|
تجهيزاات النفاس للي قد امتلت كرشتها وانفشت بالسلامه
السلام عليكم ورحمه الله وبركااته
كيف حاالكم يااحريم وياانسااات انا ولله الحمد حاامل باقي لي اسبوع واخلص الثامن الله يعديه على خير ويسهل علي وعلى كل كروشه طبعا تعرفون ان فتره النفاس تعتبر فتره صيانه ولازم الوحده تدخل ورشه ويالله تظبط الامور ابي رايكم وافكاركم وتجااربكم من قبل الطلق الى ليله الاربعين بس بشرط اطمرو وقت الولاده ياوويل وحده تجيب طاريه ماودي احد يخرعني ابي استعدااداتكم من مشتريات وترتيب قبل الولاده الى برنامجكم بعد الولاده وايش اللي سويتوه وندمتم عليه وايش اللي سويتيه وكان حاجه وااو انا طبعا سبق وجربت بس تجربتي كانت غبيه اول شي كنت بولدي حامل وادرس وكنت بالثامن مالي الا كم يوم وولدت ولاكنت مجهزه اي شي حتي ولدت برمضان وفجاه ولاسرير ولا لبس ولاحاجه وجلست اخمخم علي وجهي وجلس ولدي بالعنايه وانسدت نفسي عن كل شي كنت مريضه وحزينه ويوم بغينا نسوي تميمه وحفله وماقصر زوجي سووو حفله كبيره وقبلها بكم يوم توفت خالتي وماحضرت الحفلخ تقدير لا امي ومااعشت فرحه ذاك اليوم والحمدلله علي كل حال طبعا ماكنت مرتبه وطلعت طلعه عاديه من الاربعين بس الشي الوحيد اللي تغير اني كنت اشرب واكل كل حاجه فيها فلفل ابيض واستخدمته بقوووه وصااار جسمي نار يطبخ والكل لاحظ هالشي لاني من النوع اللي جسمي دايم بارد واطرافي ثلج في كل الاحوال بس بغد هالشي صرررت ناار حتي مكاني لاقمت منه حار طبعا مايحتاج اقولكم اعجب ابو الشباب هالوضع ولاحظه بقووه بس هالمره بقولكم ترتيباتي رحت لمحل المولود السعيد بغرناطه وفصلت طقم المولود اشتريت من سنتر بوينت جهاز المولود واشتريت لي بجايم وكم قميص من الهرم اخذت لفات ع الراس وبناطيل صووف وشرابات جالسه اجهز شنطه المستشفى حطيت لبسه للموولود وحطيت لي بجامه نعومه وفرشاه شعر واولاي وجلسوليد وفرشاع اسنان ولفه ع الراس مليتها عطورات وحطيت عطر ومسكره وبس ابي تجاربكم بالتفصيل وابي مكان يبيع مهادات مواليد كشخه زي الي بالنت المخمل اعجبتني مررره وابي جلابيات استقبال تكون حلوه وسعرها معقوول وحده من صاحباتي تقول اطبعي صوره المهاد ووديه الخياط يفصله لك مايكلفك 50 ريال تهقون يقدر يظبطه لي انتظركم يااحلوات ولاتحرموني دعواتكم |
الله يقومك بسلامه بس حبيت اوضح لك نقطه اذا رايحه تولدي في مستشفى حكومي لازم تحسبي حسابك بحليب صناعي لانه ما يعطوكي بيكون صدرك باقي مافي حليب والطفل بيجلس يبكي فوق راسك وانتى عارف تعب وخياطه اما اذا خاص اكيد بيعضوكي حليب للطفل
|
الله يجزااك خير
بإذن الله اذا ربي كتب لي ناويه اولد بالحبيب اللي بالريان سبق وولدت فيه وكاااان روعه فووق الوصف واهتمام وكل شي وربي يسهل علي واولد فيه ان شاء الله |
على طاري الخياااطه ناويه اسوي تجميلي متى اسويه ووين احسن دكتوره تعمل هالجراحه
ومن جربت يعور ولا لا؟؟ |
فديتك جبتيها عالجرح
مالي خبره بالتجهيز تسلميلي ياعسل وبقولك عن شي ياقلبي اخت زوجي تسوي مهادات رووووعة مميزة بالكروشية ماشاء الله هي تسويه عا انا من اللحين اخطط اسويلي كم مهد فخم:d وهي تبيع بالنت وتوصل عن طريق الشحن وان شاء الله احط الي تسويه بالتوفيق |
الله يقومك سالمه
بصراحه احنا ماعندنا كل هالامور والتجهيزات لما تكون وحدة على وجه ولادة .. ماشالله عليكم اهل الخليج عندكم الاحتفال بالمولود والتجهيزات من عاداتكم .. الله يسعدك عيونك بشوفة ولدك او بنتك المهم السلامة اسفه ما فدتك بشيء بس حبيت ادخل وادعيلك |
انا اليوم موعد ولادتي ادعولي بأن الله يهون علي واقوم بالسلامه انا والمولود بالنسبه لتجهيزاتي عاديه للمستشفى ساخذ بالاضافه لما قلتي روب وكتاب ادعيه ومسبحه شامبوللجسم وفرشاه للشعر وفرشاة اسنان ومعجون ومقص اظافر فاااااااااااااااازلين مهم جدا بنطلون وشرابات ومجموعه من الاعشاب للنفاس قمت بتجميعها من النت مثل قشر القهوه ورشاد ومره وقرفه ابحثي ف النت وستجدين" وفي حفظ الرحمن
|
مرجانة الله يسهلك حبيبتي وتفرحينا برجوعك بالسلامة يالغلا
حافظك الرحمن |
لا تحطي عطورات وانتي توك والده عشان جرح الولاده ..
خذي معك كريم للحلمات ادهني منه قبل الرضاعه عشان تتفادي التشققات من البدايه . العمليه التجميله ما تنعمل الا بعد النفاس اما اللي تنعمل مع الولاده اسمها خياطه عاديه تخيط الجزء اللي قطعته اثناء الولاده.. |
Crestalla اختي ممكن اسم الكريم ...؟
|
| الساعة الآن 03:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©