|
عااجل تكفون حصبه ولا عنقز ولاناموسه
السلام عليكم
بنات تكفون ابي رايكم ولدي عمره سنه وكم شهر وديته وطعمته عن الحصبه ونمت عند اهلي ولاجاه حراره ولاشي بس كان فيه ناموسه بالغرفه ويوم قام لقيت بخده وجبهته كم حبه حمراء زي قبصه النامس رجعت لبيتي عقبها بيوم لقيت يده بالكف نفس الشي منفخه دوائر صغار وحمر وبفخوذه كم حبه زوجي يقول هذي الحصبه ولا من اثر التطعيم ولاتودينه الدكتور الا بعد يوومين انا مرره توترت ولا اتحمل عليه شي ملاحظات نفسه مسدوده عن الاكل وعضوه الذكر اذا جيت اغير له وانظفه ومسكته يصير فيه زي الدم واحمر مرررره ويصيح زي المجنون لالمسته انا قريت اعراض الحصبه والعنقز وكلها فيها حراره وطفح جلدي وشغلات ماشفتها فيه تكفون بنات طمنوني انا بوديه بكره للدكتور ماعاد فيني اتحمل اليوم زوجي رافض وبكره بطلع اوديه مع السواق بدون علمه مااتحمل اشوف ولدي تعبان والمشكله اني حامل واخاف ان اللي بولدي ينتقل للجنين اعصاابي مشدوده من كثر ماافكر الله يرحم والديكم اللي تعرف شي او تقدر تستفسر من دكتور او دكتوره تطمني ضرووري |
لازم يشوفه الطبيب عشان يحكم اش اللي فيه صعبة من ورى الجهاز نقولك لكن قبل الابرة ما فحصه الطبيب ؟ وزوجك لا تشاوريه في روحتك للطيب أعطيه خبر وبس قولي أنا رايحه مع السواق بودي الولد للطبيب ولا تنتظري منه إجابة أحيانًا الطلب له دور في الرفض لما يشوف انك حازمة في كلامك ما راح يقولك شيء خصوصُا انه مو هو اللي بيوديك للمستشفى .. وألف لا بأس عليه طهور إن شاء الله .. |
الطبييييييييييييييييييييييييييييييييييييييب ـ لا تتهوني في ابنك
|
الله يرضى عليكم انا بووديه لايمكن اخليه كذا الولد بس يتحكك
يوم طهرناه الله يسامح ابوه اخذه لجراح شايب وسفيه ثلاث من قرايبي طهرو اولادهم عنده وجاهم نزيف وحذروني منه وعلمته قال هذا صديقي وهو اللي طهر عيالي كلهم اصغر عياله ابو 14 سنه قلت يمكن كان شاطر زمان بس الحين كل الناس تسبه طبعا وعدني مايوديه له وجاء واخذه وانا نايمه ووداه له بعدها باسبوع جاء للولد نزيف ويوم خف الولد لاحظت فيه زي اللحمه الزايده ع جنب واقول لزوجي يقول عادي عشانه صغير ودايم اذا فكيت حفاظته يجلس يمسكه ويحكه بقوه كانه متضايق قلت وده للدكتور قام وداه لنفس الجراح قاال طبيعي جداا اللي فيه انا مو مرتاحه وودي اعرضه لجراح ثاني اذا يحتاج لطهاره بطهره وامري لله لانه امس ينزف دم اذا جيت انظف له ويصيح اذا لمسته الله يستر بنات اذا تعرفون جراح كويس دلوني انا وحده مدحت لي مستوصف الكرامه بالنسيم تقول فيها جراح ممتاز دعوااتكم الله لايوريكم مكروه في اولادكم |
ام عمر
انا طعمته في مركز حكومي وتعرفين مراكزنا الله بالخير لافحصوه ولاشي بس عطوه الابره قالت هذي حمله للكل حتي قلت اعطيني مسكن قالت اشتري من برى ماالت عليهم انا بوديه بكره لاي مستوصف خاص ويشوف ايش وضعه |
لازم تعرضي ابنك علي طبيب
كم صارلو من وقت الطهاره?? انا تقريبا بعد ساعات من الان طبيبه تخصص اطفال بس مو قادره افهم ايش اللي صار مع ابنك فا احسن شئ تعرضيه علي الطبيب ويتم كشف سريري وطمنينا عليه وياااريت الاخوات يقدرو يساعدوك في طبيب مختص في منطقك للاسف انا في امريكا |
ولدي عمره سنه واربع اشهر تقريبا
طهرته وعمره يمكن 25 يووم مو مرتاحه ابداا لمنظره وهو اساسا دايم يمسكه بقووه احسه يحس بألم بس مو عارفه اتصرف زوجي اذا قلت وده لدكتور راح لنفس الدكتور اللي طهره انا ابي اوديه لجراح ثاني عشان لو كان محتاج اطهره ثاني راح اسويها له لانه حرام اتركه كذا اخاف تاثر عليه اذا كبر |
الله يعافيه ان شاء الله شي بسيط ومافيه شي .
وستأذني زوجك ولاتطلعي من وراه. |
الله يجزاااكم خير
وديته وطلعت الحبوب طفح جلدي من اثر التطعيم اما الطهااره طلع فيه زوائد وشالها الدكتور وقال الحمدلله ماتاخرتي ولا ماتروح الا بعمليه شااكره لكم اهتمامكم |
اقتباس:
|
| الساعة الآن 04:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©