|
الحموضة خلال الحمل
السلام عليكم يا دكتور احمد ارجو ان تكون بخير حال المرة دي عندي سؤالين الاول انا احيانا اشعر بحموضة لفترة طويلة مثلا من الساعة ٤ بعد الظهر لغاية الساعة ٩ مساء علما بأني مش باكل اكل تقيل و انا الان في اول الاسبوع ال١٦ فهل الحموضة في هذه الفترة طبيعية الحاجة التانيه قبل الحمل كان وزني عند الطبيبة ٦٥,٥ كيلو والان ٦٨,٥ وطلبت مني اني اخلي بالي من اكلي شوية يعني انا من اول الحمل وزني زاد حوالي ٣ كيلو فهل ده طبيعي ولا اكتر من اللازم ملحوظة ..في حملي السابق زدت حوالي ١٢ او١٣ كيلو وشكرا مرة ثانيه يا دكتور |
الإرتجاع للحوامل ظاهرة طبيعية ممكن تقسمي اكلك على وجبات صغيرة كثيرة بدل الوجبات ال3 الكبيرة
ولو احتاحتي ممكن تاخدي مستحلب اسمه رينيه بيخفف الحموضة زيادة الوزن خلال الحمل كله في حدود 10 كيلو مقبولة |
شكرا يا دكتور على الاجابة بارك الله فيك بس انا حبيت اعرف هل انا فعلا محتاجة لتقليل معدل زيادة وزني لان الدكتورة طلبت مني اني اراقب الاكل وكمية السكر ولا الزيادة دي معقولة
والف شكر مرة ثانيه |
ياريت تقلليه شوية لانك مع التقدم في الحمل وزنك هايزيد بسرعة
|
شكرا يا دكتور بس معلش انا هازعجك بسؤال تاني وهو المفروض ازيد كم جرام في الاسبوع خلال الفترة اللي انا فيها (انا في الاسبوع ١٧) عشان اتحكم في زيادة الوزن و مااخرجش بره حدود الزيادة الطبيعية وشكرا مرة ثانيه
|
صعب اجاوب على السؤال ده احنا بنتكلم عن الحمل ككل مش عن كل شهر فيه لوحده
كمان ماتعمليش دايت قاسي ولا حاجة فقط لاتفرطي في الاكل غير المفيد زي الحلويات بدون داعي |
السلام عليكم يا دكتورنا العزيز يارب تكون في احسن حال..انا تقريبا مش باكل اي حلويات او كيك او مخبوزات ما عدا الخبز وبرضه مش كثير يعني ممكن ٤ شرائح توست في اليوم وباشرب الشاي ايا كان نوعه اخضر او اعشاب بدون سكر او بقرص واحد بس من المادة المحلية والاكل بيكون بنسبة دهون قليلة وغالبا زيت واللبن نصف دسم ..واللحوم بدون جلد او تحمير
انا برضه باكل اخر وجبة حوالي الساعة ٥ او ٦ وبعدها بيكون بس شرب ميه او شاي اخضر بس اول ما بصحى من النوم باكل تمر حوالي ٧ وملعقة عسل ابيض مع كوب ماء وبعها بشوية فنجان من السيريال باللبن بدون سكر وحوالي الساعه ١٢ باكل ساندوتشين ب٤ شرائح توست والحشو غالبا شريحة جبنة مع خص او طماطم و٢ يوسفي مثلا وبكون وقتها في الشغل وبعد ساعه ونصف تقريبا ممكن اكل تفاحة وفي الاخر لما اوصل البيت الساعة ٥ بيكون الوجبه الاخيرة مثلا ارز وخضار ونوع لحوم انا عارفه والله اني دوشتك بس انا مش عارفة هل ده كده اكل زائد عن الحد ولا ايه طيب لو حاولت اقلل اشيل ايه اعذرني يادكتور بس انا فعلا مش عايزة ازيد اكثر من اللازم وفي الاخر انا بشكرك جدا جدا على مجهودك الرائع وطولة بالك وصبرك ربنا يجعله في ميزان حسناتك |
المادة المحلية معظمهم ممنوع في الحمل اصلا
التوست والمخبوزات كلي منها اللي باللون الأسمر مش اللي زي الفينو بس مش في الوجبة اللي فيها الحاجات زي الحديد والمعادن الاكل مش زائد ولاحاجة بس خلي بالك من اللي قولته |
الف شكر يا دكتور احمد..انا بحاول اخلي المخبوزات من الvollkorn على قدر الامكان لكن تقريبا الدقيق الابيض و دقيق ال vollkorn فيهم نفس كمية السعرات و انا بستعمله عشان نسبة الالياف الاعلى في النوع التاني.
اما حكاية المحلياتsüßstoff فانا اول مرة اسمعها ولما الدكتورة سألتني عن كمية السكر اللي بستعملها قلتلها عن المحلي ولم تعلق او تطلب ايقافها ..انا وقفتها من ساعة ما قرأت رد حضرتك بس ياترى في خطر من استعمالي السابق لها مرة ثانية شكرا يا دكتور |
لا حضرتك غلطانة هما حسابيا فيهم نفس السعرات لكن القشرة الموجودة في الفول كورن بتقلل امتصاص النشويات وبتقلل الإمساك
المحليات مش كلها ممنوع في الحلم بعض الانواع فقط |
| الساعة الآن 08:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©