|
مشكلة جديده مع زوجي وايضا بسبب الاطفال
السلام عليكم
انا تعبت من زوجي ما اعرف كيف يفكر ما كاني ام لاولاده كأني زوجة ابوهم الحكايه بدأت يوم الاربعاء نزلت عند اهله وجننوني الاولاد بحكم اننا كلنا كنا مجتمعين انا واخواته م اولادنا واولاد اخوانه المهم الكل عارف كيف الاطفال وقت التجمعات فوضى لاقصى حد المهم لما طلعت بيتي خاصمت الاولاد وقلتلهم بكره الي هو الخميش راح تكون حبسه في البيت ما راح تنزلون تحت ولا راح نروح بيت جدتكم ( الي هي امي ) هو يوم واحد في الاسبوع نروح لامي وحرمت نفسي وحرمتهم قلت عشان يكون درس لهم الي صار ان زوجي زعل ليش اخاصمهم واعاقبهم دائما يطلعني غلطانه قدامهم ما يتناقش بيني وبينه لا قدام الاولاد و يطلعني الغلطانه مع العلم انه صار يخاصمهم ويضربهم على اسباب تافهه وما الومه ولا اقوله شي بالعكس اروح للاولاد واقولهم كل واحد يروح يعتذر من بابا ويسلم عليه للعلم اولادي اعمارهم 8 سنين و 4 سنين الي صار انه الخميس ما كلمنا بعض وبعدين رسلي على الجوال انه اليوم خميس وبلاش من العقاب وووو قلتله انا لما اعاقب الاولاد المفروض ما تكسر كلمتي قام قالي ان شاء الله يكبرون ويقتصون منك انا مررره هذي الكلمة زعلتي يدعي عليه ان اولادي ينتقمون مني لما يكبرون وانا طول وقتي ادعي ان الله يسخر اولادي لابوهم عمري ماجاء في بالي انه يدعي عليه هذي الدعوه بجد جرحني انا قلتله امين وفي حياتك كمان عشان تمشت فيني وما اتكلمنا لحد في الليل جاء يعمل نفسه بيراضيني مو عشان سواد عيوني عشان رغباته قلتله لو سمحت انا ما ابغى اتكلم معاك والى اليوم السبت واحنا ما بنتلكم مع بعض وانا انام في الصاله ولا افكر اروح اصالحه لاني ما غلطت انا انسانه ابغى اربي اولادي وما احب حياة الفوضى والهمج اش رايكم :( |
السلام عليكم ورحمة الله تعالى وبركاته
الموضوع جداً بسيط يا أختي ، أعرف أنكِ تريدين أن تُربين أولادكِ خير تربية ، ولكن في بعض الأسر لايفقهون أن تربية الأولاد تكون مشتركة بين الأب والأم ، وإن كليهما لايقل دوره عن الثاني ، وعليهما أن يكونَ على وفاق كامل أمام الأولاد بشأن هذه التربية ، وعليهم أيضاً إحترام أدوارهم التربوية ومايصدر منها من قرارات . يقول المثل " ربانين في سفينة تغرق " يبدوا أن زوجكِ ممن يتبعون هذه السياسة في التربية ، صحيح أنها خاطئة ولكن دعية يربيهم هو إن كان ذلك سيُريحه ، أنتظرية لما يأتي إلى البيت وقولي له أن أولادك فعلوا كذا وكذا جربي ماذا سيفعل ، هل ستعجبه هذه الطريقة وتريحه ؟ إن كانت كذلك فـ دعية يربيهم إلى ان يعرف أن تربيتهم صعبة ومن ثم سيقدر ماكُنتِ تفعلينه وحينها سوف يعذرك ويسلمُكِ دفة السفينة كاملة مع السمع والطاعة . كل التقدير . |
شكرا على ردك
امس سويت نفس الي تقول عليه كانوا عاملين فوضى ويضاربوا بعض بالعاده على طول انا اتكلم واحاول ابعدهم عن بعض او اخاصمهم عشان لا يزعجون ابوهم امس لا كنت ساااككته ومتفرجه عليهم الي صار انه قام وصرخ عليهم وهددهم ينضربون بالجزمة اكر مكم الله اذا ما بطلوا مضاربه قلتله لو انا الي خاصمت وقلت هذا الكلام كان خليتني الغلطانه قام صرخ عليه وقالي اسكتي انتي لا تتكلمي معايه |
اقتباس:
إنتي أمهم ومن حقك تربيهم وتأدبيهم والمفروض مايعاكس كلامك ويكسر كلمتك قدامهم حتى إنتي نفس الشي المفروض الأطفال مايشوفوا أبوهم ولاأمهم أحد فيهم يكسر كلمة الثاني لإنهم رح يصيروا يتهاونوا في الموضوع وتروح هيبتك قدامهم عقابك جدااا مناسب وغير مبالغ فيه حاولوا تتناقشوا بأمور التربية والتأديب يعني واحد يشد والثاني يرخي مع تبادل الأدوار وإذا اختلفتوا على أي شي يكون النقاش والإعتراض في غرفتكم مو قدامهم على فكرة لما رد عليك عارف وحاس إنه غلطان بس بعض الرجال مايحب أحد يقوله إنت غلطت أو ماتعرف تتصرف الله يهديه ويصلحه |
أضن أنه عليك أنت من يراضيه الآن ، لأنك صنعت من مشكلة واحدة مشكلتين
أسرعي لإرضاء زوجك و استسمحيه ، لأن أبليس وأعوانه من الشياطين يغتنمون مثل هذه الفرص لتكبير الخلاف و التفريق بينكما هو ما كسر كلامك لأنه لو أراد أن يكسر كلامك لأخذهم لزيارة جدتهم رغما عنك |
انا من رأيي انك انت الغلطانه
واعذريني على كلامي ولكني اريد النصح لك اولا لما ارسل لك انه اليوم الخميس وحرام... انت المفروض عالجتي الموقف لانه ارسلها والاولاد مادروا انه يبي يطلعهم ليه ما قلتي للاولاد >انا غيرت رأيي وبيكون عقابكم شي اخر واليوم بنطلع عشاني انا وووو انت رحتي كبرتي السالفه ووووولا تكسر كلمتي ومدري ايه طلع الاب احن عليهم منك وخذيها نصييييييحه مني تبينهم يخفون شوي من شقاوتهم حني عليهم اعطيعم حنان قد ما تقدريييين وكل شوي احضنيهم وشوفي كيف يتغيرون ويحاولون يرضونك بأي شي واذا تضاربوا عاقبيهم ان كل واحد يروح بغرفه لمده معينه ويرجعون يعتذرون من بعض ولما زوجك صارخ عليك قدامهم طبيعي لانك قاعده تزيدين النار حطب المفروض انتظرتي شوي ولوحدكم قلتي له وفهمتيه او ارسلي له عتاب في نفس اللحضه عشان الاولاد ما يحسون انكم مختلفين في التربيه وقولي له شفت التربيه صعبه وانت ما تحس ومن هالكلام وبالنسبه لما جا يراضيك تراك تلعنييييييين الى ان تصبحي لانه طلب حقوقه ومو من حقك تمنعيه حتى لو كنت زعلانه غيري من نفسك اختي احسك جدا متمسكه برأيك ومعانده حاولي التجديف في محيطك وابرزي ذكائك وقوة تصرفك في هذه المشاكل |
اختي ... الله يعينك ويفرج همك يارب .. شوفي عن تجربة وعلم ... الضرب والتهديد والصراخ والعصبية ما تنفع ابدا ابدا مع اطفال بهذا السن .. مع الايام بيتعودون على هذا الاسلوب وما بيجيب معاهم اي نتيجه وبيعاندون اكثر ... ويبدأون بالصراخ فنصيحتي اشغليهم بأي شي ( العاب + تلوين + يشاركونك في اعمال البيت ) حطي لهم صندوقين ... واكتبي اسم كل واحد على صندوقه .. وقولي لهم : اللي يمسك إيده عن اخوه ..ويكون هادئ في هذا اليوم ... ويسمع كلامي وكلام بابا ... بحط في صندوقه حلوى .. او ملصقات بشخصيات يحبونها او اي شي يحبونه ... اتبعي معهم هذه الطريقة ... جربي لمدة اسبوع وبإذن الله بترتاحين من هالناحية .. واللي يخالف امرك .. عاقبيه بحرمانه من الهديه واعطاء الطرف الاخر ... واطلبي منه الاعتذار ...واكثري من عبارات المدح والتشجيع ... بالنسبة لزوجك هو يشوف طريقته في التربية هي الصح وانتي تشوفين طريقتك الصح ... بالتالي بتزيد المشاكل بينكم ... انتي تشدين بزيادة وهو مرخي معاهم بزيادة .. فخير الامور الوسط ... هو عارف انك امهم ومن حقك تربينهم بس هو ملاحظ ان طريقتك مبنيه على الشدة والصراخ .. وانتي تشوفينه متساهل جدا وما يساعدك في التربية ... برأيي اولا لازم تراضين زوجك .. لازم تعتذرين لانه بادر وحاول يراضيك وانتي صديتيه وللعلم ( في من الازواج يعتبر العلاقة الحميمية طريقة للاعتذار ) .. لا تجلسين تلومينه وانا اعمل علشانك وانته ما تعمل لي شي ومن هذا الكلام ... شوفي وقت مناسب وناقشيه ابدئي نقاشك باسم الله وبعدين قولي له : انا عارفه انك ابوهم واكيد تربيتك لهم مهمة وما نستغني عنك .. بس صراخ الاطفال وفوضويتهم توترني وما اعرف اتصرف حزتها ... لكن اوعدك اني من بكرة بتبع معهم اسلوب جديد .. بعيد عن الصراخ والضرب ... ولازم تساعدني في هذا الشي ... لاني مستحيل اسوي شي بدونك يا حياتي ... وبس ... اكرر ابتعدي عن الاتهامات واللوم والعتاب ... والله يوفقك ويسعد ويحفظ لك عيالك وزوجك ... ويجمعكم على المحبة والخير ... |
بس ملاحظة الأخت تقول ماتضربهم
الأب هو من قام بضربهم |
معاااك حق والله تزعلين والمفروض لايدعي ويحترم رأيك بحكم امومتك
وحرصك ع تربيتهم والمفروض يكون موقفه وسط بينك وبين العياال مو يأنبك ويعاتبك قدامهم لان هالطريقة بتضيع شخصيتك قدامهم وممكن حتى يصير المحبوب لديهم والرحيم بهم وانتي القاسية .. كااان من المفترض بنظري يعاااتب الأولاد ويطلب منهم الاعتذار لك ويقوول لهم هالمرة نطلب من المااماا تساامحكم وتتطلعوون لكن المرة الجاية لو تتكرر الفعل ماراح اتوسط وبالعكس باوقف مع مامتكم بالعقااب وكان انهئ الموقف بحب ورضااء بينك وبين الاولاد .. هذي وجهة نظرري والله يسعدكم ويآلف قلوووبكم .. |
وعليكم السلام والرحمة :
اقتباس:
كل ذالسنوات وما تعرفين كيف يفكر أو ما يفكر كما تريدين , إن كانت الأولى فتلك مصيبة , وإن كنتي تريدين الأخرى فالخلل في تفكيرك . اقتباس:
جميل إذاً لما الخصام وانت تدركين ان هذا من طبع الصغار أثناء التجمعات . اقتباس:
دائماً ؟! تحتاج تأمل قبل اطلاقها أليس كذلك . اقتباس:
سلوكك جميل وإيجابي لكن وما يدرينا أن الاسباب تافهة فلعلها تكون على اقل تقدير في مستوى سببك المهم جداً , دعي للآخرين الحكم عليك . اقتباس:
الله يصلحهم ويقر عينيكم ببرهم . اقتباس:
الدعاء على قدر المظالم فلما الغضب , ما دمتي لم تتعدي عليهم فلا عليك ولا تلوميه فالآثار الانسحابية من هجرك المبرر بأسباب غاية في الأهمية , والتي من أجلها لن تقعي تحت طائلة الوعيد بلعن الملائكة طوال ليلتك . اقتباس:
قصدك ما كلمتيه هاجرته , والله مسكين الله يعوضه خير . اقتباس:
يستاهل أكثر بعد خليه شوي عشان يعرس يمكن يتوفق مع وحدة تقدره ولا تهجره على الطالعة والنازلة . اقتباس:
يعني لك أكثر من 3 ايام , الله يجزيه اجر الصابرين , يبدو لي أنه حنون على عياله وعليك أيضا وللا صار علوم . اقتباس:
عين الفوضى , قصدك تبين تأدبينه زين ما ندري , ولا يحيق المكر السيئ إلا بأهله . عودي له وتعوذي من بليس , وخلي التفكير السلبي والاستنباطات التعسفية , الكلام اللين يغلب الحق البين , ولو عالجتي المسألة في وقتها ما تدهورت الامور الى هذا الحد . |
| الساعة الآن 08:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©