|
تكيس المبايض وتأخر الحمل
السلام عليكم ورحمه الله وبركاته انا فى حاجه محيراني جدا وعايزه استفسر عنها لاني بجد بثق فى كلام حضرتك جدا المهم انا عملت متابعه سونار من يوم اليوم 10 ويوم 12 ويوم 14 وكان قطر البويضه كل مره بيكبر لحد ما وصل الى 16 سم فى اليوم 14 من الدوره وانا دورتي منتظمه وطول مدتها 28 وقالت الدكتور ممكن يكون عندي تبويض متأخر وارجع ليها يوم 16 ولما رحت الدكتوره ماشافتش البويضه وقالت مافيش اي بويضه دلوقتى انا محتاره البويضه راحت فين هل معني ده انه الحجم مناسب للنضوج والانفجار والاستعداد للأخصاب ؟ وكمان الدكتوره قبل كده شخصت حالتى اني بعاني من تكيس المبايض وبالرغم اني مش بعاني من اي اعراض كالشعرانيه او زياده فى الوزن بالعكس وزني نحيف ودورتي منتظمه ونادرا ما تتلخبط هل تشخيصها لحالتى يحدد بالسونار فقط واسئلتى لحضرتك تتلخص كاللاتي ظ 1- ماسبب عدم رؤيه البويضه بالسونار فى اليوم من 16 من الدوره ؟ 2- وهل يوم 15 كان يوم التبويض وخروج البويضه من الحويصله ؟ 3- هل الدكتوره لا تستطيع معرفه انو البويضه خرجت من الحويصله ونزولها الى قناه فالوب من خلال السونار ؟ 4- هل قطر البويضه 16 سم مناسب للحمل ولا غير مناسب ولا بد من استخدام المنشطات ؟ 5-قالت الدكتوره لابد من استخدام المنشطات عشان الحمل وعلى طول ابر منشطه وقلت ليها ليه ما تبدي معايا بالكلوميد بالاول قالت كلها بتؤدي نفس النتيجه ونفس الاعراض ليه نضيع الوقت وعلى طول ابر لانها مفعولها اسرع هل كلامها صحيح واتوكل على ربنا ولا ابداء بالكورس من الكلوميد ولا تنصحنى بأيه 6- هل يختفى تكيس المبايض بعد استخدام العلاج ولا بيرجع تاني ؟ 7- انا كنت بعاني من ارتفاع هرمون اللبن واستخدمت الدوبرجين وعملت فحص عشان اتأكد من انخفاضه والحمدلله انخفض هل استمر على العلاج لغايه الحمل ولا اوقفه ؟ لان دكتورتي قالت لازم استمر عليه لغايه الحمل وبعد كده اخذ مثبت لتجنب ارتفاع الهرمون والاجهاض 8-حصل لقاء بيني وبين زوجي فى اليوم 13 ويوم 18 من الدوره ولم استطع الجماع خلال ايام التبويض نظرا لظرف صحي لزوجي هل الايام ديه كافيه لحدوث الحمل وللعلم بأن دورتي متأخره الان 35 يوم وطول دورتي المعتاد 28 يوم وعلمت فحص حمل منزلى طلع خطين خط غامق وخط خفيف اوي اوي وبعد كده عدت الاختبار وطلع لي خطين زي الاول واليوم التاني رحت عملت فحص منزلي تاني طلع خط واحد فقط ايه السبب فى ده هل اختلاف التست وحساسيتو تأثر على دقه النتيجه وهل انا بكده اعتبر حامل ولا لا ؟ 9- ولو قدر الله مافيش حمل ايه السبب فى التأخر وهل تعتبر دي دوره بلا اباضه ؟ ممكن تشرح لى ايه يعني دوره بلا اباضه هل مافيش تبويض خالص ام فى بويضات ولكن لم تصل الى مرحله النضوج 10- هل الاختلال بين نسبتي fsh , lh ونسبها معكوسه معني ده اني بعاني من تكيس المبايض ؟ 11- هل مرض تكيس المبايض يتكون منذ البلوغ او ممكن ان اكون فى البدايه لا عاني منه وثم اكتسبته لاحقا ؟ اسفه جدا تعبتك معاي بس بجد محتاجه لاجابه حضرتك لاني محتاره جدا ومش عارفه اعمل ايه يارب يجزيك كل خير |
وكمان 12 - ماسب تأخر الدوره واللى اعرفه تاخر الدوره بسبب تاخر حدوث التبويض ولكن يوم 16 مافيش بويضه وطبعا الجزء الثاني من الدورة والذي يبدأ من يوم التبويض إلى يوم نزول الدورة فيبقى ثابتاً بطول 14 يوم حتى لو تأخرت الدورة لو فرضنا حصل التبويض يوم 16 وقعدت البويضه 48 ساعه معني ده يوم 18 +14= 32 يوم ماسبب عدم نزول الدوووووووووره ؟؟؟ هو ده اللى مجنني هل حصل تبويض ولا لا وراحت البويضه فيييين وسبب تأخر نزول الدوره ليه وظهور خطين ثم اختفائهم ؟؟؟؟؟؟؟؟ |
واو ماشاء الله أسئلة كتير جدا
1- انا جاوبت على السؤال ده نفسه اكتر من مرة وقولت لحضرتك معناها انه حصل تبويض ونزلت في قناة فالوب 2-مش عارف يوم كام بس اكيد قبل اليوم اللي عملتي السونار وماكانتش موجودة 3-لا طبعا دي مجرد خلية احنا بنشوف الكيس اللي هي فيه مش البويضة نفسها 4-مافيش حاجة سمها كده ده مرحلة من مراحل تطور البويضة في المبيض 5-انا مااعرفش حالتك بس عادة لاننصح بالتنشيط لو الدورة منتظمة والتبويض بيحصل بشكل منتظم واثبتنا ده بمتابعة التبويض اكتر من مرة 6-مافيش عندك تكيس مبايض 7-لا ماتاخديش علاج الا لما يكون عالي بس 8-مااعرفش اجاوب على السؤال ده ... تحليل الحمل المنزلي لازم يبان خطين واضحين وعموما استني 5 أيام ولو مانزلتش الدورة اعملي اختبار حمل في الدم 9-لا كان في بويضة وضحة زي مابتقولي ولو مافيش حمل فده مش حاجة غريبة مالحمل في النهاية نسبة واحتمال مش لازم يحصل حتى لو كل الظروف موائمة وفي النهاية ده رزق من الله 10-لوحدها لا ليست دليل وراجعي الفيديو في توقيعي علشان تعرفي شروط تشخيص المتلازمة 11-هو بياخد كام دورة على مايظهر 12-تاخر الدورة ليه أسباب كتير منها مثلا التوتر الشديد اللي انت فيه ده |
[QUOTE=HerrAHM;2738341]
واو ماشاء الله أسئلة كتير جدا 3-لا طبعا دي مجرد خلية احنا بنشوف الكيس اللي هي فيه مش البويضة نفسها طيب هل ممكن نشوف بقايا الكيس ده اللى خرجت منها البويضه ولا ما ينفعش الكلام ده 4-مافيش حاجة سمها كده ده مرحلة من مراحل تطور البويضة في المبيض انا عارفه بس انا دايما فى كل السونارات اللى عملتها بيوصل الحجم لغايه 16 وبعد كده بيحصل التبويض هل معنى ده انها كافيه للاخصاب ولا لا عشان بسمع انه الحجم الطبيعي من 18 الى 24 ملم 5-انا مااعرفش حالتك بس عادة لاننصح بالتنشيط لو الدورة منتظمة والتبويض بيحصل بشكل منتظم واثبتنا ده بمتابعة التبويض اكتر من مرة ايوه انا دورتي تقريبا متظمه بس ببتأخر كم يوم مثلا بتجي 3 شهور منتظمه ومدتها 28 يوم وبعد كده ترجع تتلخبط ويطول مده الدوره 35 يوم وترجع تظبط تاني 28 6-مافيش عندك تكيس مبايض امال ليه الدكتوره عقدتني وكل شويه تقول عندك تكيس وده بيأثر على التبويض بتاعي ولازم ابر منشطه وكلامها بيقلقني اوووووووووووي 7-لا ماتاخديش علاج الا لما يكون عالي بس طيب لو بينزل شويه لبن من الصدر عند العصر هل استمر على العلاج ولا اوقفه ونسيت اقلك اثناء الفحص طلعت النتيجه منخفض بس لسه بشوف لبن بينزل 8- مااعرفش اجاوب على السؤال ده ... تحليل الحمل المنزلي لازم يبان خطين واضحين وعموما استني 5 أيام ولو مانزلتش الدورة اعملي اختبار حمل في الدم ان شاء الله 9- لا كان في بويضة وضحة زي مابتقولي ولو مافيش حمل فده مش حاجة غريبة مالحمل في النهاية نسبة واحتمال مش لازم يحصل حتى لو كل الظروف موائمة وفي النهاية ده رزق من الله اكيد والنعم بالله وربنا قارد على كل شي وانا متوكله عليه والحمدلله ع كل حال QUOTE] بشكر حضرتك جدا وربنا يكرمك ويجزيك كل خير بما تقوم به من مساعده لينا واطمنان قلوبنا اللى يسعدك دنيا واخره بعد اذن حضرتك ممكن تبص على اجابتي على بعض ردودك وبكون شاكره ليك |
-اه اسمه الجسم الأصفر وبنشوفه لو الجهاز مساعدنا والظروف كويسة
-هي لازم توصل لحوالي 20 ملم علشان تنفجر في العادة بس بيصادف مش بتعملي سونار ساعتها ، نادر لما بنشوف حالات ضمور سريع للبويضة بدون تبويض -راجعي الفيديو في توقيعي علشان تشوفي مواصفات وشروط تشخيص التكيس -لا اللبن بينزل لو الهرمون عالي عيدي التحليل وخلي بالك مش كل الإفرازات لبن الدكتور بيعرف يفرق لما بيشوفها |
| الساعة الآن 10:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©