مدري كيف اعامل زوجي
 

السلام عليكم ورحمة الله وبركاته
خبرتكم بموضوعي السابق اني الحمدلله تزوجت ومرتاحه مع زوجي بعد ماوقفتوا معي في مشكلتي بزواجي السابق حتى تم الطلاق،،الحمدلله الله رزقني بزوج يفكر كيف يسعدني وينسيني الماضي وهنا المشكله الرجل تزوجني مندفع لي بقوة ..الصفه اللي تميزه قلبه رحوووم جدا ورومانسي..شهم وكريم ومرح..انا قايمه بواجباتي كامله ناحيته،، لكن دائما احسه ينتظر اكثر وانا ماني عارفه كيف اتصرف او هو ايش يبي؟؟ احس من كلامه انه توقع اني بكون مندفعه له والله موعارفه اوصل الفكره ..اضرب لكم مثال بسيط موقف ذكرته قبل سنة اوسنتين في موضوعي مشكلتي مع زوجي السابق اني مره جالسين وحطيت يدي على يده ودفع يدي قال انا مااحب احد يلمسني
طيب زوجي الآن يشكي من عدم قربي له دائما يعاتبني ليش تجلسين بعيد عني
ومرة في ليله إستأذنته اني تعبانه وبنام قال اوكي روحي نامي وبخلص شغلي واجي انام واليوم اللي بعده حسيته زعل وجلس يوم كامل ماخذ بخاطره وانا موعارفه السبب وبعدين قالي انه زعل لأنه لما جاء ينام حصلني نايمه على الطرف السرير وكأني لا اريده،،حسيت اني معه انسانه ثانيه ليش السابق كنت اركض وراه وزوجي الآن عاجزة اني ارضيه لي 3 شهور تقريبا متزوجه مااقدر اجي واجلس بجانبه مثل مايبي ولااقدر اقرب منه على السرير كم مره ينصحني ويشجعني بأنه مهما يكون تعبان او مرهق او زعلان فهو مستحيل يطنش قربي وانه بيسعد فيني ،،
3 شهور مافيه تقدم في شخصي
كم مرة يزعل اني مااستقبله اذا دخل البيت ولااسلم عليه اواودعه
وخلال 3 شهور ماسويتها الا مرتين او 3
عاتبني مره اني مقصره ..قلت له انا مومقصره بشئ قايمه بواجباتك كامله قال مااقصد الطبخ والغسل والا كان بجيب لي خدامه والله اني اعيش في هم احس الرجل مصدوم لأنه توقع اذا عوضني عن اللي مريت فيه بسوي له واسوي
لاتقولون حاولي ..حاولت قررت بس ماقدرت اتغير ماني عارفه اساسا وش مشكلتي
كتاباتي له على الجوال كثيرة كان يسعد فيها والآن صار يزعل يقول اشوف رسايلك توديني فوق اجي عندك البيت اووم التطنيش ..صار يقول لاترسلين رسايل تكلمي في وجهي..والله تعبت من نفسي

السلام عليكم ورحمة الله تعالى وبركاته
أختي العزيزة
كل رجل عن رجل يختلف ، لسنا ك بعضنا كما تظن أغلب النساء ، لابد لكِ من التخلص من ذكريات زواجكِ السابق وكل ماحصل فيه ، ولابد بأن تعي بأن زوجكِ هذا يختلف إختلافاً كبيراً عن السابق ، فهو يريد قربك ، ويحب الإهتمام منكِ .

يوجد رجال هكذا صدقيني يحبون إهتمام زوجاتهم بهم ، وحتى يحبون غيرتهم ، لذلك عودي نفسك على مايحب " حبة حبة " وصدقيني سوف يصبح هذا الأمر طبيعي وإعتيادي بالنسبة لكِ ( فالإنسان على ماتعود علية ) .

لاتهملي مشاعرة نصيحة ، ف الرجل إن كرة أو تألم من شيء ، لايرجع لحبهِ مرة أخرى ، لذلك خلق ربنا حواء من أدم وهو نائم .

إغتنمي فرصتكِ الجديدة ، ولاتجعلية يبحث عن راحتهِ بعيداً عنكِ ، كوني له كما يحب ، كي يكون لكِ كما تحبين .

إجتهدي مع نفسك كثيراً ، وإن شاء الله سوف تتحسن الأمور .

أسئل الله العظيم رب العرش الكريم أن يريح قلبك ، ويسخر لكِ زوجك ، ويسعدك في الدارين .

كل التقدير .

أعتقد الأمور اللي يطلبها زوجك من أبسط الأمور والوحدة تفعلها بطبيعتها الأنثوية وبدون تكلف منها وبعدين أتوقع إذا الوحدة مرت بتجربة فاشلة هذي تكون دافع لها على الإصرار على نجاح تجربتها الثانية أما كلمة ماأقدر هذي حيلة العاجز اسمح لي وكأنك تعودت على الجفاء وماتبغي تتعودي على زوج محب رومانسي أخشى والله إذا لم يجد مقابل مع مرور الأيام يتعود هو على الجفاء وتترحمي انت على طبائعه التي دمرتيها بجفائك.

لم انسى قصتك ابدا ودائم افكر فيك حتى ظهرتي مرة اخرى تبشرينا بزواجك من شخص
رائع حسب ماوصفتي ورأيتي وعاشرتي
لذالك هذا الزوج اعطيه مايريد ومايريد في غاية السهولة وانتي هذا وقتك بنوته
وفي قمة انثوتك وعطاءك
وحاولي تدخلين مواضيه هالمنتدى لتذكرك وتنهض مشاعرك وتحرك مايريد
وفقك الله ورزقك الله اسعاد زوجك

دلع غاليتي ،،، والله اذا قرأت مواضيع مثل موضوعك أتألم جدا جدا ،،،
دلع لييييييييه كذا لييه ؟! انتي قبل ما تقدمي على الخطوة الثانية اتوقع انك سويتي فورماااااات كامل لذاكرتك ،،، طيب وين الخلل ؟!
دلع بغض النظر عن تجربتك السابقة ،،، ارجوك لا تخلطين الاوراق مع بعض ارجوووووووك ،، انت الان مع من يستحقك فعلا ،، انت مع من يستحق دلع ،، فأرجوك فجري جميع طاقاتك الكامنة في داخلك لخدمته وإعطاءه ما يستحقه ،، ارجوك اخرجي دلع الحقيقة ولا تخافي ولا تترددي ولا تتوقعي ردات فعل ما انزل الله بها من سلطان ،،
ليه ما تستقبلينه ؟! ليه ؟! أتعجب فعلا !!! هذا من ابسط حقوقه،،
دلع انت الان في اختبار ،، اثبتي للجميع انك زوجة ناجحة بكل ما تحمله الكلمة ولا تدعي للوساوس والخوف مجال ان يثبط من همتك ويجعلك تخسري حياة هانئة
دلع ارجووووووك كفاك خوفا وترددا واستعيني بالصلاة والدعاء والله معك 
*