوع بس انت اقدم وانوي ودبرلك مبلغ المهر وخلاص الباقي سهاله تفرج من ربك والمشكلة الاساسية المال بعد الزواج قبل الزواج مابيقصرو معك المقربين منك وبيساعدوك ويوقفو معك بس بعد الزواج تبدء المطالب الاساسية وانت براتبك الله يزيدك كمان وكمان قادر على هالمسئولية وفتح بيت اما كيف تطلعلك الزوجه عاد انت وعقليتك ببتنازل عن اشياء او بتكون نظرتك دنيوية ابي جمال وجسم ودلع وغنج على حسب نظرتك انت الي تحددها بس اهم شي انت خاف الله فيها وعاهد نفسك انك مابتظلمها ولا تقصر معها وتقبلها مثل ماهي لانها كائن حساس ورقيق وبكذا انت ماسويت الا الي يرضي ربك والباقي هي وعقليتها بتقدر هالرجل او بتحترمه او او او شفت كيف الزواج سهل:) وبقولك على حاجه مهما كانت المرأه الي متخوف منها اذا بادلتها شعور المحبه والود صدقني وربي مابتبخل عليك بتبادلك اكثر واكثر وبتكون اسعد انسان ,, ولاتفكر بالجمال فكر باخلاقها هي واسلوبها يعني ركز عالداخل اكثر عشان ترتاح اما اذا عالجمال ترا يكون بعلمك كل زوج يرى زوجة فلان وفلان وفلان حلوه,, يرى يعني يتوهمله:d هذي نظرية مايختلف عليها اثنين :29: |
اقتباس:
أنا أرى الدين والأخلاق وأن تكون المرأة إجتماعية أولاً وليس هناك في العالم امرأة قبيحة أنا معك بجميع نقاطك ،، لكن يظل قرار يحمل ( - ) أو ( + ) لحياتي الوقت يسرقني ،، كل يوم أقول بكرا أصدقائي كلهم تزوجوا ورزقوا بأطفال ،، والجميع يسألني ياترى متى ؟ لذا يحمل السؤال اسم معرفي أحس مرات بالنسبة للي وضعه في وضعي من نقص المال أن عليه أن يقدم على الأمر واللي فيها فيها !! حرام والله حرام تجور الحياة وقسوتها على أغلب الشباب ولا يستطيعون تحمل تكاليف الزواج قبل وبعد شكراً لإضافتك قريت مان |
يارجال اذا عالماده ياشيخ وربي بتفرج لك وانت ماتدري
بس انوي واقدم عالخطبه ياعسا ربي يفتحها عليك من كل جها |
اقتباس:
بس متردد ،، ابي استوعب أكثر والله يجزاك خير ،، ويفتحها علينا وعليك يارب |
اوك
وانشاءالله البنات يفتحو عينك اكثر وعن مطالبهم وعن رجل مثلك بوضعك اسمع رأيهم ونظرتهم بشخصك الكريم من ناحية وضعك |
اقتباس:
تدري عاد اللي معه فلوس يكنسل كل هالكلام اللي قادع أقوله أنا وأنت من اليوم ههههههههههههههههههههههههه صدق من قال الفلوس تغير النفوس ثانكس |
لو معي فلوووس بتلقاني جالس عندك هنا اتناقش:d
بتلقى البيتقار تبعي يرد عليك وانا امليه بالكتابة دعااابه ياخوي :) بس تغير النفوس الا مارحم ربي |
اقتباس:
لو معي أنا فلوووووس بتتوقع أن بكون فيه موضوع أساًساً حتى تملي على خادمك يرد عليه :d هلابك أكثر |
اخي العزيز يا ترى متى
اولا فيما يخص المادة .. وبهالوقت صعب جدا الرجل يتزوج بدون دين صعب .. لابد من الدين خصوصا وان راتبك مو مرة عالي .. والاشكال مو بالدين على فكرة لان الدين تاخذه 3 اربع سنوات الا خالص .. وخلال الثلاث والاربع سنوات تجيك علاوات وترقيات ومالى هذا .. صحيح ؟ هذا غير طموحك الي بيخلي فرص ترقيتك تكون افضل .. فليش القلق ؟ الان انت عمرك 27 .. وتبي تتزوج بسرعة .. العبرة ليست بسرعة الزواج بل بالتوفيق فيه .. وجزء من التوفيق بان الشخص يخطط له تخطيط سليم .. بداية بطلب التواصل بالتلفون والتعارف على شخصية البنت قبل الملكة .. هذي اكثر الطرق مناسبة ليست كل العوائل ضدها .. هناك عوائل منفتحة من هالناحية بعدين وين الاشكال لو اخرت زواجك سنتين مثلا تكونين خلالهم خططت ماديتك بشكل احسن ؟؟ .. وخلال هالسنتين تكون باذن الله لقيت البنت الي تناسبك شكل وفكر .. لعل فكرتي تكون مقنعة |
| الساعة الآن 03:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©