|
زميله دراسه سألتني : تزوجت ...فز الخفوق وقلت يالله عسى خير
بخش في الموضوع على طول واعطوني رايكم
قبل ثلاث ايام اتصلت علي زميلة دراسه سابقه...من دوله عربيه بحكم اني درست فيها سولفنا شوي وسألتني تزوجت قلت لا ولازم ارد عايها بنفس السؤال تزوجتي قالت لا وما اعرف حسيت بشي غريب صراع داخلي بعد ما انتهت المكالمه ودار في بالي .... اني افاتحها بموضوع الزواج منها لاني محتاج لزواج والحب والعاطفه والبزران وكلشي طفشت من الوحده والعزوبيه والمطاعم وغسيل المغاسل وهندي ينضف الشقه وبهذلة الحاله والبنت ماعليها قصور صداقه 5 سنوات ادب اخلاق انوثه بس ما اعرف هل تفكيري لمجرد اني بس محتاج انثى او وش السالفه طبعا لمحت لأمي اني بتزوج من برى ابدت عدم رضاها وسخطها وانزعاجها وش رايكم في الموضوع؟؟ تحسون اني فاضي؟؟ ولا وش السالفه؟؟ اكلم البنت؟؟ اتصلت بعدها بيوم ومارديت خفت اخربها عطوني ارائكم نصائحكم مهمه انا حاليا ما اشوف قدامي انتم عيوني اللي اشوف فيها |
اخ لاحب بعد اليوم
موضوعك هذا بيسبب طرطعيشن شخصيا اشجعك لو مرتاح لها ولكن في قدامك مجموعة صعوبات اولها مجتمعك فمادري هل بتواجه هالصعوبات عشان زوجة اجنبية اتمنى لك تيسير الامور |
حياك أخوي شئ طبيعي جدا جدا وأكثر من طبيعي ...
اللي تمر فيه بعد التجربة السابقة .. تصدق مرة كنت مثلك وأردى بعد ... تذكرني بنفسسسسي ... إنخطبت وأنا عارفة من خلال كلام أخواته إنه متمسك فيني زي ماانا متمسسسسسكة فيه أنا حاربت عشانه ههههه لدرجة يشتري الهدايا ينتظر الملكة عشان يهديني وهذا كلام أخته بنفسها كل مرة تعلمني وش شرى لي وأن الهدايا كلها لازم فيها حرفي وحرفه .. لكن ماصار نصيب رفضته لسبب إنه جرحني جرررررح كبيييييييييييييييييييييييييييييييييييييييييييييييي ييييييييييييييييييير قدام الكل وأولهم أهله ... الله يوفقه .. وساعتها تقدم لي معدد وفكرت أقبل فيه لرغبتي بالحب والأسرة ووووووو ... لكن صحيت من اللي أنا فيه ورفضت المعدد ... أنا بنصحك زي ماانصح نفسي .... وكأني أحط نفسي مكانك ... لو أنا مكانك ماراح أترك مجال لها ترجع تدق وزين إنك مارديت أحسن لك والله .. لكن ماانصحك بالزواج منها .... إلتفت راح تلقى بنات جماعتك ... أنصحك تخطب من أخوات أصحابك من صديقات أخواتك ... وأنصحك تتزوج بنت متعلمة خلاف تجربتك السابقة ويكونون أهلك تكلموا معها كثير وعرفوا طريقة تفكيرها ... وتأكد إن كلنا نحتاج الحب الحلال والزواج والأسرة بس لازم نحسن الإختيار .. دعواتي القلبية لك ... |
تزوج انما الاول كلم الوالده واقنعها ومن ثم اقدم على الخطبه بالتوفيق
فرحت لك انت محتاج وتعرف البنت |
انا مدري مرتاح ولا مش مرتاح
ضايع في المحبه وتايه وسط غربه ويائس من الوصول والغربه راح تطول ومشيت وماوصلت.... صرت اسمع طلال من الطفش |
الزواج مو يوم يومين ثلاث ..
الزواج عمر و عشرة و تفاهم و تكافؤ اجتماعي و ديني و خلقي و فكري .. و ليش ما تشوف بنت من بلدك ! تري فيه بنات كثير دين واخلاق وقمة جمال .. و لا تعتمد كثير علي امك و خواتك لانهم بيطلعوا عيوب الدنيا بالبنات ..! شوف احد أصحابك او معارفك اللي تعرف اصلهم و دينهم و اخطب منهم و شوفها شرفة شرعية يعني انت اختار و قرر .. و اذا تبغاني اخطب لك ماعندي مانع ^__^ و خطابة مجاناً بعد وش تبغي اكثر ... |
استخير
و أعط نفسك فرصة تدرس الموضوع تمام الزواج من أجنبية له تبعاته الله ييسر أمرك و يوفقك |
اقتباس:
يالييييل الليل .... نظره شرعيه وبعدها انتظر رايهم وبعدها ملكه وبعدها مليون الف سالفه وسالفه واختبارات وقدرات وسين وجيم لاخلاص بطلنا مع ان والله ودي |
اقتباس:
الوالده رافضه رفضا قاطعا تبغى ع كيفها وهي كانت زعلانه عشان موضوعي الاخير بس في الاخير عرفت اني على صح من تصرفات هذيك اللي خبرك |
اقتباس:
والهدف يبي له صبر ... أحسن الإختيار وزي ماقالت شوجي أختر أنت بنفسسسسسك .. |
| الساعة الآن 09:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©