استكشاف عالم البويات او المسترجلات
 

قبل فتره قصيره جدا سمعت ان فيه ظاهره منتشره وهي ضاهرة البويات او المسترجلات

وبصراحه انا معلوماتي صفر في هالناحيه

هل البويات موجودين فعلا ولا بس في الدراما

وهل كونهم بويات او مسترجلات هل هذا سببه هرمونات او خلل ولا تقليد ولا عاده ولا فتره وتعدي

وش السالفه بالضبط

وهل البنت اذا شافت بنت مسترجله تعرفها

طيب كيف سلوكها

كيف تصرفها

وهل البويه تتزوج؟؟؟؟



لاني على وش زواج وما ابغى اتورط بصراحه

افيدونا يا نسوان وبنات وفتيات المنتدى

لاتبخلو علينا

ههههههههههههههههههههههههه إيه تراهي بنت مثلها مثل غيره بس أحد لاعب عليها وقايل لها تراك ولد حسستني البويه هاذي جايه من الفضاء

البويه تقص شعرها نفس الأولد وتلبس ملابس أولاد وتسوي نفسها عربجيه وكذا

وبس يقولون لهم علاقات بعضهم مع بنات وكذا بصراحه ماشفت مثل هالنوع علاقات بس اكيد فيه

يعني كلها شي نفسي مو أكثر من كذا ومع الوقت كثير بنات تتراجع عن هالطريق وبعضهم تكمل بس الغالب ماتعدي مرحله الجامعه إلا أهي خلاص بطلت هالحركات
وتكثر في الجامعات عشان كله تجمع بنات وكذا وبس فترت الجامعه وتلاقي البويه طلعت بنت
وعلي تتزوج إيه فيه بويات أعرفهم تملكو وألحين أكيد تزوجو يعني تتزوج البويه

البوية بنت زي اي بنت ..
لكن المراهقة لاعبه دورها ..!

و سببها الرئيسي هو احساس الفتاة بفراغ عاطفي وحاجة للحب والإحتواء
فتشعر بالضعف و تحاول اثبات ذاتها بالتمرد والتشبه بالمظهر الذكوري باللبس وقصة الشعر
و التصرفات الصبيانية ...

صحيح مدارسنا فيها بويات لكن مو زي مالمجتمع والدراما يصورها ويضخمها بالعكس
البويه فتاة رقيقة من الداخل بمجرد ان توجه لها الإهتمام بشكل مركز تستجيب مباااشرة ..
و تعاملت معهم في المدارس ..

وهم فئة مظلومة أكثر من كونها ظالمة ، وفي مقابل البويات نجد فئة اخرى من الفتيات
تغرق في اظهار انوثتها لتحضى باهتمام البويه ..
يعني عالم عاطفي خيالي تعيشه المراهقات في مجتمعنا وهو تعويض للعلاقات التى تكون بين الذكر والآنثى عادة

و تلجا له الفتيات لانها علاقات آمنه ما يحدث فيها ضرر على عفة الفتاة او سمعتها بشكل كبير ..
يعني بنات مع بعض ..
وانا ارى انها افضل ممن تسلك طريق المعاكسات مع الذكور و تسلمهم عاطفتها وعرضها ..
الفتاة في سن المراهقة و ما بعدها تحتاج لجرعات كبيرة من الحب والإحتواء والحنان ..

و تظهر هذه الظاهرة بسبب العلاقات الآسرية المفككه او البئية التى تضطهد الفتاة و تحرم عليها كل مباح
و تظهر ايضا عند بعض الآنسات المتاخرات في الزواج ..
فهي نتيجة جوع عاطفي كبير مع قلة وازع ديني ..

و الفتاة البوية بمجرد ما تجد رجل يشبعها بالحلال تتخلى مباااشرة عن هذه التصرفات
و كثير من البويات تزوجن وانجبن وعشن بسعادة وهنا ..
واعرفهم شخصياً ..

سلام عليكم
اخوي او اختي
البوية ظاهرة اجتماعية منشرة عند البنات
وهي التشبة في الرجل في صفاته
وفي بعض الآحيان تقلده في سلوكة الجنسي
في الغالب اسبابها نفسية
وهي تشوة صورة الآب في نظر الفتاة
الصحبة السيئة

وش يحسون فيه بالضبط
والله مدري
وفي كثير بالمدارس والجامعات
والله يرضى على اللي بالثانوي
صح مسوين فيها اولاد لكن اهون من الجامعه
بالجامعه حتى باللبس والشعر ومافي ميك اب
واشكال تخووف ومضاربات وطبيعي الوضع عندهم
وبلاوي متلتله
بشكل اوضح يقول اولاد بالجامعه مو بنات وتصرفات
ترفع الضغط وهاذي تحب ذي وعجااااااايب
كيف يفكرون وش الهدف وش تستفيد
؟؟؟؟؟؟؟
مدرررري
الله لا يبلانا
بس تدرون وش اللي استغربه اهاليهم بالبيت عادي
يعني اخوها ابوها يشوفها بهالمنظر وطبيعي
لان جد الشعر حلاقة اولاد وسوالف ومدري ايش
ولا يفوتكم طلعو عينات جديده اللي هم الايمو
وكمان شفتهم
وعاد عالم ثاني لوحدهم ذولا

واااااو لايمكن انسى موقف صار لي بمركز نسائي
كانو موقفينها عند الاستقبال لان ادارة المركز رفضوا وجودها
اول مادخلت ونزلت طرحتي الا هي بوجهي
وعلى طووووووووووول اغطي وجهي ههههههه
وتضحك علي اللي في الاستقبال قالت ترا هذي بنت
انفجعــــت وجلست ارتب عبااايتي
وهي اطالع فيني وتبتسم وربي خفت منهاااا ومن ابتسامتها حتى
الى هالدرجه وصل فيهن التشبه بالأولاد
درسنا وعرفنا حكم التشبه وعقااابه لعن وطرد من رحمة أرحم الراحمين
الله يهديهن ويرجعهن لطريق الصواب

تلبس ساعة رجالي و تحط عطر رجالي و تقص شعرها و تلبس ملابس رجالية قدر الإمكان
و تنشب بالحلق داخلة جو مسوية روحها رجال صدز
الله يقلعهم