اللي عنده خبرة يفيدني ضروري !
 

كيف اغير اسمي ؟!
ما اقصد المعرف لا ..

اقصد اسمي الحقيقي اللي بالهوية ...
خاطري أغيره بس مو عارفة الاجراءات كيف ؟!!

اللي عنده خبرة يفيدني الله يجزاه خير ..

عن جد كنت بسحب الموضوع بالونش...

ياعزيزتي استفسري عن طريق الاحوال الشخصية...وربما تجدي الرقم في السنترال ان كنتي مواطنه سعودية

السلام عليكم ورحمة الله وبركاته
غاليتي حددي من اي دولة انت لان ذلك يختلف من دولة الى اخرى حسب قانون الدولة
والله ييسرلك الخير
اختك في الله ينبوع العطاء

اذا انتي سعوديه

عن طريق الاحوال


اعرف وحده كان اسمها (سعديه) غيرت اسمها الى سمر

و واحد كان اسمه (جمعان) غير اسمه الى خالد


الموضوع بسيط


بس اتوقع لازم اسمك يكون غير مستساغ

مش يكون اسمك من الاسماء المتعارف عليها وتبغين تغيرينه


لان عندي اخ اسمه( وسام) بغينا نغيره الى ( اسامه) رفضو الاحوال بحجة ان اسم وسام اسم له معنى وجميل



عاد انتي روحي واسالي انتي او ولي امرك الموضوع هين


هذا في السعوديه

لا واللي يعافيك لا تسحبينه خليييه ..
و اللي ضروري ابغاه ، والأحوال مو معطينا وجه ، ولا اجابة محدده ..
مرة يردون ومرة لا ..

وعليكم السلام ورحمة الله
من السعودية ..

ادري انه عن طرريق الأحوال ..
و سالت مرة وقالوا الموضوع طويل ، ولازم ترفع المعاملة الى الرياض
وانا من الغربية ، و لا عطوني اجابة محددة ..
مع اني اشوف ناس يغيرون بس ماعرف الأجراءات بالضبط ..
و هل ممكن رفع المعاملة عن طريق النت لأن صعب اتابعها انا شخصياً

اسمي كافي اني اكررررهه والله ، واكره احد يسالني عنه ..
اسمي " فاتِــنــــــــــــه " .. بكسر التاء ، مونث فاتن ..
و بصراحة تعرضت لمواقف محرجة بسببه وعلى بالهم استعبط خاصة في الدوائر العامة
والإحراج يزيد لو كان الموظف رجال ..
حتى المعني مو حلو ...
تتوقع يرفضوا تغييره ؟!!

اسمك جميل

لكن انا بسأل جمعان وبشوف وش سوى حتى صار خالد